قصة شعييييبية جميع الأجزاء متسلسلة

عزيزاتي بنوتات المنتدى

أحببت رسم البسمة00 والضحكة على شفاهكم
و هأنا أطل عليكم بموضوع00به من الدجة والفلة والصرقعة ما الله به عليم!!في مرة من المرارير000
جلسنا في بيتنا الصغير000أنا وأخواتي الثلاث او مثل مايسمينا أخوي(زياد) الساحرات الأربع000واذا
راضي علينا قال الجاسووووسات0000000
00000المهم00اعرفكم بنفسي(شعيبية)والنعم!!!والسبعة انعام!!(اقول نعامة ترفسك ارجعي ورا بس!!)
0000الأخت الصغرى
اما اختي الكبيرة واسمها (ريفان) وأدري بتقولون اشمعنى000بأقولكم بعدين!
مطلقة،بس تحزن!!0000
اختي الثانية اسمها(ضي)00متزوجة
وحامل وكرشتها مترين لقدام!!اختي الثالثة وماقبل الأخيرة اسمها
(رند) مخطوبة0000عقبااااااااالي!
00000
0000000كان الوالد والوالدة مسافرين لحضور مناسبة000واحنا واخواتي مجتمعين000واختي(ضي) الحامل
قربت ولادتها ومرتزة عندنا00ادري فيها تبغانا نخدمها ببلاش!!وفجأة رن هاتف المنزل طلع أبوي على السماعة يزف لنا الخبر الصاعقة000
يابنات جدتكم جاية بالطريق؟؟
قلت وشهو؟!أمك بتجي؟!
قال:وما000!ان شاء الله000ايه بيوصلها
ولد عمكم عندكم واستقبلوها زين وخل
ريفان تزهب ذاك الأكل السنع!!(خلد حيلي ذي الريفان كل شغل البيت
فوق راسها00هربت من جحيم زوجها
إلى جحيمنا00ماغير تناقز بالبيت عشان ترضي الجميع00ودايما يحسسونها كل الناس بأنها منتهية الصلاحية!!!)
أقول مالكم بالطويلة!!
وفعلا شمرنا عن أكمامنا وهاتك ياشغل
عاد جدتي000أنا أدرى بها لأني سميتّها!!!!!!وبكل فخر
وجت واستقبلناها بحفاوة000وقعدنا نتجاذب أطراف الحديث00
فحبت ضي تشعلل الجلسة شوي وقالت: جدتي حكينا عن علومكم
أول!!!
قالت جدتي بحسرة:اااااااااايه(والحقيقة كان ينقصها ربابة ومشب وتكمل!!)اول 00كانت الوحدة منا بمية رجال من زمنكم ذا000ماغيرالله يقطعهم بنات وشباب هالزمن!!!
أفففففففففف ياجدة ليش الغلط عاد اللي يسمعك يقول احنا معجبين بعصرالديناصورات اللي عشتوه!!!
كانت الوحدة كرشتها قدامها وعلى وجه ولادة وتقوم تحرث وتسقي وترعى
وتغزل وتربي عيالها وتخدم زوجها وأهله
ماهو بمثلكم هبهب الله عليكم الوحدة
ماغير تتسدح وتتبطح كأنها فقمة!!!
(وعاد تشوفون ضي تلقط وجهها انقلب
السحر على الساحر!!!ههه الله يهديك
ياضي بس000لازم يعني تدقين الزر
حقها!!! عاد لااشتغلت جدتي محد يوقفها)تدرون عاد 000كل شي قديم أصليييي!!!!هههه
----------
قالت ريفان:بس ياجدة الزمن اختلف
والحياة تقدمت وصارت أسهل في زمن العولمة وظل انتشارالتقنية000و
صاحت جدتي مقاطعة:أقول اسكتي يابنت000قصدك ماني مثقفة!! والله
ياعندي علم أقدرأفتح به مدرسة لنحوالأمية!!!(لاحظوا بس كيف تنطقها
نحو الأمية يعني متجهة بقوة نحو الأميةوليس لمحوها للأبد000ههه أقول خلي عنك ياجدة بس)!!
ريفان:جدة السموحة000ماقصدت أزعلك000و
جدتي مقاطعة:بس بس والله اني دارية زوجك ماطلقك من شوي!!!
(شوفوا بس الرابط العجيب الحين اش دخل ذا بذا000بس جدتي دوم كذا تدوس الناس كلهم000بس ياويل من يدوس لها على طرف!!!!!!)
جت رند تلطف الجو:جدة احكي لنا من اللي سماك(شعيبية)؟!!!
جدتي:جدي أبو أبوي سماني!
رند:اشمعنى اختار لك هالاسم؟!
جدتي:لأنه اسم أمه فديتك!!!
صحت أنا:ومازال التاريخ يعيد نفسه غلطة ارتكبوها قبل 80 سنة تحملت أنا تبعاتها!!وش ذنبي وأنا حلوة واخر العنقود يسموني (شعيبية)على اسمك ياجدة؟؟؟؟؟؟؟!!!!هاااه
0000000000000000
0000000000000000000000000
جدتي:لعنة الله على من كفروغير دينه
!!!وين عصاتي جعلك ماتربحين 0وتنطنط في محلها (قاعدة على الأرض طبعا ماتعترف بالكنب تقول سوات الكفار!!!)
ولو تشوفونها تقولون خالتي قماشة
بس جدتي مقاس اكس لارج!!
تدخلت رند عشان تهدي الوضع: ياجدة
ماعليك منها 00شعيبية لسة جاهلة بعدها ماكملت الثانوي00وجدتي مقاطعة:وش جاهلة00الله لايعطيها عافية وأنا بعمرها قد جبت خمس بطون00وراسي يوقف عليه الصقر000
وقامت رند تغمز لي عشان اعتذر
فجيت أكحلها عميتها كالعادةوقلت:
ايه ياجدة والله اسم شعيبية اسم مو مودرن أبد00والله اني أتفشل أقوله لأحد000كل صاحباتي مستحيييل ينادوني به0000الكل يسموني شوشو!!!!!
عاد ذاك الوقت سوت زلزال عجيب!! اللهم ياكافي0000مافي دعوة ولاسبة على وجه الأرض إلا وقالتها000000
على سبيل المثال لاالحصر=ألا لعنة تلعنك في كل كتاب0أجل0شوشو يالخبيثة أحسن من شعيبية يامال العمى0000!!!
وتلقفت ضي وقالت: خلاص ياجدة لاتكبرينها000اختلاف الرأي لايفسد للود قضية!!!!
جدتي مقاطعة (وهي تزفر وتزمجر لين
ماقلنا ياساتر بتنجلط علينا هالعجوز
ونتوهق!!):أقول أص أص000ونتي من يوم ماسموك أهلك ضي وأنا غاسلتن يدي منك!!!!
ضي متفاجئة:ليه ياجدة اشفيه اسمي بعد؟!
جدتي:الله ياخذكم ياحريم ورجال هالزمن ان كان حتى اساميكم تفشل
مدري وشبهم اهلكم يبخلون حتى بالحروف ياكلون نصها كأنهم دافعين عليها من جيوبهم بالله ماتستحين يابنت ونتي اسمك من حرفين بس؟؟!!ضي000وعععععععع
فرحت ريفان وقالت: أجل انا الحمدلله مايشملني كلامك ياجدة اسمي من خمس حرووووف!!جدتي:اقول انطمي وكلي تبن ماظني نحسك الا بسبة اسمك اللي يفشل ذا00 مسمينك أهلك باسم دوا كحة00
الله يحسن خاتمتنا بس000قلة اسماءبهالديرة!!
(عاد جدتي موهوبة في ربط الأشياء اللي مالها علاقة ببعض000اجل وش دخل اسم ريفان بطلاقها؟!!الحمدلله والشكر بس)0000

-------
----------
------قالت رند:جدة00غريبة منك 00إنك إلى الان00وبالرغم من مرور 30 سنة على وفاة جدي00مافكرتي تتركين الديرة000وتعيشين بالمدينة؟؟!!!أنا(عاد ذيك الساع كان ودي أرفس رند على خشتها000أجل تقول ذا الكلام لجدتي000والله أخاف تستحليه هالشعيبيةومن بكرة تجي تسكن عندنا)!!!!!!!!
قالت جدتي:ااااااااه ليش تطرين الغالي00000وتفكها مناحة000وصياح ونياح(الحقيقة أول مرة أدري ان جدتي قلبها رهيف هاللون!!!!)
قلت أنا: أقول ياجدة ترى رحمة الله عليه توفى قبل 30 سنة!!مين وين جبتي الدموووع بس؟!!!
جدة: وشلون ماأبكيه00وهو تركني بعز شبابي000وترملت عقبه وبحلقي8 بزران0ايتام00 أبوك أولهم0000
أنا:أفااااا ياجدة يوم مات جدي كان عمرك 50 سنة000أي شباب بس الله يهديك000اذا أبوي اللي تقولين يتيم عمره الان بالستينات!!!جدتي:0000000000
سألتك بالله00انك تسكتين000الله وأكبر عليك00انتي اللي بمثل عمرك في زمننا كنا نعدها عانس!!!
أنا:تكفييين ياجدة على إيدك!!إن لقيتي لي معرس الليلة جيبيه وأنا أعقد عليه!!!(دايما اخواتي يسموني المشفوحة مدري ليه000الله يسامحهم)ريفان:اعقبي يالضبعة00وش عليه مستعجلة00بعدك بزرة000لاحقة على الهم!!!!
جدة:وش ذا الهرج يارفينة(عاد جدتي
تقول رفينة مو تدلعها00بس طبعها كذا تحب تتشدق بأسماء اخواتي لأنها تعتبر اسمها هي بس اللي كشخة)!!!
وتكمل جدتي حديثها:ليش تعقدين أختك وتقولين لاحقة على الهم000يوم
انك مرجوجة وماعرفتي تربطين زوجك
00تحسبين كل الناس مثلك؟!!!!!
000
ردت ريفان بصوت خانقته العبرة:
وش كان بيدي اسويه يوم كنت متزوجة وماسويته00ياجدة000بس طلع واحد مايخاف الله فيني000جدتي: الا العيب منكم يابنات الزمن ذا الوحدة متكبرة ماتعرف تحافظ على زوجها000
ريفان:ياجدة طليقي كان انسان ظالم امه وخواته مايقدرون عليه وانتي تقولين انا ماعرفته أربطه000وش كان المفروض اسوي؟!!!!!!!!!!جدة:تسوين مثل ماسوينا00كل ماقسى الرجال ربطناه بالعيال00لين مايسير عنده درزن وقتها بيفكر ألف مرة قبل لايطلق!!!!(صراحة نصيحتك ياجدة توزن ثقلها ذهب!!!)
ريفان:ياجدة هذا مو منطق000اذا الواحد زوجته وهي زوجته مستهتر فيها ولاعليه منها أجل بيهتم بكرة لعياله؟!
جدة:أقول لابارك الله فيكم من بنات مافيكم ولا وحدة ورثت الحكمة مني!!!
(إخس يالحكيمة!)!!!!!
ولاحتى المهبولة أختكم هذي00(وتأشر علي)ياخسارة اسمي فيها!!!(بلاها ماتدري قد ايش اسمها هذا جايب لي جميع انواع الأمراض النفسية)!!!!!!!
ضي بصوت عالي:يااااااااااااااااه اسكتوا اسكتوا!!!!!
انفجعنا كلنا وصحنا :وشفيك ولااااااادتك جاااااية تكفين مو وقته امي وابوي مو عندنا!!!!!!!!!قالت ضي:لا لا البيبي قاعد يتحرك00
فديت عمره ازعجتوه بأصواتكم!!!
قالت جدتي باستهزاء:غنوا له عساه يخمد!!!!
عاد أنا صادني الطرب وقلت بنفسي
السهرة مابتكمل الا بصوتي لأنها من يوم مابدت مافيها شي يبعث على الفرح ماغير هواشات تقولون قاعدين بعش قطاوى!!!!
فدقني الحماس وقمت أغني
قوم درج لي وامش قداميومايهمونك خوالي ولاأعمامي(مدري هي صح كذا ولا لا ترى انا كاتبة الموضوع مالي بالأغاني!!!)
جدة:هيييييييييييييييه ياهييييه
إمحق من صوت00وش ذا الكلام يابنت؟! لاحيا ولامستحى000وشهو لايهمونك اعمامي وخوالي000ادري فيك الود ودك تقولين لايهمك جدتي بعد000بس خفتي من اللي بيجيك!!!!!!!!(عاد ياهي عليها شحط بالعصا ينسيك اسمك!!!ماتقولون كهلة عمرها 80 سنة:s :اي شي فيه مصيبة000بلوة000تطلع طاقتها فيه)!!!
0000000000
000000000000
يتبع

0000000
000000000000
طبعا ضي يوم سكتتنا عشان البيبي اللي ببطنها قعدت جدتي تتأمل بطن ضي بنظرةٍ ذات مغزى ورمت هالسؤال: اسمعي يابنت ان شاء الله اللي في بطنك ولد وان شاء الله انك بتسمينه(عفيسان)على اسم جدك الله يرحمه!!!!
أبوك هذا بدل مايجبر خاطري ويسمي أخوك على جده راح وسماه (زياد)وعععع00فيه أحد يترك اسم عفيسان اللي له طنة ورنة000لأجل يسمي زياد!!!!
ضي:مادام هذا رأيك ياجدة00فالحمدلله000أشوى إن ببطني ببنت!!!و
جدتي تقاطع ضي: وش دراك ان ببطنك بنية تعلمين الغيب؟!!!
ضي:لا ياجدة الدكتورة قالت لي يوم سويت أشعة السونار 000!
جدتي:وشهو دزت فيك مسمار؟!!!
ضي:لا00ياجدة يعني بتدزني بمسمار ومابيصير لي شي00هذا أنا قاعدة قدامك!
جدتي:ولو إن الأولاد عزوة000لكن عاد وش بنقول غير الله يعوض عليك ويكفيك شر هالبنت!!!!!!
ومادام إنها بنت مايحتاج أوصيك سميها شعيبية على اسمي!!!!!

أنا وبصوت منفعل ونقزت من مكاني وقلت:ايش ايش ايش؟!! مايكفي انكم جنيتوا علي بعد تبغون توئدون الضعيفة ذي قبل ماتنولد وش ذنبها بس؟!(وأحط اصابعي بوجه ضي وأكمل):والله ياضي لو تسمينها شعيبية لاأتبرأ منك ولا انتي أختي ولا أعرفك!!!0000
00000
جدتي:اعقبي يالحقود ياصاحبة الكراعين السود!!!انتي زليخة ويخب عليك بعد!!والله إن رجع أبوك لأخليه يغير اسمك ويسميك على اسم وحدة من جيراني في الديرة أكرهها00كره إبليس واسمها (بعيثرانة)!!!
أنا عاد قلبي سقط برجولي بعد هالوعيد والتهديد لأن كلمتها مسموعة عند أبوي أخاف يطاوعها000وعقبها اش يدلعوني صاحباتي(بع بع)000لا لا خلني على شوشو أبرك!!!
جدة:ادعي ربك ياضي ماتطلع بنتك لخالاتها ولا ترى بتنشب في حلقك ومحد ياخذها!!

هنا جت ريفان معلنة عن موعد العشاء وبادرت بجدتي: الله يحييك ياجدة على عشانا المتواضع000 (والحقيقة لاهو متواضع ولاشي إلا سفرة طويلة عريضة ليتها بس تعجب بعض الناس!!!!!)جدتي بس طاحت عينها على السفرة
وصاحت: وش ذا كله00ماتخافون الله؟! ايه وش عليكم أبوكم يشقى ويتعب وانتم تضيعون النعمة وزبالتكم تاكل أكثر منكم00!!بلاكم ماذقتوا طعم الفقر ولاماكانت ذي سواتكم!!!!!!!!! ريفان:ياجدة انتي غالية علينا وقدرك كبير00وهذي أبسط طريقة نقدر نكرمك فيها000
جدة:تكفون ياأهل الكرم!!ان بغيتوا تكرموني اكرموني من جيوبكم مو تضيعون حلال وليدي00وتقولون كرم!!
رند:من وين نكرمك من جيوبنا ياحسرة
واحنا ولا وحدة فينا كملت دراستها!!
جدة: ماهو عذر شوفوا جارتي الكريهة بعيثرانة ماقد درست بحياتها وهذي هي تشتغل بمدرسة وتديرها كلها بيدها000
احنا صحنا كلنا بصوت واحد:مستحيييييل شلون؟!!
جدتي: والله تامر وتنهى وكل المدرسة تحت نظرها00لأنها فراااشة نشيطة!!!! أنا قلت لأخواتي بصوت راخي لااااا
زودتها شكلي بأتوطى في بطنها هالعجيز!!!أجل احنا بنات ولدها ودها نشتغل فراشات000اذا أمي وهي أمي كانت ادارية بالتحفيظ نجي احنا ونشتغل فرّاشات!!!!!!!!!!!(مع احترامي لكل فرّاشة تكد وتشقى لأجل تفتح بيت)

000
طبعاً الجميع كانوا قاعدين على السفرة
ومفتوحة نفسنا للأكل اللذيذ ولكن جدتنا شعيبية مثل عوايدها (لامنها ولاكفاية شرها)!!طايحة في الأصناف تتريق وتتشمت والمشكلة تاكل !مافي صنف إلا و حشت كرشها منه00أجل ليه التطنز بس؟!!!!!!!!! طاحت عينها على صحن فيه أصابع الدجاج(نجت)00وسألت:وش ذا يارفينة؟!
ريفان:نجت ياجدة00
جدة:وش يعني؟!!!
ريفان:يعني دجاج مطحون ونكوره بشكل اصابع ونغمسه في البيض والبقسماط ونقليه00
جدتي:يامال العمى!!انتم مافي شي تتركون بحاله!!ياحبكم ياذا الجيل لتنكيس الفطرة!!يعني وش كان بيصير لك لو تركتي سوات الله مثل ماهي وطبختيها في قدر وحطيتي من تحتها رز00بالله ماهو بأزين من خويضك ذا؟؟!! وأنا عاد الود ودي أ00000!ولا0 أقولكم ماني بقايلة لاتقولون ذي عاقة!!!
المهم قامت جدتنا الموقرة تقلب عيونها بين ذا الصحون تدور شيٍ تعيبه00وتشوف صحن سلطة وتصيح وش ذا يارفينة؟؟؟؟!!!!
رفينة يووه أقصد ريفان !ردت وقالت: سلطة خضاربالمايونيز00
جدة:وش ذا القرف لابارك الله فيكم،انتم لو ماكلين تبن بدالها أصرف لكم!!عساك بس اليوم اللي طلقك فيه زوجك ماكنت مسويتها له؟!!!(كل سالفة تخص ريفان الضعيفة تشبكها جدتي بسالفة الطلاق!!)
رند:ليه بس ياجدة؟!
جدة:والله ياسلطتكم ذي يعافها حتى الحمار00من يجي له نفس ياكلها وهي ماكأنها إلا طراش شايب مريض!!!!(شوفوا التشبيه بس 00عوفتنا ناكل شي عقب هالكلام)
وماشاء الله الأخت ضي بما انها حامل تلاقون نفسها خايسة أدنى ماقرفها00وقامت تهوع!! لا والمشكلة جدتي ماخلت شي الا وسبت فيه تسب وتحشي بطنها تسب وتاكل وتاكل وتسب!!
غثتنا غثا مابعده00
وفجأة قالت:هالحين كل ماعلى السفرة ريفان بس اللي سوته؟!!!
ردينا وقلنا إيه0
إحنا بس قلنا كذا غسلتنا بشراع ومجداف!! وقامت تصيح انتم ياللي فيكم ويخطيكم ياللي ياللي(وكلام كثير يصد النفس!!)
ماصدقنا متى خلصت كلامها وقمنا نرفع السفرة وجت الشغالة تساعدنا00ويوم شافتها جدتي صاحت:الحين البيت ذا متروس بنات!!وش هو له جايبين هالفنسى؟!(تقصد الشغالة)لأن خشمها مفنوسٌ فنساً00وليس كخشومنا ممطوطةُ مطاً على قدام!! وليس كخشم جدتي اللي كأنها فم دلة القهوة!!!!
قلت أنا:وخير ياطير جايبين شغالة ماكفرنا؟؟وبعدين أنا ماأحب الشغل مانقص علي إلا أشتغل بهالبيت!!!
جدتي:أقول تعالي تعالي قبل مالعصا ذي تشتغل على قفاتك!
0000
قلت:هاا000وش تبين ياجدتي؟!
جدة:ياعساك بهوى يشتلك ويرميك في قاعة البير!!
قلت:زين00سمي0
جدة:حية00تسم بدنك!
قلت:طيب خير وش بغيتي؟!
جدة:الخير ماعرفته من يوم تمسيت بهالخشة!!
قلت(بأسلوب عرابجة):أقول ترى احنا شعيبيات ونفهم على بعض00هاتي وش عندك من الاخر!
طبعا جدتي كأنها اخترعت حبتين من اسلوبي! وقامت كهلتنا في الله مددت كراعينها00وصاحت:يالله ياوجه العنز همزي رجيلاتي00قبل لأهمزك بعصاتي على ظهرك!!!!
صحت أنا:وشهو وشهو00ماعاد إلا ذي!
اسمك ويالله تحملته يسموني فيه بعد حتى رجيلاتك بتحطيني عندها!!
إلا مادريت الا بذيك العصا اللي فصلت فقرات ظهري عن بعضها!!(اعقبي ياعجوز الغفلة00من وين تجيبين هالقوة؟!)
صاحت:من هنا يابنت00وأمسكها وتشحطني بعصاها000وترجع من هنا لا من هناك000يمين 00يسار00فوق
بعد00تحت0(مانقص الا تقول عاشوا وأحس نفسي بعرس!!!!)
وأخواتي الرائعات يتضاحكن00مبسوطات ويأشرون لي يقولون :نصرنا فيك ياشوشو!!!!
ماصدقت انها قالت خلاص!!
حسيت عقبها ان روحي رجعت000أعوذ بالله00رجولها مطعجة من كل حدب وصوب كأنها حفريات شوارع جدة!!وسروال خط البلدة أعماني بألوانه أحمر+بنفسجي خطوط عريضة
ويفصل بينهم خط أصفر نحيييف!!!
وكرتة خضراء زم000يلعن أبو الكشخة بس!!!! وأنا جيت منطلقة بأقوم الا هي تقول اقعدي قاعود باقي ماخلصت!!
(إنا لله من هالعجيز شكلي بأموت قبلها!)تتوقعون ليش قعدتني؟!
فكت الشيلة عن راسها إلا وتفوح ذيك الروايح اللي أزكمتني وبغى يجيني انفلونزا الخنازير الله يجيركم بس!!!
ماشاء الله عليها اثاريها فاتحة فرع من مزرعة جدي على راسها!!مغرسة ريحان ودوش وعطرة00من زود الكشخة!00ومكملتها بزيت زيتون! بس أموت وأعرف وش باقي تتزين له هالكهلة!!!! لا وصاحت فيني:امشطييييني يالفاغرة!!قلت:وين أمشطك بس وريح شعراتك أعماني!!الصراحة ياجدة زين انك في ذا العمر وباقي في راسك شعر!!!
000000
0000000000يتبع ان شاء الله

طبعاً الجميع كانوا قاعدين على السفرة
ومفتوحة نفسنا للأكل اللذيذ ولكن جدتنا شعيبية مثل عوايدها (لامنها ولاكفاية شرها)!!طايحة في الأصناف تتريق وتتشمت والمشكلة تاكل !مافي صنف إلا و حشت كرشها منه00أجل ليه التطنز بس؟!!!!!!!!! طاحت عينها على صحن فيه أصابع الدجاج(نجت)00وسألت:وش ذا يارفينة؟!ريفان:نجت ياجدة00
جدة:وش يعني؟!!!
ريفان:يعني دجاج مطحون ونكوره بشكل اصابع ونغمسه في البيض والبقسماط ونقليه00
جدتي:يامال العمى!!انتم مافي شي تتركون بحاله!!ياحبكم ياذا الجيل لتنكيس الفطرة!!يعني وش كان بيصير لك لو تركتي سوات الله مثل ماهي وطبختيها في قدر وحطيتي من تحتها رز00بالله ماهو بأزين من خويضك ذا؟؟!!
وأنا عاد الود ودي أ00000!ولا0 أقولكم ماني بقايلة لاتقولون ذي عاقة!!!
المهم قامت جدتنا الموقرة تقلب عيونها بين ذا الصحون تدور شيٍ تعيبه00وتشوف صحن سلطة وتصيح وش ذا يارفينة؟؟؟؟!!!!
رفينة يووه أقصد ريفان !ردت وقالت:
سلطة خضاربالمايونيز00
جدة:وش ذا القرف لابارك الله فيكم،انتم لو ماكلين تبن بدالها أصرف لكم!!عساك بس اليوم اللي طلقك فيه زوجك ماكنت مسويتها له؟!!!(كل سالفة تخص ريفان الضعيفة تشبكها جدتي بسالفة الطلاق!!)
رند:ليه بس ياجدة؟!
جدة:والله ياسلطتكم ذي يعافها حتى الحمار00من يجي له نفس ياكلها وهي ماكأنها إلا طراش شايب مريض!!!!(شوفوا التشبيه بس 00عوفتنا ناكل شي عقب هالكلام)
وماشاء الله الأخت ضي بما انها حامل تلاقون نفسها خايسة أدنى ماقرفها00وقامت تهوع!!
لا والمشكلة جدتي ماخلت شي الا وسبت فيه تسب وتحشي بطنها تسب وتاكل وتاكل وتسب!!
غثتنا غثا مابعده00
وفجأة قالت:هالحين كل ماعلى السفرة ريفان بس اللي سوته؟!!!
ردينا وقلنا إيه0
إحنا بس قلنا كذا غسلتنا بشراع ومجداف!!
وقامت تصيح انتم ياللي فيكم ويخطيكم ياللي ياللي(وكلام كثير يصد النفس!!)
ماصدقنا متى خلصت كلامها وقمنا نرفع السفرة وجت الشغالة تساعدنا00ويوم شافتها جدتي صاحت:الحين البيت ذا متروس بنات!!وش هو له جايبين هالفنسى؟!(تقصد الشغالة)لأن خشمها مفنوسٌ فنساً00وليس كخشومنا ممطوطةُ مطاً على قدام!!
وليس كخشم جدتي اللي كأنها فم دلة القهوة!!!!
قلت أنا:وخير ياطير جايبين شغالة ماكفرنا؟؟وبعدين أنا ماأحب الشغل مانقص علي إلا أشتغل بهالبيت!!!
جدتي:أقول تعالي تعالي قبل مالعصا ذي تشتغل على قفاتك!
0000
قلت:هاا000وش تبين ياجدتي؟!
جدة:ياعساك بهوى يشتلك ويرميك في قاعة البير!!
قلت:زين00سمي0
جدة:حية00تسم بدنك!
قلت:طيب خير وش بغيتي؟!
جدة:الخير ماعرفته من يوم تمسيت بهالخشة!!
قلت(بأسلوب عرابجة):أقول ترى احنا شعيبيات ونفهم على بعض00هاتي وش عندك من الاخر!
طبعا جدتي كأنها اخترعت حبتين من اسلوبي! وقامت كهلتنا في الله مددت كراعينها00وصاحت:يالله ياوجه العنز همزي رجيلاتي00قبل لأهمزك بعصاتي على ظهرك!!!!
صحت أنا:وشهو وشهو00ماعاد إلا ذي!
اسمك ويالله تحملته يسموني فيه بعد حتى رجيلاتك بتحطيني عندها!!
إلا مادريت الا بذيك العصا اللي فصلت فقرات ظهري عن بعضها!!(اعقبي ياعجوز الغفلة00من وين تجيبين هالقوة؟!)
صاحت:من هنا يابنت00وأمسكها وتشحطني بعصاها000وترجع من هنا لا من هناك000يمين 00يسار00فوق
بعد00تحت0(مانقص الا تقول عاشوا وأحس نفسي بعرس!!!!)
وأخواتي الرائعات يتضاحكن00مبسوطات ويأشرون لي يقولون :نصرنا فيك ياشوشو!!!!
ماصدقت انها قالت خلاص!!
حسيت عقبها ان روحي رجعت000أعوذ بالله00رجولها مطعجة من كل حدب وصوب كأنها حفريات شوارع جدة!!وسروال خط البلدة أعماني بألوانه أحمر+بنفسجي خطوط عريضة ويفصل بينهم خط أصفر نحيييف!!!
وكرتة خضراء زم000يلعن أبو الكشخة بس!!!!
وأنا جيت منطلقة بأقوم الا هي تقول اقعدي قاعود باقي ماخلصت!!
(إنا لله من هالعجيز شكلي بأموت قبلها!)تتوقعون ليش قعدتني؟!
فكت الشيلة عن راسها إلا وتفوح ذيك الروايح اللي أزكمتني وبغى يجيني انفلونزا الخنازير الله يجيركم بس!!!
ماشاء الله عليها اثاريها فاتحة فرع من مزرعة جدي على راسها!!مغرسة ريحان ودوش وعطرة00من زود الكشخة!00ومكملتها بزيت زيتون! بس أموت وأعرف وش باقي تتزين له هالكهلة!!!! لا وصاحت فيني:امشطييييني يالفاغرة!!
قلت:وين أمشطك بس وريح شعراتك أعماني!!الصراحة ياجدة زين انك في ذا العمر وباقي في راسك شعر!!!
000000
0000000000وشحطتني بذيك العصا اللي سوت بجسمي خرايط للخط السريع!!
وأمشط والريحة تفوح وأمشط والريحة تتفشى00وعاد توني متعشية والمعدة بدت تقلب00إلا وجدتي تصيح:ياضي قومي جيبي لي المبخرة00!
(طينتها هالعجيز شكلها ناويتن علي!!)
وشوي وتجي ريفان الضعيفة وجايبة معها صينية الشاي00وقالت:ها ياجدة أعجبك العشاء؟!
جدتي:لا والله ماعجبني،الله لايعيده!!!!!لو معكم سالفة كان خليتوا زياد يجيب لي ذبيحة من مطبخ الذبايح!!!!(أأوف ياجدة،شين وقوي عين)!!إلا وين هو زياد ؟من يوم ماجيت ماشفته00
ريفان:والله طلع يتمشى مع خوياه0
جدتي:ليش؟؟ماعلمتوه ان جدته شعيبية بتجي؟؟
عاد أنا من حرتي خليتها هي وكعشة العفاريت اللي فوق راسها وقعدت جنب رند وقلت:
إلا علمناه00بس من فرحته بجيتك هج من البيت!!ياليته خذاني معاه!!
إلا ورند تدقني بخصري وتقول بهمس:علامك انتي ماكفاك ماجاك؟!لازم تزيدينها جمر فوق ماهي شابة!!!وأشوى اثاريها ماسمعت لأنها قاعدة تسولف مع ريفان00
وأنا قمت أسولف مع ضي ورند ودق جوال رند وقامت تكلم ووجهها يحمر ويصفر فخمنت انه خطيبها00
جدتي:وش ذا بإيد رنيدة؟!
قلت:جوال!!
جدتي:منهو شاريه لها؟!قلت:خطيبها0
جدتي:ليش؟؟
قلت:عشان يكلمها فيه00
جدتي:ياويلي ويلاه00واعيباه!!
تحاكيه وش تقوله ماتستحي00 ماتنتخي؟
قلت أنا:خير خير،تراه زوجها00ماهو من الشارع!
جدتي:أقول عيب!ماعندنا بنات يثرثرن مع الرجاجيل في البلوة ذا وقامت تزأر بصوت يخرق الأذن: يارنييييييييييييييدة!!
وجت رند تسعى:يالبيه،نعم ياجدة!
جدتي وبأعلى صوت قالت:قولي لخطيبك يسكر سماعته ولا ترى جدتي بتتوطى في بطنك!!
الرجال من خرعته قفل الخط بوجه رند على طول!!!!!
وشوي الا زياد أخوي داخل علينا00فديت قلبه ياحبي له هالزياد هو أكبر مني بيني وبين رند في العمر
بس فلاااااوي ويحب الضحك والوناسة00حركاتنا مع بعض
واياه تشبه حركات توم وجيري!!
وجاي عاد بكامل أناقته الفلاوية00
الشعرناعم بس بما انه يحب يشابه زملاه في موضة الكدش تلاقونه يوميا يتروش بتايد عشان يخشن شعره!!!!والشعرمنكوش ويلمع من الجل000وفلينة كت(يعني بلا أكمام للناطقين بالعربية)!!!!+بنطلون برمودا طيحني ولا نزلني كله واحد00بس ابشركم ماهو بنطلون سامحني يابابا أخوي عاقل ماهو من ذي الطقة!!!!+اسورة فضي+سلسال جلد أسود+ساعة!!وشايل اللحية والشنب!(بس اش أوصف واش أخلي كشخخخخخخخخة بمعنى الكلمة!!!)

يتبع اليوم ان شاء الله

0000نستكمل ياحلوين00يوم دخل علينا شيخ الزين(أخوي زياد)!!أبوالصرقعة والاستفزاز00
بمنظره السابق ذكره فوق!!
وقام البكاش يرحب بجدتنا الموقرة ويقول:جدة شعيبية عندنا؟!
يابختنا ياسعدنا!!!
00وماأخفيكم جدتي يوم شافته بغت تنجلط00وقالت:زيااادوه؟وش هالشيفة ياشبيه الرجال؟!!
زياد: يمة!اسم الله علي!ليش شيفة إلا يازيني وش حلاتي؟!!
جدة:مالت عليك إلا مالت عليك 0أي حلاة؟0وإنت كأنك عنز مخترعة مع ذا الكشة!!!
زياد بأسلوب مستفز:وش علامك علي؟مستكثرة علي هالوسامة؟!وأنا وارثها منك!!!!!!
جدة:الله لايقوله!!استح على عمرك استح00وانت مايندرى عنك00حرمة أو رجال!!!والله إنك واقف بخسارة بهالبيتإن كان علي00فأنا مااعتبرك إلا الأخت الخامسة لذول البنات!!!!
طبعا احنا فاطسين ضحك على حوارات المحششين ذي!!فقمت أقول لزياد من باب التطنز:جاك الموت ياتارك الصلاة00
خذ دورك لاهنت00حنا شبعنا!!
قال زياد:وعساكم من أول الليل على ذي الحالة؟؟!!
قلت:إيه0أبشرك!!!
زياد يوجه كلامه لجدتي:حشاشة جوفي يالشعيبية!!ترى نَفَسي طوييييل00ومابتقدرين تاخذين مني حق ولاباطل!!
جدة:أقول ياحسرتي على وليدٍ جابك!
وإنت لانخوة ولامروة ولامرجلة00والعقل ضاربن عليه سيفووون(عجيبة جدتي يوم تنطق سيفون !!تقولون صعيدي بالجامعة الأمريكية!!!)والله على عهدنا00كان الواحد ماياصل عمره 18 سنة إلا وهو رجال فاتح بيت وبحلقه كوم بزارين000موب إنت مانتكل عليك حتى تجيب لنا بريالين خبز!!
زياد:أقول مدام شعيبية00إذا بتبدين تبثين لنا برنامج (صراع الأجيال)فأنا أقترح إنك تشترين راحتك وتدقين النومة لأن اثار السفر واضحة عليك!!!
جدة:اسكت جعلك ماتربح!!أنا ناويتها السهرة اليوم ناويتها لك إنت وخواتك00عيلة متردية اللهم ياكافي!!
زياد:إنتي قد السهر ياميمتي شعيبية؟؟!!!
جدة:قدها وقدود00يالجاهل!
قام زياد يستخف دمه عليها ويقول:
أقول جدتي00ماعندك عروسن لي منّا و لا
منّاك؟!
جدة:ومين هالمهبولة اللي بترضى فيك؟ لاوأزيدك من الشعر بيت00الحياة علمتني دروس كثيرة00صرت لاناظرت الواحد عرفته وعرفت نفسيته00فمليون ألف قسم ماظنتي إنكم بتلاقون من يضفكم وتضفونه إنت وشعيبية المقرودة أختك!!!!
زياد:وليه الغلط ياجدتي؟ والله ياظفر أختي شعيبية يسواله مليون وحدة من هالعجنجز جيرانك!!!000مال قهاوي الضحى!!!(ينصردينك يازياد00ويقولون لي ليش تحبينه؟؟!!)
جدة:وش حارك من قهاوي الضحى؟00ماهي بأحسن من هسهسة الليل؟مالك انت وربعك؟!!!!!!!!!0000

[=;]استكمل مادار00في مجلس جدتنا المصون عقب ماجاء فارس القوم (زياد)امحق فارس!!!!
زياد:ظلمتينا ياجدة!أنا وأختي00!وحنا الزين عندنا والشين حوالينا!!!حشا قاعد ببسطة!!
جدة:وععععععع!!إنت والغافر الله ماودي أتكلم عن شيفتك000وأما إختك فالله يرحمنا برحمته ماجاها الزين ولايقرب لها00ومافيها شي ن يستاهل الا اسمها!!!!!!!!!
زياد يستهبل:الله يصبرنا على مابلانا!!
ادعي لنا00انت بس!!
جدة وهي رافعة ايدها تدعي:ياالله يامطلوب00ثبت عليه العقل مثل ماثبَّت عيونه براسه!!ياالله تعفي عنه وتشفيه بهيم ومايفهم!!ياالله ترزق شعيبية بسنافي ن يشلها00وترفع سوقها عقب ماطاح!!! عاد أنا قمت أتناقز وأقول: امييين امييين
بس من قال لك ان سوقي طاح؟!بايرة والا على حل شعري دايرة!!
جدة: ولو اني مافهمت شي من اللي قلتيه ولكن احتياطاً كلي تبن!!!!!!!!
زياد:ياجماعة الخير غيروا السالفة الله يرحم والديكم!بالعربي اقلبوا المحطة على العام وخلونا من المشفر!!!!أقول ياجدة وش اكثر شي تحبينه بهالدنيا؟!!!!
جدة:نفسي!!
زياد:وأكثر شي تكرهينه؟!!
جدة:إنت!
00000000

المهم أترككم الان مع البنوتة شعيبية تحكي لكم تابع المأساة بلسانها!!!
طبعاً بعد الأخذ والعطا والشد والرد بين زياد وجدتي حتى قلنا بأنفسنا00مال هالليل اخر!!
تدخلت ريفان اخيرا لإنهاء الموقف وقالت:ياحليلك ياجدة لو انك بالديرة هالحين 00كان يمديك بسابع نومة!!
بس معليش سهرناك000
جدتي باستهزاء:طبعاً !وش يتوقع منكم الواحد غير ضيافة تفشل لامقعد ولامرقد!!!!(اااهبَّي ياذي المرة كيف تحقد وتجحد00مايخالف جدتنا وتمون!!)
ريفان:بالله يارند اطلعي فوق ونزلي فراش لجدة وافرشيه بالمجلس000
جدة:ايش ايش؟! منهو اللي ينام بالمجلس00يمين ماأطبه!!!
ريفان:ليه ياجدة؟أفضل مكان ممكن يريحك المجلس به دورة مياه خاصة فيه+قريب منك المطبخ+بعيد عن الازعاج000
جدة:وكلكم تنامون فوق وأنا أنام بلحالي؟!افرضي احتجت شي؟!
ريفان:مافاتني هالشي ياجدة00بأخلي (سوميني)شغالتنا تنام قريب منك ولااحتجتي شي اطلبي منها000
جدة:سم بقلب العدو ان شاء الله00
مابقى إلا أنام مع هالفنسى!!
ريفان:ليش هالاحتقار ياجدة ماهي بآدمية؟؟؟حالنا حالها؟
جدة:إلا يابنتي00لكن افرضي اني صحيت في الليل مخترعة وناظرت فيها 00والله لأحس إني طايحة بمستشفى ومعي سيستر00هم بأقوم أهستر!!!(وش هالعذر الفلة ياجدة؟!شكلك تتابعين MBC2 دايما00هههههه)ريفان:مايخالف ياجدة00قولي بس وين ودك تنامين ومالك الا طيبة الخاطر!!(حليلها ذي الريفان مكسورة جناح)!!!!!!!!!
جدة:ودي أطلع معكم فوق!!
ريفان:بس الدرج صعب عليك00أخاف ماتتحملينه!!
جدة:ليش ماأتحمله؟!مافي أصعب من مقابل وجوهكم وقدرت أتحملكم00بأعجز عن الدرج يعني؟؟!!!!
ريفان:الله يحييك
000ومسكتها ريفان وزياد وطلعوها الدرج في نص ساعة!!!!
(تعبانة وتكابر!!!غصب وصلت)
وطبعا إحنا اساسا عندنا اربع غرف وحدة لأمي وأبوي00والثانية لريفان وضي000والثالثة لرند ولي والرابعة لزيادوووه000 بس عقب ماتزوجت ضي تفضلت أنا مشكورة بطرد رند من غرفتي لتذهب للنوم مع ريفان واستفرد أنا بمملكتي الخاصة00لممارسة طقوسي المختلفة!!بسرية تامة!!!ههههلكن حاليا لما جت عندنا ضي عشان ولادتها راحت تشارك ريفان ورند غرفتهم00لأني ماأبغى أحد يغثني أنا مثل الفريك ماأحب شريك!!!!
البقية عقب الردود000

نستكمل معكم ماصار ودار00
وعقب ماطلعت جدتي الدرج وهي تتعرق تعرق وتفح فحيح تقولون متسلقة جبال الهيملايا!!!
00000
وصلت لصالة فوق وفاجئتنا كلنا بحركة بهلوانية وانبطاحة عالمية على ظهرها فوق السيراميك وكرشتها تطلع وتنزل من التعب تقولون موج بحر000وماشاء الله عليها من يقعد عند رجولها وهي منسدحة مايشوف وجهها00بسبب المطب الصناعي اللي بالنص(الكرش)!!!! وفطسنا ضحك وبالأخص لما قال لها زياد:
يااااواااااد ياشعيبي ياخطير00اثاريك راقصة باليه مخضرمة!!والله مو مخرب عليك الا هضبة نجد اللي بالنص!!!
وإحنا تشققنا من كثر الضحك00وصكتنا بذيك الصيحة: يامال العمى00جدتكم تنتظر من يشلها وانتم تتضاحكن؟!!!شيلووووووووني
قالت ضي بصوت منخفض:أشوى إني حامل!!!
وقاموا ريفان وزياد شالوها000ثم سألتها ريفان:وين تبين تنامين ياجدة؟
جدة:مايبيلها سؤال!!أكيد عند سميَّتي شعيبية الصغيرة!!!
أنا:ايييييييييييش؟؟
جدة:عيييييييش!!!من زين غرفتك يامال البلا!!
اقضبي يدي ووديني غرفتي!!(صارت غرفتها ماشاء الله!!!) وأوديها للغرفة وأول مادخلت قالت:بسم الله!!ياالله سكنهم مساكنهم!!
أنا:وشفيك ياجدة؟!!!
جدة:وش هالقرنبع اللي مرززته على الجدران كأنهم عيال ابليس!!!
أنا:أولا:هذا موب قرنبع00هذي دببة وبساس00ثانيا:أنا مرتبتهم على الأرفف المعلقة لأنهم هدايا من صديقاتي00
جدة:صدق لاقالوا الهدية تشبه صاحبها!أكيد ربيعاتك يشابهن الدببة وأخلاقهم أخلاق القطاوى!!!
أنا:أجل شنهي الهدية المثالية برايك؟؟!!!!!
جدة:غرشة كادي00ولا دهن عود00ولامسبحة وشرشف صلات00او طاقة قماش00وبرطمانين سمن وعسل(حشا مقاضي بقالة)! ودخلوا علينا ريفان ورند الغرفة وسألت ريفان جدة:ياجدتي وين ودك نفرش لك؟!!
جدة:وش حقه تفرشن لي00؟مايهناني الا انبطح على سرير شويشة!!!
أنا:وشهووووووووووووووو؟!وأنا وين أضف خشتي وبحياتي ماقد نمت على غير سريري!!جدة:أجل ودك تحذفين بي على الأرض وترقدين كما الأميرة على السريرياالحية؟!!! امعصي!
ماتنلامين مادام هذول خواتك من وين بتتعلمين السنع00طاح حظك!!!!(بالله خواتي اش دخلهم بالموضوع؟!!!1)
ودخل علينا زياد وسمعها تهزأنا00فقال:علامك ياجدة رفقا بالقوارير!
جدة:وش قارورته ياالهيس؟!
زياد:قارورة كلمة في اللغة العربية تنقال على النسوان لرقة طباعهم فشبهوا بالزجاج الرقيق اللي أدنى شي يكسره!!!
جدة:أجل بعون الله أول قارورة بأكسرها في هالبيت أختكم المقرودة ذي00وتأشر علي بعصاتها!!(كأن ناقصني تكسير وهي من يوم مادخلت البيت كسرت ظهري بعصاتها وقلبي بكلامها ومجاديفي00و00خلاص!!!!)
خرج الجميع من الغرفة يضحكون وبقينا حنا الشعيبيتين نناظر بعض00فانسدحت جدتي على السرير والحقيقة إني أشفقت عليه00الثقل موب هين!! وصاحت فيني:همزي رجيلاتي يابنت!
وقعدت أمسجها لين مانعست عينها00وقمت أتسحب ببطء
00الا وفتحت عينها وصاحت:شوووووووييييشة!!جيبي لي ماء!
قلت:ابشري00وأنزل من الدرج بسرعة متجهة للمطبخ وأصب كاس ماي بارد وأطلع لها ويوم ناولتها الكاس رشفت رشفة وبختها في وجهي!!! وقالت:الله لايسامحك يالهبلة كسرتي أسناني(الله واكبر ياأسنانها!!كلها 7 سنات وايلة للسقوط!!)
قلت:حنا نشربه كذا00
جدة:ماينشره عليكم عفاريت!!!روحي يابنت وجيبي لي ماء دافي00
وأنزل بسرعة من جديد وأخلط شوي ماي بارد مع ماي حار00وأجيبه لها:ويوم ذاقته صاحت فيني:
احترق حلقي لابارك الله فيك00جيبي ماء من الصنبور(يعني الحنفية او البزبوز لغير الناطقين بالعربية!!!!!) وأركض للمرة الثالثة وأروح أصب ماي من الصنبور والحقيقة ان مويتنا مالحة!بس مايخالف ذا طلبها!!!!
وأول ماشربت تفلته بوجهي00وقالت:قطع الله نصيبك يالرفلة00تسقيني من ماء البحر!!
وتمسك عصاها بتشحطني وأشرد غرفة خواتي وأعلمهم بالسالفة قالت ريفان:يالذكية شغلي عقلك شوي وانزلي المطبخ وافتحي الكرتون اللي على الدولاب وطلعي لها قارورة ماي صحة وأعطيها0وأنزل بسرعة للمرة الرابعة00ومايخفى عليكم اني حسيت اني نزلت كيلو ورا هالمشوار00طلعة ونزلة ونزلة وطلعة!!!!
وبالفعل خذيت ماي الصحة ورحت أعطيها لقيتها تشخر!!
رحت وتشطفت ورجعت أغير ملابسي وبديت ألبس بجامتي00إلا وجدتي فتحت عيونها وقعدت على السرير وتصيح علي وتقول:ياشوووويشة
ياقليلة الحيا تبدلين هدومك قدامي؟!!!
قلت:بسم الله! حس بالي انك نايمة!!!
ورجعت حطت راسها على المخدة وقامت تشخر وكأن شيئاً لم يكن!!!!
ورحت للمكيف وشغلته00وماأدري الا هي تصارخ:صكيييييييي البلوة اللي شغلتيها!!!
قلت:بس ياجدة الدنيا حر!
جدة:ماحر الا حر جهنم!!افتحي الدريشة!!
صكيت المكيف وفتحت الشباك00وعاد تخيلوا بس ليلة خميس+بيتنا على الشارع العام وقريب مننا المطاعم+العالم ساهرة= ازعاج وسيارات ومسجلات وبواري وأصوات!!!وشي يرفع الضغط وهي ماشاء الله عليها بسابع نومة!!!!! وأرجع اروح لغرفة خواتي00إلا ضي تقول لي:بشري ياشوشو00اش اخر المستجدات؟!!
قلت:تصوروا00ماتبغى المكيف يشتغل00وخلتني أفتح الشباك!!!
رند:طيب وش تنتظرين؟ روحي نامي!
أنا:وين أنام؟شكلي بأكون ضيفة عندكم الليلة بس فضوا لي مكان!!
رند:تكفين ياأشعب!!أقول ارجعي لغرفتك والله يصبرك على مابلاك!!وتراني بعد مانسيت يوم تزوجت ضي وطردتيني من الغرفة واستفردتي بها لوحدك!!! ورجعت أجر أذيال الخيبة لغرفتي00وجلست على الكرسي الهزاز وغلبني النعاس!!!!

وصلت لصالة فوق وفاجئتنا كلنا بحركة بهلوانية وانبطاحة عالمية على ظهرها فوق السيراميك وكرشتها تطلع وتنزل من التعب تقولون موج بحر000وماشاء الله عليها من يقعد عند رجولها وهي منسدحة مايشوف وجهها00بسبب المطب الصناعي اللي بالنص(الكرش)!!!! وفطسنا ضحك وبالأخص لما قال لها زياد:يااااواااااد ياشعيبي ياخطير00اثاريك راقصة باليه مخضرمة!!والله مو مخرب عليك الا هضبة نجد اللي بالنص!!!
وإحنا تشققنا من كثر الضحك00وصكتنا بذيك الصيحة: يامال العمى00جدتكم تنتظر من يشلها وانتم تتضاحكن؟!!!شيلووووووووني
قالت ضي بصوت منخفض:أشوى إني حامل!!!
وقاموا ريفان وزياد شالوها000ثم سألتها ريفان:وين تبين تنامين ياجدة؟
جدة:مايبيلها سؤال!!أكيد عند سميَّتي شعيبية الصغيرة!!!
أنا:ايييييييييييش؟؟
جدة:عيييييييش!!!من زين غرفتك يامال البلا!!
أنا:وشفيك ياجدة؟!!!
جدة:وش هالقرنبع اللي مرززته على الجدران كأنهم عيال ابليس!!!
أنا:أولا:هذا موب قرنبع00هذي دببة وبساس00ثانيا:أنا مرتبتهم على الأرفف المعلقة لأنهم هدايا من صديقاتي00
جدة:صدق لاقالوا الهدية تشبه صاحبها!أكيد ربيعاتك يشابهن الدببة وأخلاقهم أخلاق القطاوى!!!أنا:أجل شنهي الهدية المثالية برايك؟؟!!!!!
جدة:غرشة كادي00ولا دهن عود00ولامسبحة وشرشف صلات00او طاقة قماش00وبرطمانين سمن وعسل(حشا مقاضي بقالة)! ودخلوا علينا ريفان ورند الغرفة وسألت ريفان جدة:ياجدتي وين ودك نفرش لك؟!!جدة:وش حقه تفرشن لي00؟مايهناني الا انبطح على سرير شويشة!!!
أنا:وشهووووووووووووووو؟!وأنا وين أضف خشتي وبحياتي ماقد نمت على غير سريري!!جدة:أجل ودك تحذفين بي على الأرض وترقدين كما الأميرة على السريرياالحية؟!!! امعصي!
ماتنلامين مادام هذول خواتك من وين بتتعلمين السنع00طاح حظك!!!!(بالله خواتي اش دخلهم بالموضوع؟!!!1)ودخل علينا زياد وسمعها تهزأنا00فقال:علامك ياجدة رفقا بالقوارير!
جدة:وش قارورته ياالهيس؟!
زياد:قارورة كلمة في اللغة العربية تنقال على النسوان لرقة طباعهم فشبهوا بالزجاج الرقيق اللي أدنى شي يكسره!!!
جدة:أجل بعون الله أول قارورة بأكسرها في هالبيت أختكم المقرودة ذي00وتأشر علي بعصاتها!!(كأن ناقصني تكسير وهي من يوم مادخلت البيت كسرت ظهري بعصاتها وقلبي بكلامها ومجاديفي00و00خلاص!!!!)
خرج الجميع من الغرفة يضحكون وبقينا حنا الشعيبيتين نناظر بعض00فانسدحت جدتي على السرير والحقيقة إني أشفقت عليه00الثقل موب هين!! وصاحت فيني:همزي رجيلاتي يابنت!وقعدت أمسجها لين مانعست عينها00وقمت أتسحب ببطء
00الا وفتحت عينها وصاحت:شوووووووييييشة!!جيبي لي ماء!
قلت:ابشري00وأنزل من الدرج بسرعة متجهة للمطبخ وأصب كاس ماي بارد وأطلع لها ويوم ناولتها الكاس رشفت رشفة وبختها في وجهي!!! وقالت:الله لايسامحك يالهبلة كسرتي أسناني(الله واكبر ياأسنانها!!كلها 7 سنات وايلة للسقوط!!)قلت:حنا نشربه كذا00
جدة:ماينشره عليكم عفاريت!!!روحي يابنت وجيبي لي ماء دافي00
وأنزل بسرعة من جديد وأخلط شوي ماي بارد مع ماي حار00وأجيبه لها:ويوم ذاقته صاحت فيني:
احترق حلقي لابارك الله فيك00جيبي ماء من الصنبور(يعني الحنفية او البزبوز لغير الناطقين بالعربية!!!!!) وأركض للمرة الثالثة وأروح أصب ماي من الصنبور والحقيقة ان مويتنا مالحة!بس مايخالف ذا طلبها!!!!وأول ماشربت تفلته بوجهي00وقالت:قطع الله نصيبك يالرفلة00تسقيني من ماء البحر!!
وتمسك عصاها بتشحطني وأشرد غرفة خواتي وأعلمهم بالسالفة قالت ريفان:يالذكية شغلي عقلك شوي وانزلي المطبخ وافتحي الكرتون اللي على الدولاب وطلعي لها قارورة ماي صحة وأعطيها0وأنزل بسرعة للمرة الرابعة00ومايخفى عليكم اني حسيت اني نزلت كيلو ورا هالمشوار00طلعة ونزلة ونزلة وطلعة!!!!وبالفعل خذيت ماي الصحة ورحت أعطيها لقيتها تشخر!!
رحت وتشطفت ورجعت أغير ملابسي وبديت ألبس بجامتي00إلا وجدتي فتحت عيونها وقعدت على السرير وتصيح علي وتقول:ياشوووويشة
ياقليلة الحيا تبدلين هدومك قدامي؟!!!
قلت:بسم الله! حس بالي انك نايمة!!!
ورجعت حطت راسها على المخدة وقامت تشخر وكأن شيئاً لم يكن!!!!
ورحت للمكيف وشغلته00وماأدري الا هي تصارخ:صكيييييييي البلوة اللي شغلتيها!!!قلت:بس ياجدة الدنيا حر!
جدة:ماحر الا حر جهنم!!افتحي الدريشة!!
صكيت المكيف وفتحت الشباك00وعاد تخيلوا بس ليلة خميس+بيتنا على الشارع العام وقريب مننا المطاعم+العالم ساهرة= ازعاج وسيارات ومسجلات وبواري وأصوات!!!وشي يرفع الضغط وهي ماشاء الله عليها بسابع نومة!!!!! وأرجع اروح لغرفة خواتي00إلا ضي تقول لي:بشري ياشوشو00اش اخر المستجدات؟!!قلت:تصوروا00ماتبغى المكيف يشتغل00وخلتني أفتح الشباك!!!
رند:طيب وش تنتظرين؟ روحي نامي!
أنا:وين أنام؟شكلي بأكون ضيفة عندكم الليلة بس فضوا لي مكان!!
رند:تكفين ياأشعب!!أقول ارجعي لغرفتك والله يصبرك على مابلاك!!وتراني بعد مانسيت يوم تزوجت ضي وطردتيني من الغرفة واستفردتي بها لوحدك!!! ورجعت أجر أذيال الخيبة لغرفتي00وجلست على الكرسي الهزاز وغلبني النعاس!!!!التكملة بعد ردودكم الحلوة!!!

اكمل بعدين جبتولي احباط0000مافي ردود تبرد القلب!!

لعيونكم حاولت أعصر مخي وياالله طلعت هالجملتين!!!!!!!!!!!1
المهم00لما اعياني التعب نمت على الكرسي الهزاز بغرفتي من بعد ماشفتوا انه جدتنا الموقرة استحلت سريري وكتبته باسمها!!!!!!
مامداني انام 3 ساعات الا وأحس بذيك العصا تحفر خصري كأنها دريل!!!وقمت مخترعة الا هي جدتي!!
قلت:بسم الله!!واش فيه؟!
جدة:قومي صلي الفجر يابنت!!الديك صاح وانتي بعدك غاااااااطة!!!
قلت والنعاس يغلبني:الله وأكبر00الديك صاح!!!!تحسبين نفسك بعد بالديرة ياجدة؟!!!!
جدة:أقول أص عن كثر الهذرة قومي صلي000
قلت: ان شاء الله000(والحقيقة اني رجعت غمضت عيوني وانا قاعدة على الكرسي00وجدتي تصلي)00
وماشاء الله كلها ثواني الا وهي هزت الكرسي وماحسيت بنفسي الا وأنا منقلبة على بلاط الغرفة الحقيقة كانت انقلابة بقفزة عالمية!!!طريقة عجيبة في الإيقاظ بس الصراحة فعلا صحصحت بعدها!!!!!!!!!!
ورحت أتوضأ وجيت أصلي وجات جدتي وقعدت على الكرسي الهزاز جنب سجادتي تراقب صلاتي مامداني أركع الا خبطتني بعصاها!!وقالت:اسرعي يابنت وش هالبرود!!!
سجدت00شحطتني شحطة ثانية00وقالت:واشفيك لاقمتي ماقعدتي ولاقعدتي ماقمتي خل قلبك حي وأسرعي يالرفلة!!!!
ماصدقت أنتهي من الصلاة 000
الا وجدتي تقول:ماعجبتني صلاتك عيديها!!!!
قلت:ايش؟؟ايش؟؟
جدة:يامال الصمخ!!!ماعجبتني صلاتك عيديها!!
قلت:لاااااااا ياشيخة000اخر نكتة ذي و لا اخر شريط نزل بالأسواق؟!!!والله ماأعيدها وأنا بنت خلف!!!!
جدة:بتعيدينها وانتي ماتشوفين الطريق يالعاصية000أجل ذي تسمينها صلاة؟!!
كل سجدة وكل ركعة تطولين فيها000اسرعي اسرعي وخلك نشمية!!!!!
قلت:جدة واللي يرحم والديك00احنا مو في سباق الجري!!هذي صلات00لازم يكون فيها خشوع وطمأنينة00
جدة:أقول صلي!!!(عاد ياهي عنيييدة ماتفكك لين ماتنفذين اللي براسها!!!)
وقلت بنفسي الله يصبرني على هالنهار!!!وعدت الصلاة وهي تتفرج00وتهز عصاتها00انتهيت من التسليم00
وقمت أخلع الشرشف000
قالت:هييييييييه وين وين؟؟؟؟؟
قلت:انتهيت000
جدة:ووين سنة الفجر؟؟؟
قلت:الحقيقة00أنا بس أصلي الفروض ومن السنن اصلي الوتر بس!!!
جدة:كفيتي ووفيتي يابنت خلف!!!!أقول صلي يابنت سنة الفجر وبعدها عيدي صلاة الفجر وأنا جنبك أحتريك بعصاتي!!!
أنا:ياااااااشيخة اتقي الله000وشهو ذا صلاة تحت الطلب؟!!!
الله العالم بالنيات وبمشيئته يقبلها او لا00والصلاة لازم تكون خاشعة مو نقر ديكة000
وشردت غرفة خواتي!!!!!!!
الحقيقة هذا اللي طلع معي مخي فاضيييييييي!!!
بعدين اكمل

أستكمل معكم0000قصتنا التاريخية!!!
أنا بس شردت لغرفة أخواتي دخلت وحطيت راسي ونمت نوما عميق من كثر ماتعبت وانكسرت رقبتي على الكرسي الهزاز قبل صلاة الفجر000أضيفوا على ذلك الاجهاد اللي حسيته بعد الطلعة والنزلة عشان أجيب لها الموية إذا باقي متذكرين في الأجزاء السابقة!!!!
مالكم بالطويلة000بس حبيت أسترجع مكان ماوقفت اخر مرة00
الساعة 8صباحا ويجينا الاعصار!!!
جدتي صحت من نومها ودخلت علينا الغرفة أنا وخواتي لتعلن عن غضبها واستنكارها00بصوتها الجهورييامِخْمِجـــــــــــــــــــــ ــــــات!وراكـــــــــم بعدكــــــــــــــــــــم رقـــــــــــــــــاد00الساعة صارت 8 والفطور مازهبتوه لجدتكم؟!!!!)
ريفان:معليش ياجدة00الحين نصحى ونجهزفطورك000
أنا رديت وبكل تثاقل من كثر ماالنعاس ساحب عيوني لتحت!: وشفيك ياجدة من الصبح00ياكافي00كل ذا جوع؟!!!
جدتي:قومي قومي00لابارك الله فيك00والله مايسوي فطوري الا انتي!!(وعطتنا مقفاها وطلعت من الغرفة)
أنا: إيـــــــــش؟؟ ومين قال إني بأصحى هالحزة؟
باقي بدري والظهر ماأذن!!!
ريفان بهمس:يالهبلة قومي واكفينا الشر!وشفيك ناوية على نفسك الليلة؟!!!!!!!!!
جدة:يـــــــــــــــــاشويشة لازهبتي الفطور طلعيه فوق ماني بنازلتن لتحت كراعيني تكسرت من الدرج يـــــاخلق!!
أنا:حسبي الله بس! إن شاء الله ذي تكون اخر سفرية لأبوي وأمي اللي بهالوهقة!!!
ونزلت ريفان ورند للمطبخ00 وضي أم كرشة منتفخة قعدت مع جدتي الموقرة بصالة فوق يسولفن لين مانجيب لهم فطور!
وأنا رحت أتشطف وأبدل هدومي واكتشفت إن (؟؟؟00الشهرية شرفت!!) قلت ياالله ربي رحمني من مراقبة جدتنا شعيبية لصلاتي!
وأخذت علبة مناكيرفوشي!!كشخة!
ونزلت المطبخ وسحبت كرسي وحطيت رجل على رجل وقمت أتمنكر!!!!
صاحت رند:الظاهر الأخت غلطانة بالعنوان!!
قومي انتي مو برايحة مناسبة 00انتي وراك فطور ومطلوبة بالاسم تسوينه!!!
أنا:لاياحبيبتي00البركة فيكم وفي الشغالة تساعدكم!أنا ماصدقت تطول أظافري خلني أدلعها وأمكرها!!
رند: عشتوا!!أقول قومي طاح حظك00لو يوصل لجدتك علم خلت عصاها تغطرف على ظهرك!!!
ريفان:ياشيخة خليها براحتها لاتفشلنا اللي يسمعك يقول عاد تعرف تسوي شي00راس مالها لااجتهدت سوت لنفسها كوب نسكافه ومر بعد!!!
أنا: وشفيها لاكان مر الرشاقة مطلوبة!!!(إلا من العجز لا أدور مكان السكرية!!!!!)
وفعلا راحوا الضعايف يسوون القهوة ولوازمها والفطور وتوابعه00و00و 00الخ
وقالت ريفان:روحي طلعي الأكل بنفسك عشان جدتك ترضى وتصدق إنك سويتيه!
رند:ماشاء الله إحنا نتعب وهي تقدمه على الجاهز!!
أنا:واللي يسمعك عاد يقول طابخة ذبيحة!والله لو خطيبك جاي كان اشتغلتي يومين بالمطبخ تجهزين اصناف وماتقولين أح ولا امبــــاااع!!!!
رند:وش قاهرك يالحسودة؟ خطيبي ويستاهل وماطلبنا منك شي!و000قاطعتنا رند وقالت:
خـــــــــــــــــــــلاص!عيب عليكم ودوا الفطور وريحونا 00جدتكم بتفضحنا000
أنا خليت الشغالة مسكينة تشيل تبسي الفطور الثقيل وطلعت أنا بالسفرة أفرشها00
وعاد جدتي انشكحت وصارت تقول:الله00الله وش هالزين كله00اثاري معك عقل يابنت وتعرفين تزينين أكل!!
أنا عاد وصل راسي للسقف وصار شعوري مثل شعورأي طفل لالبس ملابس جديدة بالعيد وقاموا الناس يمدحونه!!!!
وقلت:هـــــــــاااه تحسبين محد غير ريفان بذا البيت يعرف يتجمل؟!
وفجأة تغيرت ملامحها وصارت تناظر ايديني(طبعا قبل00 ماقد انتبهت ان أظافري طويلة ومبرودة00لأنها كانت ابيض وأسود00بس اليوم شافتها بالملون!!!!)
وصاحت:وش ذا المخــــــــــالب لعنبو ابليسك!!!من شاف يدك ماذاق أكلك!!
قلت:وشفيها لاتزينت؟!
جدتي:أي زينة مالت عليك لوعتي كبدي!!!!قومي00قومي شيلي هالأكل عني والله ماينزل بطني!مايندرى وش مخبى تحت أظافرك!!!
وضي ميتة ضحك ماشاء الله عليها !جت ريفان ورند يفضون الاشتباك00وجدتي لسانها مشتغل هواش وتهزيء
وحالفة ماتذوق الأكل من كثر ماتقرفت!
فاستغلت رند الموقف وقامت تشعللها
وقالت:ياجدة ماعليك منها هالرفلة اللي يسمعك يقول عاد حطت يدها في شي!!!
وقمت أغمز لها النذلة00وهي طايحة فيني تشميق بعيونها!
وقالت جدتي: وشهوووووووو؟
اااااااه يالعاصية00ماسويتي الفطور مثل ماقلت؟!!
000
0000
00تتوقعون اش صار؟!!!!!!!
ماني بقايلة لين ماأشوف الردود السنعة!!!!!!!!!!!!(طلعت انذل من رند!!!!)هههه

نكمل ياحلوين الجزء السابق000
طبعا بعد مادرت جدتنا المصون إني ماحطيت يدي بالفطور انبسطت من جهة000انه بينزل في كرشها أكل نظيف!!!!
وزعلت من جهة إني ماانصعت لقرارها وطلبها!!!
وتعالت الأصوات والهتافات وكانت جلستنا هذي كلها قدام غرفة أحمرالخدين زياد!!
وطبعا ربي سلمني من عصاتها لأن زياد خرج من غرفته وشوشته نافرة ومعصب وصــــــــــاح:
ياعالم ياهووووه!حرام عليكم ماقدرت أنام من الفجر 00وتجون تكملون الناقص بذا الهواش كأنكم بزريبة دجاج!!

جدتي:حِنا دجاج ياالديك؟!!00لو فيك نخوة كان قمت لصلاة الفجر لحالك!!لكن محد علمك السنع إلا عصات جدتك شعيبية!!!!!
وقالت ضي:ههههه000حتى زياد ماسلم من عصاك ياجدة00والله إنك موب هينة!!
قلت أنا: خل يذوق ماذقته! وليتك ياجدة اليوم تنزلين في ضيافته وتنامين بغرفته!!
زياد: استحي ياشوشو00واقضبي لسانك00(وراح لغرفته قال إيش بيكمل نومه!00وثواني الا وهو راجع لنا بالصالة وقام يهاوش:
مــــــــــــــين اللي شقق الصور اللي أنا معلقها على الجدران؟؟؟
جدتي وبكل فخر قامت تطق على صدرها وتقول:أنا00
زياد وبعصبية:لـــــــــــيه؟؟؟؟
جدة: وش تبي بالكفرة الفجرة اللي فرحان بصورهم ومعلقنها على جدران الغرفة000لو فيك خير كان علقت صورة جدك عفيسان!!!
زياد: والله ياجدة الكل يدري إني ماأسمح لأحد يدخل حجرتي إلا بإذن فما بالك باللي يتعدى على ممتلكاتي الشخصية!!!
جدة:وشهو ياالتيس الأغبر؟ ترفع صوتك علي ياشبيه الرجال؟؟لاقيمة ولاحشيمة؟؟؟؟
زياد وبكل عصبية:لأنه مو من حقك!!
00وتوترت الأجواء وقاموا ريفان ورند يغمزون له يبونه يسكت وهو فلت لسانه كلمة منه وكلمة من جدتي شعيبية00راح أخذ نفسه ودخل غرفته وغير ملابسه وطلع000
وهو خارج راحت ريفان تناديه وتلحقه(عاد خبركم00هو الولد الوحيد في البيت والكل مدلعه وهو سندنا بعد أبوي00بس جدتي الله يسامحها وش بنقول!!)
قالت جدة:أقول خله ينقلع درب يسد مايرد!!!
يالله بسم الله خل نفطر000
وقعدنا على السفرة ناكل مثل المغصوبين000وقضينا الوقت من سالفة لسالفة000لين ماأذن الظهر00ودخلت ريفان المطبخ تسوي الغدا00وكل مابغت تطبخ شي تلقى شي ناقص00
وقالت:وش أطبخ هالحين؟ مافي إلا دجاجة وحدة00والخضار ناقصة0
قالت ضي:اتصلي على زياد يجيب النواقص00
قالت ريفان:ليش ماتعرفون زياد لاطنقر والله مايعطينا وجه!
قالت رند:ويزعل علينا ليش؟ اش سوينا له؟ جدته هي اللي مزعلته!
ريفان: عاد حركات مراهقين!!! تكفين ياشعيبية الله يسعدك زياد مايسمع الا كلامك ويحبك لأن عقليتك مثل عقليته!!اتصلي عليه يمكن يرد عليك!
وبالفعل اتصلت مرة ومرتين وثلاث وهو مطنــــــــــــــــــــــــش! وحالف مايرد!
قلت:والله مافي أمل00زيادوه00متكرن على الاخر0
ريفان: وبعدين وش الدبرة؟ كل اعتمادنا عليه هالولد في غياب أبوي00
قلت: أحسن مو لازم نسوي غدا ولاقالت جدتكم ليش نقولها زرعن زرعتيه لازم تحصدينه!!!!
ريفان: قطيــــــــعة! صدق إنك ماتستحين000أصلاً عيب عليه يزعل من جدته ويترك البيت لو درى أبوي كان سواها له سالفة!!
قالت رند: شوشو00زياد ماخذ عليك انتي و انتي اللي تفهمينه أنا أقول لو تكتبين له مسج حلو من مسجاتك وأشعارك الحلوة أكيد عقبها بيرد على اتصالاتنا!!
قلت: ابشروا أنا لها!
وبالفعل أخذت الجوال وقمت أكتب00وأرسلت المسج000وبعدها بدقايق رجعت ريفان تتصل به لــــــــــــــكن لقت جواله مغلق!!!!!!!!!
قالت ريفان بدهـــــاء: تعالي يالنذلة انتي وش أرسلتي له بالضبط؟!!!!
قمت أبلع ريقي وقلت: مسج من مسجاتي الحلوة مثل ماطلبتوا!!!!
قالت رند:أقص إيدي لو كان مسج زين أصلا باينة مثل الشمس ماقفل جواله الا وهو قاري شي فضيحة!!!000هاتوا الجوال نشوف وش أرسلت هالمطفوقة!!!!
وأخذوا الجوال وفتحوا على الرسايل المرسلة ولقيوا مسجي اللي أرسلته لزياد وكان كالتالي:
لو ماتتعدل
وتــــــتبدل
بتتبــــــهدل
فهمــت؟؟
ياأهــــــبل!
0000000
بالله اش رايكم ماهو مسج حلو؟؟؟؟
الله يهديهم أخواتي لايعجبهم العجب ولا الصيام برجب

نكمل ياحلوين الجزء السابق000
طبعا بعد مادرت جدتنا المصون إني ماحطيت يدي بالفطور انبسطت من جهة000انه بينزل في كرشها أكل نظيف!!!!
وزعلت من جهة إني ماانصعت لقرارها وطلبها!!!
وتعالت الأصوات والهتافات وكانت جلستنا هذي كلها قدام غرفة أحمرالخدين زياد!!
وطبعا ربي سلمني من عصاتها لأن زياد خرج من غرفته وشوشته نافرة ومعصب وصــــــــــاح:
ياعالم ياهووووه!حرام عليكم ماقدرت أنام من الفجر 00وتجون تكملون الناقص بذا الهواش كأنكم بزريبة دجاج!!

جدتي:حِنا دجاج ياالديك؟!!00لو فيك نخوة كان قمت لصلاة الفجر لحالك!!لكن محد علمك السنع إلا عصات جدتك شعيبية!!!!!
وقالت ضي:ههههه000حتى زياد ماسلم من عصاك ياجدة00والله إنك موب هينة!!
قلت أنا: خل يذوق ماذقته! وليتك ياجدة اليوم تنزلين في ضيافته وتنامين بغرفته!!
زياد: استحي ياشوشو00واقضبي لسانك00(وراح لغرفته قال إيش بيكمل نومه!00وثواني الا وهو راجع لنا بالصالة وقام يهاوش:
مــــــــــــــين اللي شقق الصور اللي أنا معلقها على الجدران؟؟؟
جدتي وبكل فخر قامت تطق على صدرها وتقول:أنا00
زياد وبعصبية:لـــــــــــيه؟؟؟؟
جدة: وش تبي بالكفرة الفجرة اللي فرحان بصورهم ومعلقنها على جدران الغرفة000لو فيك خير كان علقت صورة جدك عفيسان!!!
زياد: والله ياجدة الكل يدري إني ماأسمح لأحد يدخل حجرتي إلا بإذن فما بالك باللي يتعدى على ممتلكاتي الشخصية!!!
جدة:وشهو ياالتيس الأغبر؟ ترفع صوتك علي ياشبيه الرجال؟؟لاقيمة ولاحشيمة؟؟؟؟
زياد وبكل عصبية:لأنه مو من حقك!!
00وتوترت الأجواء وقاموا ريفان ورند يغمزون له يبونه يسكت وهو فلت لسانه كلمة منه وكلمة من جدتي شعيبية00راح أخذ نفسه ودخل غرفته وغير ملابسه وطلع000
وهو خارج راحت ريفان تناديه وتلحقه(عاد خبركم00هو الولد الوحيد في البيت والكل مدلعه وهو سندنا بعد أبوي00بس جدتي الله يسامحها وش بنقول!!)
قالت جدة:أقول خله ينقلع درب يسد مايرد!!!
يالله بسم الله خل نفطر000
وقعدنا على السفرة ناكل مثل المغصوبين000وقضينا الوقت من سالفة لسالفة000لين ماأذن الظهر00ودخلت ريفان المطبخ تسوي الغدا00وكل مابغت تطبخ شي تلقى شي ناقص00
وقالت:وش أطبخ هالحين؟ مافي إلا دجاجة وحدة00والخضار ناقصة0
قالت ضي:اتصلي على زياد يجيب النواقص00
قالت ريفان:ليش ماتعرفون زياد لاطنقر والله مايعطينا وجه!
قالت رند:ويزعل علينا ليش؟ اش سوينا له؟ جدته هي اللي مزعلته!
ريفان: عاد حركات مراهقين!!! تكفين ياشعيبية الله يسعدك زياد مايسمع الا كلامك ويحبك لأن عقليتك مثل عقليته!!اتصلي عليه يمكن يرد عليك!
وبالفعل اتصلت مرة ومرتين وثلاث وهو مطنــــــــــــــــــــــــش! وحالف مايرد!
قلت:والله مافي أمل00زيادوه00متكرن على الاخر0
ريفان: وبعدين وش الدبرة؟ كل اعتمادنا عليه هالولد في غياب أبوي00
قلت: أحسن مو لازم نسوي غدا ولاقالت جدتكم ليش نقولها زرعن زرعتيه لازم تحصدينه!!!!
ريفان: قطيــــــــعة! صدق إنك ماتستحين000أصلاً عيب عليه يزعل من جدته ويترك البيت لو درى أبوي كان سواها له سالفة!!
قالت رند: شوشو00زياد ماخذ عليك انتي و انتي اللي تفهمينه أنا أقول لو تكتبين له مسج حلو من مسجاتك وأشعارك الحلوة أكيد عقبها بيرد على اتصالاتنا!!
قلت: ابشروا أنا لها!
وبالفعل أخذت الجوال وقمت أكتب00وأرسلت المسج000وبعدها بدقايق رجعت ريفان تتصل به لــــــــــــــكن لقت جواله مغلق!!!!!!!!!
قالت ريفان بدهـــــاء: تعالي يالنذلة انتي وش أرسلتي له بالضبط؟!!!!
قمت أبلع ريقي وقلت: مسج من مسجاتي الحلوة مثل ماطلبتوا!!!!
قالت رند:أقص إيدي لو كان مسج زين أصلا باينة مثل الشمس ماقفل جواله الا وهو قاري شي فضيحة!!!000هاتوا الجوال نشوف وش أرسلت هالمطفوقة!!!!
وأخذوا الجوال وفتحوا على الرسايل المرسلة ولقيوا مسجي اللي أرسلته لزياد وكان كالتالي:
لو ماتتعدل
وتــــــتبدل
بتتبــــــهدل
فهمــت؟؟
ياأهــــــبل!
0000000
بالله اش رايكم ماهو مسج حلو؟؟؟؟
الله يهديهم أخواتي لايعجبهم العجب ولا الصيام برجب

نستكمل ماسبق ياحلوين....
طبعا يوم زياد قفل جواله احترنا وشلون نسوي غدانا.......
فقالت ضي:طول عمرك هبلة ياهالبنت وماتعرفين تتصرفين!...كان بدل ماترسلين المسج السخيف هذا كان ارسلتي قائمة بطلبات المطبخ اللي ناقصة!!!
أنا_شعيبية_رديت بعصبية:إلا ليه ماتستخدمين انتي ذكائك وتكلمين زوجك هاللي قاطك عندنا وتقولين له يجيب المقاضي؟!!
ضي:ايـــــــــــــش؟؟صدق ماتستحين!تبيني أكلم زوجي وهو في بلد ثاني منتدب عشان يجيب لحضرتك حشي تحشينه؟!!
وبعدين اش اللي قاطني عندكم؟انا قاعدة في بيت أبوي وبكرامتي!!!
أنا:إلا على طاري الكرامة بتولدين على حساب زوجك ولا من جيب أبوي؟!!
ضي(شهقت بصوت عالي)وقالت:
الله لايسامحك على هالألفاظ أحد ماخذ من مالك يامال العلة؟!!
تدخلوا ريفان ورند في هالمناقشة الساخنة وقالت رند:انتي ماتستحين ياشعيبية؟؟أختك اللي اكبر منك جاية ضيفة في بيتنا وتقولين لها كلام ماسخ وبكل وقاحة؟!!!
أنا:وانتي ورينا شطارتك وخل خطيب الغفلة خطيبك يجيب مقاضينا!!ولا حلاته يجي يملا كرشته عندنا ويفارق؟!!
رند مسكتني وقتها وبغت تذبحني وقالت:الله أكبر عليك يالحسود يا........(الا دخلت علينا جدتي اللي سمعت مقطع من كلامنا)وقالت:
وش هالكلام يابنت؟ تبين ولد الناس يقضي لكم زاد وولدكم قاعد يهسهس بسيارته؟!!!يافشيلتاه!

أنا:وولدنا اللي تقولين عليه وينه؟زعلان وطالع!
جدتي:باللي مايرضيه!!اطبخن اي شي!!
ريفان:بس ياجدة المقاضي ناقصة ومو عارفة اش اطبخ!!
جدة: ماحولكم بقالة؟!
ريفان: لا..بس في سوبر ماركت في المول اللي على الشارع العام بعد مانقطع السكة وماتعودنا نروح الا مع زياد!
جدة: ومين قال اني بأسمح لكم توطوطن برة البيت؟!اطبخن الموجود!
ريفان:مافي الا دجاجة وحدة وشوية خضار!
جدة:خير وبركة..واللقمة الهنية تكفي مية!
ريفان:بس ياجدة انتي وإحنا والشغالة نصير ست!من وين بتكفينا دجاجة وحدة؟
جدة:يامال الرفالة!أنا وجدك عفيسان وعيالي كلهم كنا نتغدى بدجاجة وحدة لااااا وتزيد والباقي نتعشى به!!!(مدري أشك بذلك بس مع العجايز كل شي جايز!هههه)
وقامت جدتنا توزع المهام وقالت:ياريفان قطعي الدجاجة ست اقسام...يارند كشني كشنة بالبصل والطماط في قدرين...ياضي سوي سلطة..
قالت ضي:مافي خضارسلطة ياجدة!
جدة:عندكم طماط وبقدونس؟
ضي:ايه موجود..
جدة:أجل سوي سلطة مطحونة...وياشعيبية خذي صدر الدجاجة من إختك وحطيه بقدر مع فصين هيل وملح وحطي فوقه ماء!
أنا:ابشري..وانطلقت اسوي مثل ماقالت..
جدة:وش عندكم من خضاربمطبخكم ياريفان؟
ريفان:مافي الا جزرتين وبطاطس.
جدة:خيروالحمدلله..قطعيهن وأنا جدتك وغسليهن وارميهن على كشنة رند بالقدر الأول مع فخذين الدجاجة اللي قطعتيهن!
رند:مابقى من الدجاجة ياجدة الا الأجنحة!
جدة:ارميهن في القدر الثاني اللي كشنتيه يافطينة!
(وماشاء الله الكل كان مشارك وعلى أهبة الاستعداد والشغل على قدم وساق وكأننا في مسابقة أحسن طباخ!!)
وأما الشغالة فجدتي حلفت انها ماتحط ايدها في شي غيرغسيل المواعين!!!!
وقعدت تسولف علينا جدتنا شعيبية عن شطارتها في الطبخ أيام زمان وتتمدح بتاريخها المجيد وكيف كان جدي يمدح طباخها قدام الجماعة وكيف كانت تقلط القبيلة على ذبايحها!!
وبعدين قالت:ياشويشة اغسلي رز وحطي على صدر الدجاجة اللي سلقتيه بنسويه سليق وطلعي الدجاجة بصينية وحطيها بالفرن!
وعندكم شوربة الرجل بو قبعة ..كوكر مال رمضان؟!
ريفان (تضحك)وقالت:قصدك كويكرياجدة؟
جدة: واش فرقت زدتي حرف؟ايه هي!
ريفان:أكيد عندنا مانستغنى عنها في الحلى!
جدة:صدق رفلات تحطن شوربة على السكر!!
المهم حطيها في القدر اللي به كشنة واجنحة دجاج
وبعد مااستوى الغداء فرشنا سفرتنا وحطينا الأصناف وكانت كالتالي:
رز سليق+سلطة مطحونة+ايدام بطاطس بالجزر+شوربة كويكر!!!!!!!!!!!!
الحقيقة مافي أحلى من التعاون في الطبخ وشم الروايح الفايحة من القدوروبعد كذا الأكل!يم يم(واللي تتوحم تبعد هههه)
ريفان:الصراحة..الله يعطيك العافية ياجدة لولا شورتك..كان تغدينا ساندويتشات!!!!!! ولا..مين يصدق ان دجاجة وحدة طبخت لنا 3قدور؟!!!
جدة:أقول مافي شي أحط ايدي فيه إلا ويتبارك!!
(الله الله..ياعبدالله!!والله اصبعها ماحطته في شي!!هي صحيح حطت يدها بس على قفاي بكف!! يوم اني رميت الرز فوق الدجاج بالقدر!!!وقالت:خذي الدجاج ياشويشة وحطيه بصينية ودخليه الفرن)!!
المهم أتمنى ماتنقلون الموضوع لقسم أطباق عالم حواء!!!مكانه هنا أنسب!
هههههههههههههههههه
أكمل بعدين اش رايكم بهالجزء؟!!!

..........
جيت أكمل لكم بعد ماطبخنا طبختنا التاريخية وتغدينا ورفعنا سفرتنا...سوينا الشاي وجينا نقعد مع جدتنا(شعيبية)ونتسمع في سواليفها اللي ماتخلو من المحشات والمطبات!!!
ففاجئتنا بسؤالها:يابنات كم بقي لأبوكم ويتقعد من شغله(يتقعد يعني يتقاعد باللهجة الشعيبية هههههه)
رند:سنة وحدة.
جدة:زين أجل قربت جيتكم!
ريفان:وش تقصدين ياجدة؟!
جدة:يعني قرب نقلكم عندي بالديرة!!
عاد أنا يوم سمعت كلمتها ذي حسيت كأني مدخلة أصابعي في فيش قوته 220 فولت!!!!
وقلت:مين قال إننا بننقل عندك؟!!
جدة:أنا أقول!ويكفي إني أنا أقول!!
أنا(وبلهجة تحدي):أصلا أبوي مابيوافق!!
جدة: موب على كيفه!
أنا:أخاف غلطانة بالعنوان أبوي اللي تتكلمين عنه عمره بالستين!!
جدة:أدري ويبقى ولد بطني اللي مايرفض لي طلب!!!
أنا:ياسلام عليك ياجدتي الحنون!ووظيفة أمي ودراسة رند ودراستي ودراسة زياد..ماحسبتي لها حساب؟!!
قالت ضي:وأنا ياجدة لابغيت أزور أهلي أضرب مشوار لين الديرة؟!!
جدة:بسم الله علينا!وشفيها ديرتنا الله لايربحكن من بنات!لو حد قايل لكم بتنقلون أمريكا كان قمتن تتراكضن!!
أنا:طبعاً...لأن الفرق شاسع!أمريكا دولة متقدمة
لكن ديرتنا ديرة الخرفان والبقران(جمع بقر!!)والثعابين والعقارب!!!
جدة:العقرب انتي يالبعيدة!!وشفيها مخلوقات الله أحسن من ديرتكم ذي أخرج راسي من الدريشة ألقى من يميني جدار ومن يساري جدار وقدامي شارع سيارة رايحة وسيارة جاية!!
ريفان:كل انسان من الصعب عليه يعجب ببلد ماعاش فيها..
جدة:وبلدكم ذي تسمونها بلد؟ ...لاخضرة لاجبال لاهواء رباني عايشين على مكيفات تنفخكم ليل ونهار!!
رند:حكينا ياجدة عن حياتك هناك..
جدة:اش أحكي لك يابعدي؟!ديرتكم ذي ديرة الأشباح!!محد يشوف حد ولو يموت الواحد ويعفن في بيته محد درى عنه!!!
لكن ديرتنا كلن يسأل عن جاره ونتزاور ونساعد بعض وأبوابنا مفتوحة للضيف بأي وقت مو مثلكم المشكى لله لازم الواحد يتصل وفيها وفيها حد يعطي وجه أو لا!!!!
أنا:والله أحلى شي الاستئذان..بيوتنا ونبغى نرتاح فيها!..ماأحلانا عاد أبوابنا مشرعة مثلكم كان لقينا مية هندي وتكرونية وبسة داخلين عندنا بوسط البيت!! الله يخلي لك ديرتك..وخلنا حنا بديرتنا!
جدة:وأنا ليش تعبت وربيت موب عشان يخدموني عيالي لاكبرت ويكونون حولي؟!!
ريفان:صدقتي!
أنا:صح النوم ياجدة!
أبوي ترك البيت من42 سنة وجا هنا عشان يكمل دراسته ويتوظف وعقب ماتزوج أمي سكنوا بهاالبلد...بالله بعد 42 سنة وبعد ماتطبع بطباع أهل المدن ودك تردينه للديرة؟؟!!!
جدة:مافيها شي واشبها الديرة؟هذي ديرة هله وأجداده وعزوته وماله غنى عنها!!
رند:استغفر الله ..ماأتخيل أبدا مكاني غير هنا كل وسائل الترفيه والحياة السهلة..والجامعة والصديقات متوفرة هنا ومستانسة عليها ولسه بننقل؟!!
جدة:ومين قال انتي بتنقلين مع أهلك؟!!
بأكلم أبوك يعجل بزواجك وروحي مع زوجك لبيته...وضي بتكون في بيت رجلها...وزياد أكيد بيدخل الجامعة ويقعد هنا..يعني يجيني خلف وأمكم وريفان وشعيبية!!!!
قمت أناقز بانفعال تقولون طقني زار!! وأقول:
يمـــــــــــــــــــين ماأطبها ديرة الشقا ذيك!!!
مالي شغل دوروا لي عريس وأنا أعقد عليه الليلة وأهج معه!!!
رند(ردت علي باستهزاء):بالركادة الركادة لاينثني لك ضلع ولاتنسين تخلين العصمة بإ يدك يابنت!!!
جدة:من أول ماشفتك دريت إنك مشفوحة يابنت! والله إن جاء أبوك من السفر لاأكون مكلمته على عريسن مزهبته لك(وتغمز لي بعينها!!)!
عاد ساعتها مدري وش اقول لكم حسيت اني فعلا بديت أحب جدتي شعيبية!!مسيكينة كأني ظالمتها حبتين!!قولولي مبروك وانتظروني في الجزء اللي بعده..وان شاء الله يكون العريس أرقى من المستوى اللي أنا متخيلته!!تخيلوا يطلع اسمه شعبان او مشعاب ساعتها بأضرب عن الزواج للأبد!!!هههههههههه



........
نكمل عاد مع صلاة العصر جلست أدعي ان ابوي يرجع بالسلامة(عشان تفاتحه جدتي بموضوع العريس!!) إلا سبحان الله دق التلفون وردت عليه ريفان الا طلع أبوي!!! وبعد ماسألها عن الأحوال وكلم جدتي رجع يكلم ريفان وسألها:
أخوكم زياد واشفيه قافل جواله؟!!
ريفان (وقامت ترقعها):لأنه مو مشحون!
الأب:طيب وينه؟ هاتيه أكلمه!
ريفان(وبينها وبين نفسها تقول وش هالبلشة؟! لو درى ابوي ان زياد هج من البيت وزعل من جدته بيسويها قصة!!):
الحقيقة هو مو موجود الان راح يجيب لنا شوية مقاضي!
أبوي:على العموم بلغيه اننا بنوصلكم اليوم الساعة10 ونبغاه يستقبلنا بالمطار!
ريفان:ابشر! ننتظركم تتعشون معنا؟!
أبوي:بعد هذي مايبي لها كلام!!أكيد بنتعشى معكم
وودعته عقبها ريفان..وقفلت الخط وقالت:ياربي!من وين أجيب اخوكم الحين ؟؟أبوي يبغاه يستقبله في المطار وهو مدري وين طَّاس!!
.............
,,,,,,,,,,,وتوترت الأجواء لأن السيد زياد ماشرَّف..وماندري مين بيستقبل أمي وأبوي بالمطار...
واقترحت ريفان إن اخر الحلول اللي ممكن نسويها لو ماجاء زيادوه إننا نتصل على أبوي ونقوله تعال بليموزين لأن سيارة زياد خربانة!!!ولاوصل ابوي وأمي وعرفوا بالموضوع يحلها ألف حلَّال ذاك الساع!!
لكن أبشركم عدَّت على خير وماصارت الساعة 9 ونص بالليل إلا والأخ زياد راجع البيت وكنا كلنا قاعدين بالصالة اللي تحت...فراحوا ريفان ورند يستقبلونه عند الباب!!
ريفان:أسفرت وأنورت!!وين كنت ياشيخ؟!!!أشغلتنا!
رند:كل ذا زعل ماتستحي؟!احتجناك كذا مرة ومالقيناك ولاعبرتنا!!!
زياد:عوايدكم يالساحرات ماتعرفون قيمتي إلا إن غبت!!
و جت ضي بكرشتها الثقيلة وقالت:
الله لايسامحك على هالموقف!!بالله لو جتني ولادة وحضرتك مو موجود واش اسوي بعمري أولد في البيت؟!!!
زياد:عندك جدتك شعيبية أحسن داية بالديرة!!خلها تشق بطنك نصين وسمي بزرك على اسمهاأحلى و أكشخ من ولادة المستشفيات!!!
ريفان:خلك من الاستهبال!كيف تطلع من البيت على مشكلة سخيفة ماتستاهل؟!!!
زياد: ومين قال اني طلعت من البيت عشاني زعلان؟!
رند:أجل ليش الطلعة؟!!
زياد:أبد اليوم في مباراة للإتحاد وقلت مايبي لها إلا أروح أسنتر في الملعب وأحجز تذكرة من الظهر!!!وابتكرت مشكلة صغيرونة مع جدتكم عشان ألقى عذر للخرجة الطويلة ذي!!!!
ضي:لابارك الله في ابليسك!!
زياد:على العموم أنا مانسيتكم جيت وجايب لكم عشوة حلوة!بس وينها شوشو؟ياحبها لأكل المطاعم!
إلا أنا بس سمعت كلمة مطاعم جيت ركض!!وجدتي شعيبية متمددة بالصالة ماتدري عن شي!
وقلت:مرحبا أبو الزيد!
لك وحشتن ماهي لغيرك من الناس
ياللي تركت القلب يهوجس بإسمك
خليتني بيومن شخص حالم وحساس
تستاهل العـــــــذر واطــــلع ولايهمك!
زياد:ماشاء الله توه طلع الكلام الزين!
وأما في المسج الله يخلف! ماكسبت منك الا الفشلة قدام صاحبي الملقوف
اللي قرأ المسج وقعد يضحك ويقول:زيادوه لايكون متزوج من ورانا مسيار؟؟؟؟؟؟؟؟ساعتها قفلت الجوال وريحت راسي!!!!
وقعدوا اخواتي يتضاحكون وأنا أفتش بالأكياس إلا لقيت العشا تتوقعون اش جاب؟؟؟؟؟؟؟؟؟؟؟؟؟
شافت رند الأكياس وشهقت وقالت:
زيـــــــــــــــاد؟!جايب عشانا من ماكدونالدز؟؟؟؟؟؟؟؟
زياد:طول عمركم تتعشون من مطاعم وجبات سريعة اش اللي اختلف يعني؟
ريفان:الله يصلحك يازياد...ودك نعشي جدتنا من ماكدونالدز!!تبيها تفضحنا؟!!
زياد:مافاتني هالشي بيعجبها الأكل ونص..عاد أنا أخبر جدتنا شعيبية كل شي تحبه عربي!
الخبز عربي...المجلس عربي..الحمام عربي!!!فاستخدمت ذكائي وجبت لها ساندويتش ماك عربي!!!!
ضي:هههههههه وليتك مااستخدمته!!
....ريفان:يووووووووووه يازياد..نسيت أقول لك رحلة أمي وأبوي بتوصل الساعة عشرة يعني بعد ربع ساعة تقريبا ولازم تروح تستقبلهم بالمطار!!
زياد:أقول الله يستر عليهم الشوارع مليانة مشجعين الاتحاد فاز..قولي لهم ياخذون أقرب ليموزين!!!!لاتعليق ههههه

.......بجد هذا اللي عندي الان التكملة انتم شوروا علي بتلميحات وأنا أكملها بناءً على طلبكم!!!هههه

>>>>>>>>>
جيت أكمل...قولوا مرحبا!!

المهم دخل زياد الصالة ولقي جدته منسدحة على الزولية اللي فوق السيراميك ونزل عندها وحب راسها... وقالت:خير؟!

زياد:الخير بشوفتك يقبل ياشعوبتي!(عاد تدرون بزياد بياع حكي!!!هههه)

جدة:ماأعرف أقوم لحالي لاعدت منسدحة.. والا كان قمت وعطيتك مقفاي وخرجت من الصالة مثل مايسوون راعيين الأفلام العربية!!!

زياد: وحطي وياهم راعيين المسلسلات الفضائية كل أبوهم...وليتهم يعطون الواحد مقفاهم لازعلوا بس!! إلا طول المسلسل وهم يتحاورون ظهر البطلة في وجه البطل!!!!
قمنا نضحك كلنا...

وقالت ريفان:ياجدة..تفضلي تعشي معانا زياد جايب لنا عشاء على ذوقه!!
والله يرضى عليك ياخوي الأهل زمانهم على وصول فعجِّل بالروحة للمطار!

زياد:خلاص عــــــــاد يدبرون نفسهم بليموزين!!
أنا تعبت من الظهر وأنا برة!

جدة:واش منه تعبت يالهيس؟!!
من مطارد اللاعبين بالملعب؟!!

طالع فيها زياد بتعجب وقال:بسم الله وانتي اش دراك؟!!

جدة: أبشرك عندي أذاني مركبة براسي وأسمع بها حالي حالكم!!

أنا:وافشلتاه!!!عسى هذرتوا بشي موب زين؟!
البنات بصوت واحد:لااااااا.
أنا:أشوى!!

وقعدنا جدتي تتعشى من ماكدونالدز!!
وياليتها نامت أحسن لها!!

ناولها الزياد الساندويتش وماخلت ولابقت سبة بالديرة ماقالتها!!

وقالت:قم لابارك الله فيك وجيب هلك من المطار ومر على مطبخ صاحي وجيب معك مندي أبرك من سواتك!!
((وماقصرت جدتي وزياد ماشي حذفت نعالها وراه تودعه!!!لأن العصا موبجنبها...وتدرون بطبعها إلا ماتلحقه بعصاتها ترسل عليه نعالها صواريخ أرض جو!!!هههه))

وذهب زياد ليحضر أمي وأبي رغما عن أنفه!!
وريفان ماشاء الله مايفوتها شي جهزت القهوة وخلافه وبخرت البيت وخلت الشغالة ترتب غرفتهم وتنظفها استعدادا لقدومهم!
.......
........عاد الباقي بكرة أكمله لكم اليوم ليس لدي متسع!!!




وطبعاً جلسنا ننتظر مقدم أبوي وأمي اللي سفريتهم كلها على بعضها أخذت منهم 4 أيام بس لكنها كانت كأنها 4 أسابيع!!!
والحمدلله بعد مدة قصيرة دخلوا علينا,,,,,وقمت أغطرف
(أزغرط)أقول للللللللللوش...ياربي منكم واشفيكم مافهمتوا؟!!!!!!!(ماأعرف الزغرطة كيف تنقال بالإنجلش والا كان قلتها!!!)
المهم دخلنا جو أنا وزياد أنا أطق رقبة وزياد مقابلني يهز صدره وخصره على الطريقة الكويتية!!ههههه

وجدتي تقول بعالي الصوت: حسبي الله عليـــــــــكم!

وأبوي وأمي يضحكون وماسكين سرا يسلمون على جدتي والاخوات..
وقامت جدتي تناظر بأمي من فوق لتحت وقالت:
شلونك يابدرية؟!ماشاء الله كل سنة تمشي تصغرين أكثر!
ماكأنك بنت أربع وخمسين!!(ابتدى شغل الحموات!هههه)

ريفان:أي أربع وخمسين ياجدة الله يهديك أمي عمرها 44 سنة بس!
جدة:اسكتي يا الحوتة!!إذا كان انتي عمرك33 سنة من وين بيجي عمر أمك 44؟!
أمي:خوش استقبال ياعمتي! بس مايخالف تبيني 54 خلاص خليني 54 والله يكتب لنا جميع الصحة وطولة العمر!
أبوي قام يضحك وقال:يايمة..شكلك نسيتي..أنا يوم تخرجت من الكلية بدرية زوجتي كان عمرها سنتين!!!!
يعني الفرق بيني وبينها يجي له عشرين سنة ويمكن تذكرين اني يوم رحت أخطبها من أبوها ماوافق بسرعة لأن الفرق بين عمري وعمرها كبير!!!
أنا عاد فتحت فمي وقلت:غريييييييبة ياأبوي اننا عمرنا مافكرنا بالفارق الزمني اللي بينكم!!....يعني انت يوم تزوجتها كم كان عمرك؟؟

أبوي:كان عمري 35 سنة وأمكم 15 سنة!!
أنا:يووووووووووووه!!! وليش وافقتي يمة لو أنا منك ماوافقت!!
عاد جدتي بغت تاكلني على هالكلام وقامت تسوي لي اشارات تهديد ووعيد...وأنا استجلدت ولايهمني شي من وقت جية أبوي وأمي!!
أمي:النصيب يابنتي!!
جدتي:وش نصيبه ياحظي؟!!لو لفيتي ديرة ال سعود كل ابوها مالقيتي في سناعة ولدي(خلف) ورجولته!!
أمي:الحمدلله..ماقلنا شي نعم الزوج والأبو كان لي (خلف) الله يحفظه!!
جدتي:أي أبو؟!!لاوقفتي بجنبه تبانين بعمره!!
قربت رند مني أنا وزياد وهمست وقالت:لاحول ولاقوة الا بالله!جدتكم هذي لاجاعت انفلت لسانها!خلني أقوم وأقهويها....
وقامت تصب قهوة وريفان تباشر بالحلى والتمر..
والمندي اللي جابه زياد حطيناه بالمطبخ لين مايجي وقت العشا.....
قال أبوي:لاتعصبين يايمة..وش جابنا لسيرة الأعمار بس؟!!عطينا علومك وقولي لنا واش اخر اخبارك؟!!
جدة:أبداً!!!!!!!
بنتك رفينة هذي كم عمرها؟
أبوي:26
جدة: وأم كرش؟
أبوي:24سنة.. الا وشلونك ضي؟؟عساك بخير يابنيتي؟
ضي:الحمدلله تمام..
جدة:ورنيدة..كم عمرها؟
أبوي:21سنة
جدة:وزياد؟
أبوي:18 سنة وكم شهر
جدة:وشويشة..ردية الحظ؟
أبوي:17 سنة.......وليش ردية حظ؟عساها مأذيتك؟؟
جدة: تخسي إلا هي!!!!!محد يقدر يأذيني ..أعرف آنا شلون اخذ حقي بيدي!!
أنا: وعصـــــــــــــــــاتك!!!
أبوي:ياحليلكم!!ذقتوا طعم عصات أمي؟!! صدق إن الأصيل مايتغير..لي 30 سنة وأنا أسمع إنك تكفخين عيال الجماعة بالشارع وماكنت أصدق..وآثاريك واصلتي المسيرة على عيالي؟!!!!

أبي ردود تبرد القلــــــــــــــــــــــــــ ــــب!!!!!!!!!!!!!!

بعد رجوع الأهل بالسلامة وجلستنا العائلية اللي شربنا فيها قهوة وتبادلنا فيها أحاديث....
قالت جدتي:كيف سفرتكم؟استانستوا؟
أبوي:الحمدلله..صحيح إنها متعبة بكثرة الارتباطات والزيارات ولكن لاتذكر الواحد إنه أدى واجب هان عليه كل شي.
جدة:وانتي يابدرية مايبي لك سؤال مادام المناسبة من طرف أهلك أكيد بتتشققين من الوناسة!!!
أمي:أقول عمة؟أزيدك فنجال قهوة؟(عاد انتوا ماتدرون! أمي دبلوماسية ماتحب المشاكل!!)
جدة:وشفيه عشاكم ماجاء؟! ولا ودكم تذبحونا من الجوع مايكفي إن غداكم كان دجاجة؟!! أجل العشا وشهو؟ بيضة؟!!!
وقمنا نجهز السفرة ونعبي الفاكهة والذي منه وتعشينا والحمدلله ومايحلى الأكل عند جدتي الموقرة إلا ببعض المنغصات والانتقادات التي تعد من وجهة نظرها فاكهة كل مجلس!!!
عقبها......وركزوا على كلمة عقبها ياحلوات!!
قالت جدتي: خلف ياوليدي؟
أبوي:سمي يمة!
جدة:بغيتك بسالفة مهمة واجد..
أبوي:عسى ماشر!
جدة:الشربــــــ عدوك ولا فيك!
أبوي:والله إني تعبان حيل من السفر وودي أنام إذا موضوعك يحتمل التأجيل لين الصبح يكون أفضل!
جدة:مايخالف ياوليدي نأجله لين الصبح..الدنيا
مابتطير!
..........وساعتها قلبي قام يرفرف والحياء صار ذابحني(أدري مابتصدقون!!هههه)وقمت أتخيل من وين بيجي عريس الغفلة ياترى؟!!!!!
وراح أبوي ينام وجدتي كذلك وهالمرة مدري شلون تنازلت ورضت تنام تحت!! في مجلس الضيوف!يظهر إنها تابت من طلعة الدرج!!
وقامت أمي بتلحق أبوي وقالت ضي:
يمة تكفين اسهري معانا شوي!!
أمي:مادام شوي بأجاملكم وأجلس معكم...
ريفان:كيف أخوالي وأقاربنا وكيف المناسبات اللي حضرتوها؟!!علمينا..
وجلست أمي تسرد لنا مشاهداتها وكل ماحصل في هذه السفرية...ونحن نستمع بشغف إلا أن قالت:
هالحين دوركم انتوا؟! وش اللي صار معكم بغيابي؟!!
زياد:إسألي الساحرة الصغيرة شوشو هي أول وحدة في سلسلة ضحايا هالمنزل!!!
أمي:ياساتر يارب! ليه؟ عسى جدتكم قعدت تمارس طقوسها المفضلة عليكم؟!!
أنا:إيه أبشرك! لا وماتدرين شاللي استجد!!
أمي:خير اللهم اجعله خير!
أنا:أبوي عسى الله يحفظه..كم بقى له ويتقاعد؟!
أمي:شهرين..
صحت أنا وخواتي بصوت واحد:إيش؟!!!!
صار زياد يتلفت حوله ويقول:ياالله تسكنهم مساكنهم!! وش السالفة؟!!!
أنا:مسكينة يمة! ماتدرين وش ينطبخ من وراك!!
أمي:خرعتوني وشفيه؟!!
أنا:بتغمضين عين وتفتحينها وتلاقين نفسك بوسط الغنم والبعارين بديرتنا!!
أمي:وبأمر مين ان شاء الله؟!!
أنا:بقرار ملكي صادر من الوزارة الشعيبية!!
أمي:والله محد مسكين إلا انتي يابنتي روحي نامي أصرف لك من حكايات مضارب البادية!!!
رند:يمة.. شعيبية صادقة..جدتي قالت انها بتكلم أبوي ينقلنا بعد مايتقاعد!
أنا: أنا علمتك يايمة..ومالي شغل مادام السالفة بعد شهرين دبري لي عريس من تحت الأرض!!
عيال خوانك وخواتك ملا البيوت كلمي حد يحن علي ويفلسع بي المريخ!!!
أمي:الله يقطعك ياهالبنت!!الذهب يتغير وانتي لسانك لسة محافظ على جودته!!متى بتبلعينه وتفكينا منه؟!!
ويالله لو سمحتي سريرك يناديك..قومي نامي!

.......نكمل ياقماري!!!
المهم انخمدت أنا محدثتكم شعيبية والحق ينقال من وين يجيني النوم وأنا الفضول ذابحني بالطول والعرض منهو ياترى عتريس الغفلة!!يووه أقصد عريس الغفلة اللي يبي يخطبني أو جدتي تبي تقطني عليه!!!!!!!
وبس طلع الصبح إلا قمت أركض باتجاه الدرج ولقيت أبوي وأمي توهم صاحيين ونازلين من الدرج وأبوي يقول لأمي:بدرية.. الوالدة عندها موضوع مهم وودها تكلمني فيه..جهزي الفطور لنا وطولي شوي لأنها والله أعلم تبي تكلمني لوحدي!!
أمي:إن شاء الله....
وراح أبوي متجه إلى المجلس وطرق الباب وقالت جدتي:من الطارق؟!(ههههه أمزح!!)
قالت:إدخل ياخلف!!
أبوي:السلام عليكم..ماشاء الله عليك وشلون دريتي إني خلف؟!
جدة:ومنهو ياحظي في هالبيت بيصحى الساعة ثمان الصبح؟الله يحفظ بنات أخوانك وحريمهم السنع والزين كله عندهم!!
أبوي:أبشرك بدرية صحت وقاعدة تزهب الفطور!
وطبعا أنا ماخذة راحتي وأسمع كلامهم لأني واقفة ورا باب المقلط اللي يفصل بين المقلط والمجلس اللي هم قاعدين فيه..
أبوي:عساك ارتحتي يمة بنومك؟
جدة(كعادتها..النكران لايفارقها!!!):لا والله ماارتحت بيتكم يضيق الصدر!!
أبوي:هههه....الله يسامحك...بس ياترى وش هالموضوع اللي بغيتيني فيه...أمس؟؟؟
جدة(ومعها منديل وقاعدة تفته 20 قطعة وتسولف بتردد):ماعلمتني ياخلف..كم بقى لك سنة وتتقعد؟!!
أبوي:أووووووهووووه!! ردينا على طيري ياللي!!!! يايمة لك 10 سنين تسأليني نفس السؤال وبأرد عليك بنفس الجواب..نقل للديرة ماني بـــــــــ ناقل!!!!!
جدة:وشفيها ديرة هلك وأجدادك؟؟ أحسن من هالديرة القشرة كل واحد معتكف بروحه ومايدري عن الثاني!!!وبعدين كيف ترضاها على نفسك تخليني ساكنة بالديرة لحالي لاونيس ولاجليس!!
أبوي:الله وأكبر يايمة هالحين أخواني السبع... اثنين منهم ساكنين معك بنفس البيت والخمسة الثانيين بيوتهم كلهم بجنبك وتقولين لاونيس ولاجليس؟؟؟؟؟؟؟؟
جدة:بس إنت غير!! إنت ولدي الكبير ولازم تكون معي!!
أبوي:يايمة السموحة منك..ولكن هالموضوع مفروغ منه!!أنا ماأقدر أنقل بس إذا فعلا تحبيني وتبيني معك اسكني انتي عندنا!! ولك علي لأزين لك غرفة بروحك محد يدخلها إلا انتي!!
جدة:والله إنت رجَّال وشورك براسك!!بس مادام رفضت طلبي الأول فهقوتي إنك مابترفض الثاني!!
أبوي: اسلمي!!!
عاد جدتي قامت تناظر بالمنديل وفتته أكثر من أول وأنا قلبي بدأ يخابط ذات اليمين وذات الشمال!!
جدة:اسمع ياخلف...عندي عريس!!
أبوي:منهو له؟؟؟
جدة:لــــــــــــــ بنيتك شعيبية!
أبوي: ومن قال إني أبي أزوجها؟!!
جدة: العريس ماينرد..وبنتك مصفوقة ودها تعرس اليوم قبل بكرة!!
أبوي:وانتي وش دراك؟؟
جدة: أدري وبس!!
أبوي:ومنهو هالعريس؟!!
(ساعتها الأدرينالين ارتفع عندي يابنات ودي أعرف قبل أبوي منهو العريس!!!!)
جدة:مشبــــب ولد أخوك!!!!!!!!!!!!!
أبوي وباستنكار شديد قال:وشهو؟؟ مشبب ولد أخوي صنت؟؟؟؟؟؟
جدة:إيه...ونعم الرجَّال..شنبه يوقف عليه الصقر
أبوي:والبقر!!!
جدة:أشوف كأنه موب عاجبك؟؟؟؟؟
أبوي:يمة ومنهو بالدنيا ممكن يعجبه مشبب؟!!
مشبب راعي التفحيط بالدتاسن؟؟؟
جدة:ويبيع حَمَام بسوق السبت!!
أبوي باستهزاء:ونعم الوظيفة!! واش بعد؟ اطربيني وغردي!!
جدة:لا وأبشرك توظف من قريب..يسوق شاحنات من ديرتنا لكل ديرة بديار آل سعود!!!
أبوي:وليه العربجة ذي..مايكفيه الدتاسن اللي كل يوم يفحط بها..رِجع على الشاحنات؟!!!!
جدة:ينقل فيها بضايع!!
أبوي:أي بضايع؟ بعارين... ولا علف؟!!
جدة:وش عليك إنت؟أهم شي انه رجال وبيده صنعة!!
أبوي:والله اللي أذكره يايمة إنك ماتواطنينه بعيشة!! واشفيك قلبتي الموجة وصرتي تحبينه وتبين تخطبين له؟؟
جدة قامت تتضحك بدلع وتقول:مو الله يسلمك من يوم ماشرالي بأول معاش استلمه هدية وهو كبر بعيني!!!
أبوي: وش شرالك ياحظي؟؟ بناجر؟؟
جدة:لا!!
أبوي: قلادة؟؟؟؟
جدة: لا..جاب لي زنبيل خصف!!فتحته لقيت داخله زيت حبشوش!!وسروال خط البلدة والله لو تشوفه ياخلف بني ومخطط بأحمر وأصفر..من حلاته صرت أكشخ به في أعراس الجماعة!!!
أبوي: وش أقول؟؟
نعم الرجل ونعم الهدية!!!
........
..............أكمل بوقت لاحق!!!لأني حاليا مصدومة!!هههههههه








جيت أكمل لكم ياحلوات.......
طبعا بعد الحوار إياه اللي دار بين جدتي وأبوي..لقيت أبوي يقول:شوفي يايمة يعز علي أزعلك مني..بس الحق ينقال ..ماأقدر أوافقك لا على طلبك الأول ولاالثاني!! لكن خير الأمور أوسطها..أنا أقول لو تجين انتي تسكنين معنا وترتاحين من حياة الديرة اللي كلها شغل وشقا!!
جدتي:وشهو؟؟؟؟أنا أعيش عندكم؟؟
أبوي: إيه عادي وشفيها؟؟؟
جدتي: تبيني أعيش مع زوجتك بدرية تحت سقف واحد؟
امعصي!!!!
أبوي: لاحول ولاقوة إلا بالله..وشفيها بدرية عاد..طول عمرها بنت أصول وتخاف ربها...وحافظة كتاب الله..وفوق هذا كله ماتحبينها؟!! علميني بإيش قد ضرتك؟
جدتي:هو من ناحية ضرتني بشي...فهي ماعمرها ضرتني!! بس أنا سبحان الله ماحبيتها كثر ماحبيت(رعثاءو شهباء وهدبه ومزينة وثويبة وجذوة وحصيفة)حريم أخوانك!!!
أبوي: طبعاً! لازم تحبينهم لأنهم كلهم بنات خوانك وخواتك! أما بدرية المسكينة أنا اللي اخترتها بنفسي ولاهي من قرابتنا..
جدتي: لا مو عشان القرابة وماالقرابة! أنا أحس إنها مختلفة عن حريم خوانك!
أبوي: طبيعي! هي الوحيدة المثقفة والمتعلمة والموظفة والصغيرة ومتربية بالمدن مع إنها زوجة أخوهم الكبير!!!
جدتي: وإش استفدنا من تعليمها؟ هذي هي رابطتك عنا وساحرتك!!
أبوي:هي صدق ساحرتني بس مو مثل ماتتصورين!!
ساحرتني بطيبها وأخلاقها ومعدنها الطيب..
إلا أمي دقت الباب وقطعت حديثهم وسلمت وحطت الفطور وجلست معهم......ورجعت جدتي فتحت موضوع النقل والعريس مرة ثانية وشبت الحرب مابينهم وخفت يكتشفون إني قاعدة أتصنت لذا سحبت نفسي ورحت الصالة وأنا أتحسر على سهري البارح وأنا أفكر بعريس الهم اللي اختارته لي جدتي!!!والله حرام فيه السهر!!
فجأة رن التليفون ورديت بسرعة وأثناء مارديت آثاري خواتي كانوا قد صحوا من النوم وقاعدين يفطرون على الأرض في الجهة الثانية من الصالة بس أنا ماكنت منتبهة!!! وأخذت راحتي بالهرج على السماعة!!!!
أنا:آلو!
أماني:آلو! شوشو شلونك؟؟
أنا:هلا أماني! وش مصحيك هالحزة؟؟(عاد أماني هذي بنت خالي عبيطة لأبعد درجة بس تنحب على هبالها!!!)
أماني: إلا قولي وش مسهرني لهالحزة؟؟
أنا: لايكون انتي بعد جاك عريس؟؟
أماني: الله يبشرك بالخير..ايش نويتوا تخطبوني لزياد؟؟
أنا: فال الله ولا فالك...انتي مشبب ويخب عليك بعد!!!
أماني: ومنهو مشبب هذا؟؟
أنا: ولد عمي صنت!
أماني: ياحليله اسمه مشبب؟؟؟ اسمه فني!! وش سالفته؟
أنا: تصدقين اللي مايخاف ربه وش سوى فيني؟؟
أماني: أعوذ بالله! اش سوى فيك؟؟
أنا: قليل مروة ومايستحي!!
أماني: روعتيني شعيبية..لايكون غلط عليك خبرك الذئاب البشرية صاروا يصيدون البنات من الماسنجر والبلوتوثات!!!
أنا: أقسم لو إنك قدامي كان عطيتك بالمخمس على وجهك!!أي مسن وأي خرابيط؟؟ هذا راعي تفحيط !
أماني: ياي!! يفحط بالدبابات؟؟
أنا: لا يختي بالدتسن!! وأزيدك من الشعر بيت يبيع حمام؟؟؟
أماني: واي وناسة..تفحيط وحمام..شكله يعشق الطبيعة!!
أنا: عاد هذي مايبي لها يعشق الطبيعة بقوة يكفي انه مقضي حياته وسط البقر والبعارين والتيوس!!
أماني: ومابتوافقين عليه؟؟
أنا: وهذي يبي لها سؤال يالفطينة؟؟؟؟؟
أماني: طيب ليش يالنذلة ماجيتي مع أمك وأبوك وحضرتي مناسبات العائلة؟؟
أنا: ودي..بس أبوي مالقى حجز..حتى تذاكره هو وأمي كانت انتظار مو أوكيه!!
أماني: حسافة..تمنيناك أنا والبنات تكونين معانا..كلهم مجتمعين وبايتين عندنا من أمس!!
أنا: تكفين لاأوصيك..لاتقولين لهم بسوالفي معك!
أماني: وشلون ماأقول وأنا فاتحة اسبيكر وقاعدين كلهم يسمعونك؟؟؟
إلا أسمع لكم صوت جماعي من بنات اخوالي وخالاتي على التلفون يقول:هــــــــــــــــــــــــ اي شعيبية!!
ومن الخرعة قفلت الخط بوجيههم!!

ياعزيزاتي ياكل مالي الله لايحرمني من متابعتكم وتعليقاتكم.........جيت أكمل.....
المهم يوم قفلت الخط بعد ماشلة الأنس اللي مجتمعين عند أماني كانوا يسمعون المكالمة كاملة!!اكتشفت انه في شلة ثانية قاعدين يفطرون بالصالة ويتنصتون على مكالمتي!!!!
يعني فشلة وحدة+فشلة وحدة= اثنين فشلة!!
وانفكت القهقهة والكركرة من كل جانب!
رند:شعيبية؟؟ جاك عريس يالشينة ولاتعلمينا!!
أنا:اسكتي واللي يرحم والديك.. من زينه؟؟
ريفان:يتعففن وهن راغبات!!
أنا:ومن يبيه هالمشفوح لابارك الله فيه!!لاأم صاحية ولاأخوات زينات!!الحمدلله والشكر بس!
مشبب بن صنت وأمه جذوة وخواته(خشعة وفُرجة وغيفة ونضرة!!!!)
قامت ضي تضحك وتضحك لين ماقلنا بتولد وقالت:ومن سمعك ياشعيبية بيقول من زين اسمك!!والله إنه لايق على مشبب!!أجل اش كنتي تفكرين؟؟جدتك بتجيب لك واحد اسمه رامي ولا ريان؟؟؟؟؟؟؟؟؟؟هههههههههههههههه ه
رند:أساساً قبل ماترفضه شعيبية أنا رافضته وماني موافقة عليه!!!
ريفان:وانتي اش دخلك؟؟
رند:بالله اسم زوج ضي (عادل) واسم خطيبي (طارق) وودك نكمل الطقم بمشبب؟؟؟؟؟!!!
أنا:قولوا آمين يابنات جعله مايكون من نصيبي..وإن حصل وصار.. بقدرة قادر بأحوله من مشبب إلى مشبشب!!!
ريفان: ياحليله رحمته!!كل هذا عشان اسمه ماعجبك؟؟
أنا:لا ياشيخة!!اسمه خله على جنب! طالعي شكله شلون قايل طول بعرض تقولين العملاق الأخضر؟؟؟!!
رند:تتذكرون يابنات صيفية العام لما طلعنا الديرة وقام يستعرض قدامنا بونيتاته اللي مصفطهم قدام الباب؟!!أخاف من ذيك الأيام وهو حاط شعيبية براسه؟!هههههههه
ضي مسكينة مدري شفيها جتها نوبة هستيرية وصارت تقول:بعون الله بس أولد بأكتب رواية عن شعيبية ومشبب أسميها(الحب المستحيل في زمن البعارين)!!!هههههه
وقاموا البنات يضحكون وكل وحدة تحذفني بتعليق أخس من الثاني!!
ريفان:بس ماشاء الله عليه هالمشبب ياهو فيه عافية مو طبيعية تتذكرون يوم جاء يذبح التيس وقعدنا نتفرج عليه من السطح؟!!كنت وقتها أول مرة بحياتي أشوف واحد داعس على راس الذبيحة بمداسه ويقطع رقبتها باليد الثانية!!!!!
رند:جبار الله وأكبر عليه!!
تتذكرون يوم ركبنا إحنا وجدتي شعيبية معه عشان يوصلنا لبيت آل دحمان شلون فحط بنا؟؟
أول مرة أشوف حد يفحط بداتسون غمارتين!!
ضي:الله يقطع أباليسكم ليش تذكروني؟ههههههه
ريفان:أحلى مافي هالقصة جدتي شعيبية إحنا نضحك وهي تتشهد طول الطريق...وبعد ماهدأ السرعة وقفته بنص الخط وقالت:انزل يامشبب فديتك وتعالني من الباب الثاني وحنا مستغربين وشفيها وقفته وحنا ماوصلنا لسة...ونزل أخينا في الله وجاء من جهة باب جدتي ومسكت عصاتها وقمعته على راسه لين فطس!!!وخربت كشخته قدامنا!!!!!هههههههههه
أنا:مالت عليكم قولوا كلام صاحي..هذي ذكريات بالله عليكم؟؟؟هذي مأسات..الله يقطعكم!!!
وعاد ضي حزنتني من كثر ماضحكت!!
وقلت:ضي..حرام عليك ارحمي نفسك مافي شي يستاهل تضحكين عليه!!
ضي:الله لايسامحكم...الضحك أمغصني بالمرة!!
__________
وفي المجلس اللي كان فيه أمي وأبوي مازال النقاش محتدا والجدل مستمرا حول الموضوعين اللي كل واحد فيهم أشين من الثاني!!
وجدتي حاطة براسها يالديرة..يامشبب!!
وأمي رافضة بشكل قاطع...
فقالت جدتي:وأنا اللي كنت بأفتح معكم موضوع ثالث...إلا أنتم شعمتوني من أولها؟!!!
أمي:الله يستر عليك ياعمتي إن كان بتفتحين موضوع على نفس الشاكلة السابقة..فالله يخليك خليه مستور عندك!!!!!!!
جدتي:موب على كيفك!!أنا أتكلم الكلام اللي أبيه!!
وانتم تسمعون!
أبوي:سمي يمة..
جدتي: زياد هالضايع..شوف عيال اخوانك جنبه شلون صايرين رجال شقرديه..الواحد يمشي وبندقيته بجنبه يطلق منها الطلقة مايهتز له جفن!! وولدك المهسهس هذا لو سمع صوت طرطيعة تخبى تحت سريره حس باله إنها قنبلة!!
أمي:السموحة منك ياعمة..بس هذا ولدنا الوحيد ومانرضى عليه!!!!!
أبوي:هاتي من الآخر وش ودك توصلين له؟!!
جدتي:لازم يتمرجل!!
أبوي:مافهمتك!! بتاخذينه الديرة ياخذ كورس؟؟؟
جدتي:لا....بأزوجه!!
أبوي:وشهـــــــــو؟؟ومنهي العروس بعد ؟؟لاتكون وحدة من خوات مشبب؟؟؟؟؟
جدتي:لا مايصلحون له!!زياد خيخة!!ويبي له وحدة سبعة بنت ضبع تأدبه!!
أبوي:زين..من هي؟؟؟
جدتي:يقظانة بنت خوك رهجان!!
أمي:ياعمة تبين تربطينا بالديرة غصب؟؟
أبوي:ودي أعرف بس منهو اللي شغلك خطابة؟؟
جدتي:ليش؟؟؟؟
أبوي:عشان أدعي عليه ليل مع نهار!!
.........
...........أكمل بعدين وان شاء الله يعجبكم هالجزء!!!!!!


ياعزيزاتي ياكل مالي الله لايحرمني من متابعتكم وتعليقاتكم.........جيت أكمل.....
المهم يوم قفلت الخط بعد ماشلة الأنس اللي مجتمعين عند أماني كانوا يسمعون المكالمة كاملة!!اكتشفت انه في شلة ثانية قاعدين يفطرون بالصالة ويتنصتون على مكالمتي!!!!
يعني فشلة وحدة+فشلة وحدة= اثنين فشلة!!
وانفكت القهقهة والكركرة من كل جانب!
رند:شعيبية؟؟ جاك عريس يالشينة ولاتعلمينا!!
أنا:اسكتي واللي يرحم والديك.. من زينه؟؟
ريفان:يتعففن وهن راغبات!!
أنا:ومن يبيه هالمشفوح لابارك الله فيه!!لاأم صاحية ولاأخوات زينات!!الحمدلله والشكر بس!
مشبب بن صنت وأمه جذوة وخواته(خشعة وفُرجة وغيفة ونضرة!!!!)
قامت ضي تضحك وتضحك لين ماقلنا بتولد وقالت:ومن سمعك ياشعيبية بيقول من زين اسمك!!والله إنه لايق على مشبب!!أجل اش كنتي تفكرين؟؟جدتك بتجيب لك واحد اسمه رامي ولا ريان؟؟؟؟؟؟؟؟؟؟هههههههههههههههه ه
رند:أساساً قبل ماترفضه شعيبية أنا رافضته وماني موافقة عليه!!!
ريفان:وانتي اش دخلك؟؟
رند:بالله اسم زوج ضي (عادل) واسم خطيبي (طارق) وودك نكمل الطقم بمشبب؟؟؟؟؟!!!
أنا:قولوا آمين يابنات جعله مايكون من نصيبي..وإن حصل وصار.. بقدرة قادر بأحوله من مشبب إلى مشبشب!!!
ريفان: ياحليله رحمته!!كل هذا عشان اسمه ماعجبك؟؟
أنا:لا ياشيخة!!اسمه خله على جنب! طالعي شكله شلون قايل طول بعرض تقولين العملاق الأخضر؟؟؟!!
رند:تتذكرون يابنات صيفية العام لما طلعنا الديرة وقام يستعرض قدامنا بونيتاته اللي مصفطهم قدام الباب؟!!أخاف من ذيك الأيام وهو حاط شعيبية براسه؟!هههههههه
ضي مسكينة مدري شفيها جتها نوبة هستيرية وصارت تقول:بعون الله بس أولد بأكتب رواية عن شعيبية ومشبب أسميها(الحب المستحيل في زمن البعارين)!!!هههههه
وقاموا البنات يضحكون وكل وحدة تحذفني بتعليق أخس من الثاني!!
ريفان:بس ماشاء الله عليه هالمشبب ياهو فيه عافية مو طبيعية تتذكرون يوم جاء يذبح التيس وقعدنا نتفرج عليه من السطح؟!!كنت وقتها أول مرة بحياتي أشوف واحد داعس على راس الذبيحة بمداسه ويقطع رقبتها باليد الثانية!!!!!
رند:جبار الله وأكبر عليه!!
تتذكرون يوم ركبنا إحنا وجدتي شعيبية معه عشان يوصلنا لبيت آل دحمان شلون فحط بنا؟؟
أول مرة أشوف حد يفحط بداتسون غمارتين!!
ضي:الله يقطع أباليسكم ليش تذكروني؟ههههههه
ريفان:أحلى مافي هالقصة جدتي شعيبية إحنا نضحك وهي تتشهد طول الطريق...وبعد ماهدأ السرعة وقفته بنص الخط وقالت:انزل يامشبب فديتك وتعالني من الباب الثاني وحنا مستغربين وشفيها وقفته وحنا ماوصلنا لسة...ونزل أخينا في الله وجاء من جهة باب جدتي ومسكت عصاتها وقمعته على راسه لين فطس!!!وخربت كشخته قدامنا!!!!!هههههههههه
أنا:مالت عليكم قولوا كلام صاحي..هذي ذكريات بالله عليكم؟؟؟هذي مأسات..الله يقطعكم!!!
وعاد ضي حزنتني من كثر ماضحكت!!
وقلت:ضي..حرام عليك ارحمي نفسك مافي شي يستاهل تضحكين عليه!!
ضي:الله لايسامحكم...الضحك أمغصني بالمرة!!
__________
وفي المجلس اللي كان فيه أمي وأبوي مازال النقاش محتدا والجدل مستمرا حول الموضوعين اللي كل واحد فيهم أشين من الثاني!!
وجدتي حاطة براسها يالديرة..يامشبب!!
وأمي رافضة بشكل قاطع...
فقالت جدتي:وأنا اللي كنت بأفتح معكم موضوع ثالث...إلا أنتم شعمتوني من أولها؟!!!
أمي:الله يستر عليك ياعمتي إن كان بتفتحين موضوع على نفس الشاكلة السابقة..فالله يخليك خليه مستور عندك!!!!!!!
جدتي:موب على كيفك!!أنا أتكلم الكلام اللي أبيه!!
وانتم تسمعون!
أبوي:سمي يمة..
جدتي: زياد هالضايع..شوف عيال اخوانك جنبه شلون صايرين رجال شقرديه..الواحد يمشي وبندقيته بجنبه يطلق منها الطلقة مايهتز له جفن!! وولدك المهسهس هذا لو سمع صوت طرطيعة تخبى تحت سريره حس باله إنها قنبلة!!
أمي:السموحة منك ياعمة..بس هذا ولدنا الوحيد ومانرضى عليه!!!!!
أبوي:هاتي من الآخر وش ودك توصلين له؟!!
جدتي:لازم يتمرجل!!
أبوي:مافهمتك!! بتاخذينه الديرة ياخذ كورس؟؟؟
جدتي:لا....بأزوجه!!
أبوي:وشهـــــــــو؟؟ومنهي العروس بعد ؟؟لاتكون وحدة من خوات مشبب؟؟؟؟؟
جدتي:لا مايصلحون له!!زياد خيخة!!ويبي له وحدة سبعة بنت ضبع تأدبه!!
أبوي:زين..من هي؟؟؟
جدتي:يقظانة بنت خوك رهجان!!
أمي:ياعمة تبين تربطينا بالديرة غصب؟؟
أبوي:ودي أعرف بس منهو اللي شغلك خطابة؟؟
جدتي:ليش؟؟؟؟
أبوي:عشان أدعي عليه ليل مع نهار!!
.........
...........أكمل بعدين وان شاء الله يعجبكم هالجزء!!!!!!

مرحبـــــــــــــــــــــــــا ........
طبعاً أمي بعد ماسمعت كلام جدتي واحتد الحوار استأذنت وجات قعدت معنا بالصالة وهي متضايقة......
ريفان:يمة اشفيك عسى ماشر؟؟
أمي:جدتكم الله يصلحها! كل مادخلت بيتنا فتحت لنا مشروع!! والله إني قايلة بنفسي جيتها هذي مو لله!!!
رند:تقصدين موضوع عريس شعيبية؟؟؟؟؟
أمي:بسم الله وانتم اش دراكم؟؟
رند بخباثة:شعيبية علمتنا بكل السالفة..
أمي:كنتي تتنصتين علينا ياشعيبية هانم؟؟هالطبع النجس ماودك تبطلينه؟؟؟؟
أنا:ماتنصتت عليكم بس مدري شلون أذني خذتني ورحت أتسمع على أبوي وجدتي وانتي لسة تزهبين الفطور!
أمي:رجعت عادت كل المواضيع..أولها:نقلتنا للديرة..ماشاء الله عليها لها 10 سنين مايئست!تفتح نفس السالفة وتلقى نفس الجواب!
وثانيها:تبي تخطب شعيبية حق مشبب!!أنا بروحي ماأواطن جذوة ولاتواطنني!أجل شلون بأعطي بنتي لولدها؟؟؟؟؟
ريفان:لاتضايقين نفسك يايمة..سالفة وبتنساها بكرة..الزواج مو غصب!!
أمي:لا ..والأدهى والأمر إنها فعلا بدت تشتغل خطابة بآخر عمرها..حتى زياد ماعتقته بحاله ودها تزوجه!!!
أنا: لا لا احلفي!! لايكون أحد بنفس ستايل خوات مشبب؟
أمي:طبعا..يعني هي بتروح بعيد عن أحفادها..قاعدة تخطبهم لبعض!!
ضي:تكفين يمة من هي عروس زياد؟؟فيني ضحكة!
أمي:يقظانة بنت عمكم رهجان!!
وهنا انفلت علينا ضحك جماعي.......
رند:ولا لقت من بنات العيلة إلا يقظانة أم لسانين؟؟
تخيلوا شكلها بس جنب زياد؟؟ههههه من جد مأساة!!
أمي:المشكلة إن زياد بعده صغير وعقليته مثل المراهقين مدري ليه تاركة أحفادها كلهم وحاطة دوبها من دوب ولدي!!!!
أنا:ماشاء الله عليك يمة احتريتي لزيادوه وأنا عادي عندك؟!!
أمي:لا والله موب عادي عندي...انتي آخر العنقود ومابنزوجك إلا واحد على سن ورمح!!
أنا: تكفين يمة سوي مثل جدتي شعيبية واشتغلي خطابة واخطبي لي من عيال خواتك!! يهبلون كلهم شهادات ولغات ووظايف سنعة!!!
وبغت أمي تذبحني على هالكلام لولا إن نزول زياد من فوق أنقذني!! ونزل من الدرج وهو يتثاوب وقال:
خير؟؟وش هالاجتماع؟؟ وين أبوي وجدتي؟؟
أنا: تعال فديتك..جعل عيني ماتبكيك!! أوا ماعلمت ياأخ العرب بما يحاك لك في الخفاء؟؟؟؟
زياد باستهبال:لا ياأختاه!!أنبئيني ثكلتك أمك!!
أنا: يقال بأن جدتك تريد تزويجك بخير امرأءة في زمانها
زياد:ومن هي ياترى؟؟
أنا:يقظانة بنت رهجان؟؟
زياد:رهجان ملك الجان؟؟؟؟؟؟
وقام الكل يضحك على حوارنا وقالت رند:أما في هذي صدقت اسمها واسم عمي كأنه اسماء عفاريت!!يالله تحفظنا!!
زياد:تتطنزين ياشعيبية؟!!
أنا: وليش أتطنز؟وأنا الضحية السابقة! جدتك رمتني بحلق مشبب!
زياد:إنها حقاً عائلة محترمة!!!!!

......جيت أحط تكملة لما سبق.....
طبعا أبوي خذ بيد جدتي وقال تعالي نقعد مع البنات بالصالة..وأقبلوا علينا..
ولما جلسوا دق جوال أبوي وأجرى مكالمته ولما انتهت..قال: بدرية هذا خالك متصل يعزمنا على نزالة بيته الليلة..
أمي: ان شاء الله بنروح.. الليلة ماعندنا شي...
أبوي:طبعا يايمة انتي معزومة معنا..
جدتي: لو أهديتني قطيع خرفان مارحت معكم!!
أبوي:وليه بس؟؟ تعالي وشوفي الناس واستانسي ووسعي صدرك..
جدتي: ماني برايحة بأقعد مع البنات بالبيت!
أبوي:البنات معزومين وكلهم بيروحون!
جدتي: خل شعيبية تقعد معي!
ريفان:خلاص يبة لاتضغط عليها..أنا بأجلس مع جدتي مو مشتهية أروح للعشاء..
ضي:وأنا بعد ماأبي أطلع حاسة بتعب شوي ومغص وودي أرتاح..
قمت أناظر برند وهمست لها: اسمعي مابقى إلا أنا وانتي..خل نعتذر عن الروحة ..من يوم ماجدتك جتنا وإحنا محبوسين بين أربع جدران..فرصة نفلها اليوم!!
رند:يافرحتك..واللي يسمعك يقول بنطلع بروحنا!! أكيد جدتك بتخاوينا!!
أنا:لاياشيخة...هي الدرج وماتقدر تطلعه إلا بمساعدة وبشق الأنفس..ولادرت إننا بنروح مول أكيد بترفض تروح!
رند:أقص يدي إن طلع كلامك صح!
زياد: يبة..أنا موب رايح معاكم للعزيمة!
أبوي:وليش عاد؟؟؟؟
زياد: ماأحب العزايم الرسمية!
أبوي:أدري بك عشان لاتلبس ثوب!!
زياد:لا مو القصة..بس ودي أطلع أتمشى مع البنات...
جدتي شعيبية خبطت على صدرها بقوة وصاحت: اعقب يالخايس..أي بنات اللي بتطلع وياهن؟؟؟؟
وتلومني ياخلف يوم بغيتك تزوجه!!!!!
زياد: لايروح بالك بعيد...ترى أنا قصدت بالبنات خواتي!! يعني لو فكرت أطلع مع بنات من جد ..تحسبوني أثول؟ وبأجيكم أستأذن؟؟؟؟؟؟؟؟؟
وقمنا نضحك عليه هالزيادوه...
جدتي: مايندرى عنك ياولد خلف..كل شي يجي منك! بس لو تطلع أحسن من أبوك وتطاوعني وتاخذ يقظانة لأقعد راضية عليك طول عمري!!
زياد: أحفادك وصل عددهم 61 حفيد ولالقيتي أحد غيري ترمين يقظانة بحلقه؟؟؟؟؟؟
جدتي:ليش وشفيها يقظانة؟ جمال وثقل وراعية طبخ ونفخ وفوق ذا كله مثقفة!! على طلبك!
زياد: مثقفة؟؟؟؟ عاد هذي أشك فيها!! ليش وش شهادتها؟؟؟
أنا:دارسة لين ثاني متوسط وبما إنها الوحيدة من بنات العيلة اللي كملت دراستها لين ثاني متوسط وبتقدير مقبول وتوقفت فكل العيلة بالديرة فرحانين فيها ومايسمونها إلا الدكتورة!!!!!!شفت شلون يقظانة مثقفة؟؟؟؟؟؟؟؟؟؟
زياد: الله يسترعليها...دوري لها واحد ثاني من شباب العيلة......
جدتي: وانتي ياشعيبية؟؟أخبرك مخفة..وتحلمين بالزواج! وش رايك بمشبب ولد عمك صنت؟؟
أبوي:يايمة وش هالهرج؟؟ أنا موب راضي..تشاورينها ليش؟؟؟؟؟
أنا: لا ياجدة..الله يحفظه لأهله ماأبـــــــــيه!!!
..........المهم دار كلام كثير في شتى المواضيع وقال زياد: هاه..يبه..وش قلت ؟؟بآخذ خواتي ونطلع نتمشى بالليل لارحتوا عزيمتكم..
أنا: إيه..تكفى تكفى زياد..وودينا عقبها نتعشى بمطعم!
أبوي: طيب وجدتكم؟؟
جدتي: ماعليك ياخلف..روح عزيمتك وإحنا بندبر نفوسنا
.....وفعلا مر اليوم بأحداثه لين ماجاء الليل وضي كل شوي وهي تشتكي من بطنها...وإحنا نقول ياساتر!!
راح أبوي وأمي...وبخاطرنا إن جدتي بتقعد مع سوميني لين مانرجع لكن تفاجئنا يوم ريفان سألتها: اش رايك ياجدة تجين معنا؟؟
جدتي: مايبيلها كلام أنا جاية جاية!! انتم خبول وماتنتركون لحالكم!!!!!!
وساعتها سحبت ريفان للغرفة وقلت:وش هالبلشة اللي بلشتينا فيها؟؟؟ هالحين قوليلي بالله شلون بتقدر تمشي بالمول بعصاتها؟؟؟وهي غصب تقوم وغصب تقعد!!
ريفان: مالك شغل! ودك يعني نتركها لحالها ونطلع؟؟ وخلها أنا مسئولة عنها بالطلعة!!
إلا جدتي قامت تناديني...ورحت أشوف وش تبي...
جدتي(بدهاء ومكر):وشفيك ياشويشة ماتبين مشبب؟ مستحية من أبوك؟؟
أنا: لا أنا ماأستحي!! ماأبيه وماأحبه ومايناسبني ولاأناسبه!!!
جدتي:آآآآآخ يالملعونة!! أخاف حاطة عينك على أخوه عفيسان؟؟؟
أنا: الله ياخذهم الاثنين!! ماأخس من زيد إلا عبيد!! مارضيت بمشبب المفحط بأرضى بعفيسان حلاب النوق؟؟
جدتي: أصلاً راح عليك..لأني قبل أجيكم خطبت له عنبرية بنت عمك شليويح!!!
أنا: استغفر الله العظيم...زياااااااااااااادوه عجل علينا بالطلعة تكفى!!!!
وخرجنا كلنا بالفعل ورحنا المول..وياليتنا مارحنا!!
تدرون؟؟؟؟؟؟؟
أكمل بعدين!!!!!!!!

نكمل ياحلوات سالفة المول!!!!
ركبنا السيارة مع أخوي العسل زياد....وطول الطريق وجدتي تطالع الشوارع باستغراب..كأنها سايح أمريكي أول مرة يشوف الجنادرية!!!!!تشبيه بليغ صح!!!
المهموصلنا المول وليتنا ماوصلنا!! ونزلنا من السيارة وليتنا مانزلنا!!! ورحنا من البوابة الخلفية للمول ولقينا سيرين كهربائية سير طالع وسير نازل ومن باب الاحترام قلنا انتي ياجدة اطلعي بالأول وطلعت على السير وكلنا دفعة وحدة وراها وآثاريها ماتدري وش السالفة وبس السير سار يمشي فينا لفوق قامت جدتي تصيح وتقول:
واااااااااااااي الحق علي ياخلف!!! بسم الـــلــه الأرض تتحرك من تحتــــــي!! يالله إنك ترحمنا!!
ويوم وصل بنا السير للنص رمت نفسها علينا من الخرعة ومثل ماتعرفون هي من ذات الأوزان الثقيلة!!
بس طاحت علينا قمنا كلنا تدردبنا من السير على ورا وماحسينا بروحنا إلا على الأرض!!!!!!
وأشوى إن زياد كان واقف جنب ضي ومسكها بكل قوته وإلا كان طاحت مسكينة وراح اللي ببطنها!!!!
وتعالوا شوفوا المنظر بس طحنا قدام الناس بعبينا مثل قوارير البولينق لانحذفت بكورة!!!
ومروا من جنبنا عيلة كانوا نازلين من السير الثاني ورفعوا جوالاتهم!! قام زياد قال لنا:مبروك يالحبايب لارجعتوا البيت لاتنسون تشيكون على موقع اليوتيوب بتلاقون هالفصل اللي صار.. نازل فيه!!!!!!
والتفت على جدتي وقال:وشفيك تقولين خلف؟؟ خلف بالعزيمة مادرى عنك!!
جدة: بغيت أقول عفيسان وخانني لساني!
زياد: لاحول ولاقوة إلا بالله جدي بقبره مادرى عنك!
جدة: والله ماأسامحكم! أنا ماني بزرة يوم تضحكون علي وتركبوني ملاهي يمين ماأطبها!! سرينا سرينا!!
زياد: أي سرينا؟؟؟ بعد ماقطعنا هالمشوار ودك نرجع؟؟مستحيل!!!
جدة: أجل ماني بصاعدة على هالملاهي!!
زياد:أجل تعالوا نشوف لنا ملاهي ثانية..يوووه أقصد مصعد ثاني!
وأخذنا لفة لين وصلنا للمصعد...وكان زجاجي ومطل على المول كله...وبس ركبنا انصك علينا الباب وصاحت جدتي يوم انقفل الباب وارتفع المصعد:يااااااااااااااااو
بسم الله..وأعوذبالله وقامت تتشهد وتقول عهدن علي يارب إن كان أحييتني هالليلة إني لأستغفر مية مرة!!
أنا: وشفيك ياجدة؟؟؟
أجل اش بتسوين لو إنك راكبة بمصعد ناطحة سحاب في هونغ كونغ؟؟؟؟؟؟
جدة: اسكتي ياوجه العنز!عسى هونغ كونغ يتزوجك ويفكنا منك!
ونزلنا من المصعد ومشينا إلا هي سحبت زياد بعصاتها وخليقة الله تتفرج وفرشته فرشة محترمة بعصاتها وبعالي الصوت قالت: تستهبل علي ياولد خلف؟؟تركبني ملاهي مرة ثانية وأنا حالفة ماأركبها!!! تحسبني مثلك من صغرك مثل القرد تناقز بالملاهي؟؟؟ أنا حدي حمارة جدي كنت أركبها وهي تدوربالساقية!!!!
وموقفنا صار زي الزفت العالم تتفرج وتضحك ببلاش!!!!
وزعل زياد وقال:اللي هذا أوله ينعاف تاليه...قسم ماني قاعد معاكم بأطلع فوق لأقرب كوفي شوب وأشرب كوفي وآكل سينبون ولاخلصتوا اتصلوا فيني!!
وقمنا نمشي بكل خيبة مما سوته فينا جدتنا المصون!وتدرون فيها حرمة كبيرة عمرها80 ووزنها90
وتمشي على أقل من مهلها وريفان ماسكتها من يد وتقودها وضي عندها مغص وبشهرها الأخير ورند ماسكتها وتمشي جنبها....ورفعوا ضغطي ببطئهم الشديد!
وصحت فيهم:جدتي مشي السلاحف هذا بط كبدي!!وانتي ياضي مشي البطاريق هذا مايخارجني!!! على مشيكم هذا لو بناخذ فرة كاملة بهالدور مايمدينا نوصل إلا وأذن علينا الصبح!!!!!!!!.....بكيفكم أنا بأروح أتمشى على كيفي!!.......ورحت
إلا وريفان تصيح علي:يالهبلة ارجعي بالله لو ضعتي وسط هالزحمة كيف بترجعين لنا؟؟؟
ويوم فكرت بكلامها لقين انها صادقة أنا مامعاي جوال من زمان شاله أبوي عني بسبب كثر القرقرة فيه مع صويحباتي!! والفواتير اللي تقص الظهر على أبوي!!!
ورجعت أمشي معاهم!
وفجأة جدتي طاحت عينها على شاب لابس شورت وشعره طويــــــل ونافشه كدش!!ولابس ربطة شعر وبلوزة كت!!وأساور وسلسلة ولالحية ولاشنب وظنته بنية!!!!
وخبطته بعصاتها وصارت تقول:تعالي يالنحيسة ياقليلة الأصل وين هلك مادروا عنك؟؟؟؟ لاعبات ولاحشمة!!
خذي! وصارت تضرب ولدالناس!
وهو يصارخ وينادي:يا واد يالؤي..ياوادياأسامة !!الحقوني العجوزة المخرفة دي حتدبحني!!
وشوي ويجون اثنين بعضلات طول بعرض!! وقالوا:
إشبك يارائد؟؟؟؟؟ مين آزاك؟؟
قام رائد أشر على جدتي وقال:الحرمة البدوية المجنونة دي!!
خفنا كلنا بس ريفان حاولت تلطف الجو وقالت:السموحة منكم بس جدتي حرمة كبيرة ماتعرف شي!!
جدتي:أنا ماأعرف شي ياقليلة الحيا؟؟ أنا أفتح مدرسة وأربيكم كلكم!! تتركيني وتوقفين بصف هذول اللي زارعين عشش طيور فوق رووسهم!!
لؤي:شوفي ياحرمة عشانك ست كبيرة ماحنحط عقلنا بعقلك...بس أمشي من قدامنا وخلينا في ساعة رحمان!!
جدتي:لاياشيخ؟؟إلا علمني البيض اللي بهالعشة فقس ولاباقي؟؟ مابقى إلا أشباه الرجال يهددوني!!
ساعتها حسينا الموقف مابيعدي على خير وسحبت جوال رند وصحت فيها:يالهبلة وش تنتظرين؟؟؟ليه مااتصلتي بزياد؟؟؟؟
واتصلت على زياد:ألو زياد الحقنا بنسير مشهورين تعال بسرعة!!!
زياد: ليه؟؟لايكون صادكم مذيع برنامج(فكر واربح)وبتطلعون بالتلفزيون؟؟؟؟
أنا: إحنا صدق بنطلع على التلفزيون بس على أخبار اليوم وبفقرة جريمة الساعة!! بسرعة تعااااااال في 3 أشناب وجدتك بتسوي فيهم جريمة!!
رجعت للموقف لقيت هاللي اسمه أسامة يقول:شيلوا عجوزتكم من وشنا وإلا حأعملكم منها شاورما!!
إلا زياد يجري ومقبل من بعيد بس يوم شاف الشباب طول بعرض اخترع ونادى السكيورتي!!
وآثاري جدتي موب هينة!!! يوم شافت الشرطي جاي مع زياد والناس كلهم ملتمين حولنا والوضع مايسر العدو وهي اللي غلطت...تتوقعون وش سوت؟؟؟؟
قالت جدتي:يـــــــــاعسكري الحق علينا هالشباب يتحرشن ببناتي!!خافوا الله ماعندكم خوات؟؟
وقامت تتبكبك!!!!
وزياد يناظرنا ويقول:اش السالفة بالضبط..؟؟؟
وإحنا انكتمنا ولاردينا من كثر مااستغربنا!!
والولد اللي اسمه رائد يقول:بزمتكم هادي أشكال الواحد يجيله نفس يطالع فيها؟؟عالم حَوش غجَر ولبَش كمان!!
وسحبهم السكيورتي وقال:المعذرة بنحل الموضوع معاهم واعتبروا انه ماصار شي!!
.......
اش رايكم هذي تتسمى خرجة؟؟؟؟؟؟ليتنا نمنا بالبيت أحسن!!!!!!


أستكمل معكم ماحدث بخرجتنا للمول الله لايعيدها!
طبعاً بعد الموقف اللي صار بين الشباب وجدتي
......
ناظر فينا زياد وقال:هاااااااااه! أظن بعد اللي صار
مافي أحد بيتجرأ ويقول يازياد خلينا في المول!!!
رند:طبعاً أكيد!
ريفان:صدقت يااخوي..
أنا:مع إني كنت متعشمة إننا نتعشى بواحد من هالمطاعم اللي فوق..لكن خلاص هَوَنْت!!ليالي العيد باينة من عصاريها!!!!!!!!
ضي:بصراحة على إني تعبانة وممغوصة لكني وافقت أطلع معاكم عشان أستغل الفرصة وأمشي تدرون بعد يومين زوجي جاي من السفر ونفسي يجي وأنا عندي بوادر ولادة على الأقل!!!تكفون خلوني أمشي لو ربع ساعة!
قال زياد بعصبية:بشرط !!جدتكم شعيبية تقعد وماتتحرك والا نربطها بواحد من هالكراسي!!
جدتي:وشتقول يا ِورع؟؟؟
إنت بتربطني بكرسي..؟؟عسى الجن والعفاريت يربطونك بمحلك قِل آمين!!
زياد:مو حنا الله يسلمك طلعنا انتمشى موب انتفشل!!
جدتي:ماحد مفشلنا غيرك!! ولا ذا بالله شكلن تقابل فيه ربك؟!كأنك واحد من شلة عش الغراب اللي تحرشوا فينا من قبيل!!!
ريفان:الظلم حرام ياجدة ماحد تحرش فينا!!
جدتي:أقول انطمي! لاقلت أنا تحرشوا ..يعني تحرشوا!!
قالت ضي:أنا بأقوم أمشي شوي مين يجي معاي؟
رند:خذيني وياك..
وبالفعل قاموا رند وضي يمشون وإحنا قاعدين مثل الغلابى نطالع بالرايح والجاي إلا جدتنا الشعيبية رفضت رفض قاطع تقعد على الكرسي وأصرت تقعد على الأرض تقول إنها ماترتاح إلا لاقعدت عليها!!!
ولكم أن تتخيلوا المنظر بس...حرمة عجوز وعبايتها قد أكل عليها الزمن وشرب ومتلثمة ومنتفخة وقاعدة بالأرض!!
مرت حرمة من جنبنا وانثنت على جدتي اللي قاعدة على الأرض وعطتها 5ريال!!!
وبغت جدتي تآكل الحرمة...بس الحرمة شردت من الخرعة!!!
قال زياد:بالله عليك تاركة المول كله ومتربعة على الأرض بطريق الناس وماتبين أحد يظنك شحاتة؟؟؟؟؟؟؟؟؟
وبهااللحظة مرت حرمة ومعاها طفلة صغيرة عطتها فلوس وقالت لها:روحي يارورو حبيبتي وأعطي الحرمة العجوزة فلوس!
وجت البنوتة الصغيرة تعطي جدتي فلوس..بس جدتي صاحت بصوت عالي وصارت تخبط بعصاتها في كل اتجاه!!
لدرجة إنه الحرمة سحبت بنتها وخافت وقالت:وي! يالطيف يارب عجوزة فقيرة وكمان مجنونة؟؟؟
وإحنا نازل علينا ضحك وزياد معصب!
!يقول:بعون الله هذي آخر مرة أطب فيها هالمجمع لأني أحس إني صرت مشهور!!!لكن انتوا اش عليكم لابسات العبي ومتنقبات! ماحد داري مين انتوا!!!!
وشوي إلا ضي ورند رجعوا..
قال زياد:مسرعكم؟؟؟؟
رند:اسمع يازياد..أنا من رأيي نرجع بأسرع وقت ضي شكلها تعبانة مرة!من الصبح وهي موب عاجبتني!
وفعلاً كانت ضي تجر نفسها جر من التعب وجينا بننزل من الدرج الكهربائي لكن جدتي أضربت
وقالت:وش هالمصايب يادافع البلا؟؟؟؟مرة درجكم ممدود كأنه زحليقة(تقصد السير!!!)ومرة صاعد لفوق كأنه طايرة وهالحين هالدرج يتحرك لحاله؟؟؟؟بسم الله وأعوذ بالله!! يمين ماأركب!
زياد:تراني واصل حدي! ماهو وقت دلع ياجدة!انزلي معنا الله يرضى عليك!
وضي مسكينة بلغ منها التعب مبلغ وقالت:جدة تكفين عشان خاطري..أنا مو قادرة أوقف على رجولي انزلي!
جدتي:أبداً!
زياد:ترى بنروح ونخليك!
جدتي:قليعتكم!بأنادي الشرطي وأقول إلحق هالمطفوق سرق بناتي!!!
زياد:ماشاء الله!!خالتي فرنسا صايرة!قومي معنا الله يعافيك وإحنا بنمسكك منتي بطايحة!
وبالقوة من هنا وهنا وبعد محاولات ومفاوضات وافقت ننزل بس بالأصانصير!!
ومن النحاسة علق الأصانصير فينا شوي! وقال زياد:ماألومه من الثقل اللي بداخله!!
جدتي:صدقت! ضي عن اثنين!
زياد بعصبية:وانتي عن خمس!!
جدتي:ماأحب الفضايح!! بس جزاك تاخذه بالبيت!
زياد:انتي ماتحبين الفضايح؟؟؟؟أنا أشهد!!
وشوي إلا نزل الأصانصير من حاله ورحنا المواقف وركبنا بالسيارة وشوي إلا ضي اشتد عليها الألم وصارت تبكي!
ريفان:ياضي أنا أشوف إنها فرصة مادامنا برة البيت إنك تروحين للمستشفى!
ضي:لا لا نرجع للبيت وبأرتاح هناك..
جدتي:أي مشتشفى؟واي خرابيط؟؟أنا وين رحت؟56 حفيد من أحفادي ولدتهم بإيديني هاذيل!!
أنا:ولاتنسين بعد ماينولدون تزيدينهم غبن وتسمينهم على ذوقك!!غيفة ونضرة وخشعة ومعيبيدة وغليص ومريبيض!!!! حولتيهم من بشر إلى عائلة من الجن!!
جدتي:سفيهه وماينرد عليك!!تحمدين ربك إنك الوحيدة بالعيلة اللي عطيتك شرف حمل اسمي!
أنا:ومن حلاته ياحظي؟؟شعيبية؟؟أنا لو بأنقرد وأقعد عانس ببيت أهلي مابيكون إلا من ِردَات اسمي!!!
جدتي:قلت لك ماحد بيرضى فيك إلا مشبب!رفضتي!!إنتي حقك تاخذين مشعور ولد بعيثرانة الكريهة لااااااا ويخب عليك بعد!!!!
إلا صاحت ضي هذيك الصيحة اللي أرعبتنا وصحنا بصوت عالي:زيـــــــــــــاد عالمستشفى!
وحط رجله وصار يسوق بأعلى سرعة ومسكونا المرور ياحظي!!!وأصروا يكتبونا مخالفة وقد ماتعذر زياد مافيه فايدة....إلا دقايق وصاحت ضي بذاك الصوت من الألم إلا والشرطي اخترع وقال:
خلاص امشوا ورافقتكم السلامة!!!!


السموحة يالغوالي على التأخير..الظروف الصحية أشغلتنا عنكم شوي..دعواتكم بالشفاء....
طبعاً تتذكرون سالفة المول إياها لما خرجنا منه وفاجأتنا ضي بصياحها في السيارة من الألم مما اضطر زياد يسرع بالسيارة لدرجة جنونية واستوقفونا المرور
وقال الشرطي:الرخصة والبطاقة لو سمحت!!
عطاهم زياد وقال:عجلوا علينا الله يخليكم..
الشرطي:وليش كل هالسرعة ان شاء الله؟؟بتلحق على المباراة؟؟؟؟
زياد:لا..بس عندنا ظرف طاريء ومحتاجين المستشفى فاضطريت أسرِع!
الشرطي:إيه خذني بهاالكلمتين يالحبيب كلكم تسرعون وتقولون نفس الكلام!
زياد:ترى أنا مو قاعد أنكت .. هلي معاي بالسيارة وعندنا حالة ولادة..
وفكت ضي هذيك الصيحة اللي اخترع منها الشرطي وقال:امشوا ورافقتكم السلامة!
والحمدلله تغاضى عن تسجيل المخالفة!!
ووصلنا أخيراً للمستشفى وكان مستشفى خاص واتجهنا بسيارتنا لباب الطواريء ونزل زياد وريفان وقالوا:إحنا بنشوف كيف الوضع وانتوا ابقوا بالسيارة!
لكن بعد ماراحوا ..جدتي اعترضت وزعلت وقالت:شلون تخلون البنت تنزل عند السيسترات الكافرات يفحصونها؟!!تبونها تولد على إيدينهم؟؟
أنا:وخير لاولدت على ايدينهم..وين المشكلة؟؟هذا انا وخواتي وزياد كلنا انولدنا بمستشفيات وعلى يدين ممرضات ومافينا إلا العافية!
جدتي:إلا مافيكم إلا الرفالة والطمالة من يوم ماجيتوا على ايديهم!مالت عليكم جميع!
ومر وقت وحنا ننتظر ورن جوال رند وكانت قاعدة بالمقعدة الأخيرة بالجيمس..وطلع المتصل خطيبها وصارت تحاكيه بهمس عشان لاتسمعها جدتي!!
بس جدتي اللي كانت قاعدة بأول مقعدة جنب زياد ماكانت تسمع الا تمتمتها وقالت:وتقولين مافينا إلا العافية ياست شعيبية؟!ناظري أختك من خبالها تحاكي روحها!!!!!!
وطبعاً رند مو معانا بالمرة مندمجة مع سوالف خطيبها......
وأنا وجدتي بس نتناقر ومن ضمن حديثنا..
جدتي:لاااااا هذيل مصخوها أخاف دخلوا البنت ولعبوا فيها السيسترات..شكلهم مايفهمون شي!
أنا:ياجدة كلها دقايق ويبان كل شي..يمكن السالفة شوية مغص والولادة لسه مو هالحين!
جدتي:أقول..سالفة يمكن ويمكن هذي ماتعجبني أبد بأنزل بنفسي وأشوف اش السالفة!!
أنا:انزلي لوحدك!ماني برايحة معك في أمان الله!
وماكذبت جدتي خبر ونزلت وراحت لباب الطواريء لحالها!!
وشوي انتهت رند من مكالمتها وطالعت فيني وأنا قاعدة بالمقعدة الثانية وقالت:بسم الله!وينها جدتي؟
أنا:نزلت للمستشفى!تقول السيسترات بيلعبون ببنتنا!!!!!!
رند:الله يقطع ابليسك!وانتي شلون تخلينها تنزل لحالها؟؟هالحين مابنلاقيها بسهولة يمديها بتطلع من دور لـــــ دور!!!!!
أنا:واش أدواره واللي يرحم والديك؟؟نسيتي وش سوت فينا بالمول ؟حدها تخاف من المصاعد أكيد بتمشي لها شوي بقسم الطواريء وبتتعب !رجولها يالله تشيلها!!
........وطبعاً جدتي لما دخلت من بوابة الطواريء انتبهوا لها الممرضات وكيف تمشي بإنهاك شديد بحكم إنها كبيرة في السن وظنوها مريضة وجابوا كرسي متحرك وركبوها عليه ودفوها لداخل!!
وصارت تصيح وتبربر عليهم لكن مافي أحد فاهم عليها أخذوا ضغطها وحرارتها ونادوا لها دكتور الطواريء اللي جاء يفحصها وطلب منها تطلع على السرير لكنها صاحت فيه:ماانخلق اللي يمس فيني شعرة ياقليل الحيا!!وخبطته بعصاها..
الدكتور وبلهجة مصرية:بتشتكي من إيه بالزبط ياحجة؟؟؟
جدتي:عساك بمن يقطع حقك وحظك!!
الدكتورلبيب المصري:هوانتي جاية لوحدك؟ولا حد جابك؟؟
جدتي:وانت اش عليك؟
الدكتورلبيب المصري:ماهو لازم أعرف هو انتي تعبانة من ايه لامؤاخزة!
جدتي:أنا موب تعبانة أنا أبي ضي بسرعة!
الدكتور لبيب المصري:ضي مين؟؟؟؟
جدتي:اللي نزل بها زياد!
الدكتور لبيب المصري:وزياد مين ده الآخر؟؟
جدتي:أخو ريفان!
الدكتور:ريفان مين ياست انتي؟؟
جدتي:أختهم كلهم!
الدكتور:اخوات مين؟؟؟
جدتي:اختهم كلهم يعني عيال خلف!
الدكتور:خلف مين؟؟دي ليلة سودا من أوِلها!!
جدتي:خلف بن عفيسان!
الدكتور:عفيسان؟؟؟ لااااا دا انتي حالتك صعبة خالص !!يانيرس تعالي شوفي الست دي باين انها بتخرف؟؟ولا شاربة ليها حاجة؟؟؟
جدتي:بتوصلوني محل ماأبي ولاأخلي عصاتي توطوط على ظهوركم بذا الليل؟!!
الدكتور: دا ايه الليلة اللي مش فايتة دي؟؟هو أنا ماعنديش مريض غيرك ولا ايه؟عايزة ايه ياحجة ربنا لايسيئك؟ماتئولي وتخلي كل حي يروح لحاله!
جدتي:وين خذيتوا ضي عسى الله ياخذك انت وشلة الفُنس اللي حولك هاذول؟؟؟طلعوها من باطن الأرض لأشحطكم شحطاتن تنسيكم حليب ميماتكم اللي ذقتوه!لأخليك تحوس ماتدري وين راسك من كرياسك..ولاكوعك من كرسوعك!!
الدكتور:ماتتكلمي عربي ياحجة!ايييييه هو أنا حأشتغل الليلادي في فك الرموز والطلاسم والا ايه؟؟؟؟؟؟
جدتي:وانتي تسمي هالهرج اللي تقوله ذا عربي؟
وديني لضي!
وفي نفس هاللحظات اتصل زياد برند وقال:ترى ضي فحصوها بالطواريء وقالوا لازم ندخلها لغرفة الولادة وريفان معاها..شوي وأجيكم بس طمنوا جدتي!!
رند:أي جدتك؟؟؟جدتك نزلت من أول لقسم الطواريء!
زياد:ايييييش؟؟لابارك الله فيكم!بروحها؟؟؟؟
رند:ايه..وترى مالي شغل شعيبية خلتها أنا كنت مشغولة أكلم بالجوال!
زياد:اشفيكم انتوا؟؟؟؟؟؟ناويين تجيبون لي جلطة؟ماكفتكم أحداث المول؟مشتهيين تسوون أحداث جديدة؟؟؟؟؟
رند:ياخي لاجتك جلطة..فاغتنم الفرصة !!هذا انت لسه بالمستشفى!!
قفل زياد السماعة بوجهها وراح يفتش عن جدته وبعد لفة بقسم الطواريء لقاها قاعدة على الكرسي المتحرك وتتهاوش مع الدكتورلبيب المصري!!
وجاء زياد بسرعة وحاول يقومها من الكرسي
قال الدكتور:يالهوي هو انت ابنها؟؟
زياد:لا حفيدها!
الدكتور:وسايبينها دايرة على حل شعرها ليه بقى ان شاء الله؟؟؟؟
زياد:هي اللي نزلت لحالها من السيارة!
الدكتور:دا أنا بئالي ساعة بسألها بتشتكي من ايه ياحجة؟وماعرفتش ااخود منها حء ولا باطل!!!
زياد:ماتشتكي من شي جاية تشوف حفيدتها ولدت ولابعد!!
الدكتور:روح يابني دا انتَ مش فاهم ايتها حاجة!دا أنا لو اعمل لها فحص كامل مش حألقى حاجة سليمة دي عايزلها قطع غيار!! دا المخ لوحده فيه شوية صدى على خرف على سطلة مش باين ليها أول من آخر!!
زياد:احترم نفسك وروح تسلى بأحد غيرها!هذي كبر أمك!
الدكتور:ياشيخ دي جِدتك دي تاخدها وتروح تعرضها في متحف الديناصورات المنقرزة!!!
جدتي:أنا ماحبيته هالآدمي ولاني فاهمة نص سوالفه لكني أشم ريحة نذالة وتشمت بكلامه!صح يازياد؟؟؟؟؟
زياد:ايه صح!!
جدتي:أجل خذ!!
وطقته بعصاها لين قال آمين وخرجت هي وزياد من المستشفى!!
واتصلنا بأمي وأبوي وخبرناهم بسالفة ضي وتركوا عزيمتهم بعد ماتعشوا وجوا على المستشفى أما احنا رجعنا البيت نعبي هدوم وأغراض لضي..وجهزنا عشا لجدتي..

.....طبعاً بعد مارجعنا البيت جهزنا أغراض لضي وأغراض لريفان لأنها بترافق معاها...لأن ريفان أصرت تبات مع ضي وتخلي أمي ترجع للبيت..
وراح زياد يودي الأغراض للمستشفى وكانت الساعة تقريبا وحدة بالليل وجدتي تعشت ونامت وأنا ورند لحالنا إلا دق تلفون البيت ورحت ركض أرد..إلا هو أبوي!
أبوي:السلام عليكم ..مانمتوا بعد؟؟؟؟؟
أنا:وشلون يجينا النوم وحِنا ماتطمنا على ضي؟!!!
أبوي:هههه ..مبروك ياشعيبية صرتي خالة!
أنا:صحيح؟الحمدلله يارب..وش جابت؟؟وشلونها؟
أبوي: جابت بنية..قبل نص ساعة..وهالحين هي بغرفة الملاحظة لما تصحى بينقلونها لغرفتها الخاصة..
أنا:ومتى بترجع انت وأمي؟
أبوي:بننتظرها تصحى ونتطمن على وضعها ثم نجي يمكن عقب ساعة ساعتين..المهم انتم روحوا ناموا لاتنتظرونا...
وكملت مكالمتي لأبوي ورحت أجري على رند اللي ماسكة جوالها وتقرقر مع خطيبها طارق أفندي!!وقمت أأشر لها لين ماأنهت المكالمة وقالت:اشفيك؟الله يشفيك!
أنا:صرتي خالة يالثولة!مبروووووووك!
رند:ماشاء الله ضي ولدت خلاص؟!!
أنا:ايه..أبشرك..وتو أبوي متصل ومخبرني..إنها جابت بنية...
رند:أجل خل ندق على جوال ريفان وناخذ الأخبار!
واتصلنا على ريفان.اللي صوتها كان مجهد وقالت رند:
مبروك يارفونة صرتي الخالة الكبيرة للبنوتة!
ريفان(وبصوت كله تعب):الله يبارك فيكم..
رند:وشفيك تعبانة؟؟؟لايكون ولدوك انتي بدل ضي؟؟ترى هالمستشفيات الخاصة اللعب عندهم والأخطاء الطبية أشكال وألوان!!!!!
ريفان:تنكتين آخر الليل؟؟وش هالرواقة؟أنا رجولي متكسرة من وقفتي مع ضي وقت الولادة...ويديني مرضضة من كثر ماقرصتني ضي وعضضتني لما اشتد عليها الطلق!!!!!!
رند:هههههههههههه...ياعمري انتي..من جدك حضرتي ولادتها كاملة؟؟
ريفان:إيه من جدي! كنت داخلة على أساس أوقف معاها شوي وأطلع بس تفاجأت انه نظام المستشفى يسمح بمرافقة المريضة لين تولد...وكانت حالتها صعبة المسكينة لازوجها ولاأمي حولها..اضطريت أوقف معاها
رند:ماشاء الله يعني حضرت العرض كامل لامشفر ولاتقطيع؟؟؟
ريفان:تصوري!
رند:ياحليلك..يمديك تعقدتي من طاري الزواج والحمل والولادة....
وقتها صحت بضي وقلت:عطيني الجوال عطيني اياه بسرعة بدل سوالفك الفارغة هذي!!!
رند:لا بعدي ماانتهيت!
أنا:أقول لك عطيني اياه لا أصكك بذاك المخمس اللي ينسيك اسمك!!
وأعطتني الجوال وقلت لها:ناس ماتجي الا بالعين الحمراء!!!!!!!!
أنا:هلا ريفان شلونك؟وشلون النونو؟؟
ريفان:الحمدلله بصحة وعافية..
أنا(وبلهفة شديدة)قلت: بشري حلوة مثل خالتها شعيبية ولاشينة مثل خالتها رند؟!!!!!!!!
ريفان:وليش متصورة انها بتشابهكم؟أكيد يابتطلع لأمها يا لأبوها !
أنا:طيب تشبه مين عادل ولا ضي؟؟
ريفان:يابنت الحلال لو تشوفينها..قطعة لحم صغيرة وحمراء مو باين لها ملامح..يالله بعد شهور تبان ملامحها!!يلا عن إذنك هذي ضي باين انها صحت..
أنا:لحظة لحظة..بشرتوا عادل زوجها بولادتها؟؟؟؟
ريفان:ايه كلمه أبوي..وقال بيحجز أول طيارة يلاقيها وبيجي بكرة.....هيا شعيبية مع السلامة
أنا:مع السلامة......


بكل الشوق جيت أكمل.....
نمنا أنا ورند وثاني يوم صحينا لقينا البيت فاضي!!اتصلنا على أبوي وكان الوقت ظهر وقلنا:وينكم؟؟
قال:حِنا بالمستشفى عند ضي!!!!
أنا:حرام عليكم!وليش ماانتظرتونا؟؟؟
أبوي:أساساً موعد الزيارة موب الحين بيبدأ في العصر بس حِنا جينا لضي عشان ناخذ ريفان تجي ترتاح بالبيت وأمكم تستلم مكانها وفي العصر ناخذكم انتوا تزورونها!
أنا:طيب....مع السلامة...
وبعد ماقفلت السماعة.
قالت رند:يعني مابنروح الحين؟؟؟؟؟
أنا:لا في العصر..
رند:طيب اش رايك نستغل الوقت..ونضبط الغرفة اللي بنستقبل فيها ضيوف ضي؟!!!!
أنا:ايه والله فكرة!
وبالفعل بدأنا الترتيبات وكانت ضي من الأول

وبالفعل بدأنا الترتيبات وكانت ضي من الأول شارية لبنوتتها سرير مشرع بالتل والورد وجايبة خامات عشان نزين فيها الغرفة,وطلبنا من زياد يروح ينزل سرير مفرد من فوق كان لضي قبل ماتتزوج وجبناه وحطينا عليه لحاف فخم ضي شاريته مع أغراض الولادة!!
وأرسلنا زياد يجيب لنا شوية أغراض وجابهم واشتغلنا بالغرفة وكانت هي مجلس الحريم حطينا سرير الأم والبنت جنب بعض ونفخنا بالونات وردي+أبيض وملينا الغرفة وأشكال بالفلين مرشوشة اكليل علقناها نازلة من السقف وفوق سرير ضي سوينا ستارة بالتل وركبنا ورد وطبعنا أوراق بالكومبيوتر فيها تهنئة ورسومات حلوة وعلقناها على الجدار....وبدينا نسوي توزيعات للمباركين شوكولا+أشرطة دعوية ومطويات صغيرة وغلفناها بأقمشة وشرايط ساتان يعني بالصريح سوينا ابداع!!
إلا وجدتنا شعيبية داخلة علينا الغرفة وقالت:ماشاء الله!منهي هذي اللي بتروح عروس؟؟
أنا:الله يصلحك ياجدة!في عروس بتتزوج على سرير؟؟لا وجنبه سرير مولود بعد؟؟؟؟
جدة:أجل وش له هالزبرقة؟؟؟؟
رند:هذي زينة لغرفة ضي اللي بنستقبل فيها الزوار
جدة:ليش بتطلع اليوم؟
أنا:لا بكرة ان شاء الله..بس حِنا قاعدين نستعد من هالحين لأننا العصر رايحين نزورها..
جدة:ماني رايحة معكم!!
إحنا:ليششش؟!!!!
جدة:المستشفى فيها صرصير وأنا ماأداني ركوب الصرصيرات!!!!!!!!!!!
رند:ههههه تقصدين الأصانصير...ماعليك اذكري الله وحِنا بنمسكك زين...عاد مو حلوة بحقك موجودة هنا وماتشوفين حفيدة حفيدتك!!!!!!
واتصلت أمي ووصتنا نجيب ترامس قهوة وشاي وفناجيل وحِنا جايين عشان ضي بيجيها زوار ولما جاء العصر خرجنا من البيت وكانت ريفان توها راجعة مع أبوي..ترتاح بالبيت..واحنا رحنا مع زياد ومرينا محل شوكليت واشترينا سبتات وحركات نضيف بها الزوار
ولما وصلنا سلمنا على ضي وياحليلها آثار التعب واضحة عليها....وقلت بلهفة:وين الصغيرونة؟؟ ملهوفة عليها مرة ودي أشوفها!!
ضي:في الحضانة وأبوها عندها!
رند:ماشاء الله وصل عادل؟؟
ضي:إيه من قبل الظهر وجلس معاي وتغدى..وهالحين مر يشوف الصغيرة ويكمل بعض الأوراق وبعدين بيروح لأهله يرتاح عندهم..
رند:هاه بشري؟؟؟حلوة الولادة؟؟
ضي:تهبـــــــل!!! من حلاوتها ماأتمنى أعيدها مدى الحياة!!!!!
أنا قمت أتلقف ومسوية نفسي فاهمة!! وقلت:شلون ولدتي طبيعي ولا صناعي؟؟؟
قاموا يضحكون....
قالت أمي:اسمها طبيعي ولا قيصري!!
أنا:ايه صح!طبيعي ولا قيصري؟؟
ضي:طبيعي..أساساً ماوصلت المستشفى الا وأنا منتهية وعلى طول دخلت الغرفة وولدوني ماحكت لكم ريفان؟!!
أنا وبكل فهلوة قلت:أصلاً اش يعني طبيعي واش يعني قيصري؟؟؟؟
أمي:وانتي اش لك بهالسوالف؟؟؟؟؟بدري عليك!!
رند:يمه!وش دعوى؟خلها تتثقف لاتفشلنا بكرة!!شوفي ياشوشو القيصري يعني تخدير كلي وفتح بطن بس الطبيعي طبيعي!!!!!
أنا:الأولى وفهمناها!بس الثانية وشهو اللي الطبيعي طبيعي؟!!!!!!
أمي:خلها على عماها أحسن!!
أنا:ولو إني مدري وش تقصدون!بس باين إنها حاجة ماهي بزينة!!
جدة:ان شاء الله باخذك معي الديرة تحضرين وحدة من الولادات وتتعلمين الصنعة من جدتك!!
أنا:وععععع لايكون قصدكم مثل توليد مشبب للبقر؟؟!
جدة:ايه بالضبط..فديته هالمشبب!
أنا:أقول ماودكم تشربون قهوة؟!!

جايتكم بالسوالف عقب غيبة!!
لما اجتمعنا كلنا عند ضي بالمستشفى وكانت بانتظار الزوار ظلينا نسولف ونتقهوى وأنا قاعدة على نار ودي أشوف الصغيرونة وشلون شكلها وكل شوي وأنا أتصل على الحضانة وماصدقت إنهم وافقوا يجيبونها لنا بغرفة ضي!!
ويوم جابوها ياااااااااناس تهبل شلتها وحضنتها بأقوى ماعندي.....
أمي:شوي شوي على البنت حرام عليك كسرتي ضلاعينها!!!
أنا:واي تهبل تهبل...ياليتها بنتي كان ماأفارقها دقيقة...
جدتي:مو لو إنك ماخذة مشبب هالحين كان عقب 9أشهر جبتي أحلى منها!!!!
أنا:يرحم والديك ياجدة لاعاد تطرين مشبشب هذا على لسانك من يوم يجي طاريه..أحس إني أشم ريحة بقر وبعارين!!!!
الجميع:ههههههههههه
أنا:وش بتسمونها ياضي؟؟؟
ضي:أنا ودي بإسم (جود)..بس عادل يقول (شهد) أحلى!
جدة:مالت عليكم ثنيناتكم!!ماأخس من المربوط إلا المفتلت!!ماصخة اسمائكم هذي ولالها طعم ولاريحة!!!!!
أنا(بلهجة ساخرة):صادقة جدتي ياضي كل الطعم والريحة بأسماء بنات أعمامي اللي جدتي اختارتها(فُرجة+غيفة+يقظانة+زار فة)!!وينك عنها بس؟!!!!!
ضي:ههههههه..استغفرالله..إلا وش معنات زارفة ياجدة ماعمري سمعت به إلا منك يوم سميتي بنت عمي!!!
جدة:ماشاء الله زارفة انولدت على ايديني..
ولاحظت إنها أطول مولودة بذاك الوقت وشبهت طولها بالزرافة!! وجيت أسميها زرافة بس قلت موب حلوة بحقها اسميها على حيوان!! فتلاعبت بالاسم شوي وسميتها زارفة!!
رند:اسمها زارفة والحقيقة هي بنت زاحفة!!
قمت مسكت النونويارب يحفظها وعطيتها جدتي وقلت:هاه..ياجدة؟؟ماودك تشيلين بنت حفيدتك؟؟
جدتي شالتها من غير نفس وسلمت عليها وردتها لي وقالت:سبحان الله عيال المشتشفى ماهم مثال العيال اللي ينولدون بالبيت..عيالكم انتم فيهم ريح سيسترات!!
ضي:الله يسامحك ياجدة..ولادة المستشفيات أنظف يحممون الأطفال ويعقمونهم ويلفونهم بكوافل نظيفة...
جدتي:يالله الله يبارك ببنيتك ويعطيك خيرها ويكفيك شرها!!!!!!!!
أنا:وش هالكلام ياجدة؟؟ماخبرت هالجملة تنقال الا إن جانا شغالة جديدة كلن يقول(الله يعطيكم خيرها ويكفيكم شرها)!!!!!!!
جدتي(وهي مطنشة كلامي):الله يرزقك بأخ لها بس انتي شدي حيلك!!
ضي:حرام عليك!!بعدي مااستوعبت صدمة هالولادة..وانتي تبيني أحمل مرة ثانية..؟؟؟
جدتي:وشفيها؟؟ماشاء الله علي جبت ثمان بطون غير اللي ماتوا...ماأطلع من الأربعين إلا وأنا حامل بالبزر الثاني!!
أنا:وماذا أنتجتي للمجتمع ياامرأة؟؟الامبراطورية الشعيبية العفيسانية؟؟؟الله يكثر الخبز بس!!!
ضي:بس انتوا ياجدة وضعكم غير صحتكم كانت قوية وكل شي تاكلونه طبيعي وعايشين تحت الشمس وأفضل تهوية طبيعية...بس حِنا بنات الوقت..مختلفين كل أكلنا مسمد ومعلب ومحفوظ وعايشين بشقق..الشمس نحلم حلم نشوفها بالبيت لازم نطلع مخصوص!!هذا غير المكيفات اللي تشتغل فوق رووسنا ليل نهار!!
جدتي:أقول انتم يابنات هالزمان كل ماقلنا لكم شي قلتوا حِنا غير وحِنا مختلفين!مدري مخلوقين من ذهب وأنا مدري؟؟؟أقول حتى القطاوى تحمل وتولد ماتقول آآآآآي!!!
إلا دق باب الغرفة ورحت أفتح لقيتها سِلفة ضي وحدة عسولة نموت فيها وطيوبة مرة زوجها يسير أخو عادل زوج ضي ...يعني الزوج سعودي وهي سورية واسمها(سُهير)...
وعاد كلامها كله باللهجة السورية....
سُهير:ياأهلين وسهلين بضي حبيبة ألبي..شلونك؟
وحضنت ضي وقامت تسلم عليها وعطتها هديتها تهبل بكيس كبير شوي...
ضي:بخير الحمدلله...انتي شلونك ياسُهير؟؟
سُهير:كتير منيحة...
وباست النونو الصغيرة وقالت:تؤبر ألبي شو ماأحلاها!اسم الله حولها وحواليها..الله يخليها لاإلكن يارب..عئبال ماتزفيها لعريسها..يارب
ضي:آمين...تسلمين ياسُهير
ودارت سهير علينا كلنا تسلم ووصلت لجدتي وحبت راسها وقالت:كيفِك ستو؟؟منورة المكان ماشاء الله..الستات الكبار بركة بالبيت!
أنا:بركة وبس؟؟ اسأليني عن بركاتها وباكورتها!
التفتت سُهير لأمي وقالت:كيفك خالتو إم زياد؟؟وألف مبروك عا سلامة ضي..
إمي..أقصد أمي!! قالت:الله يبارك فيك ياحبيبتي عقبال مانفرح بعيالك يارب..
سُهير:الله كريم ياخالتو..يطعميني ويطعمي كِل محروم..
جدتي:ليش يابنتي إنتي مامعك ذُرية؟؟
سهير:لا والله صار لي سنتين مجَوزِة..بس لهلأ ربي مارزأني بالخلفة...
جدتي:ماتمرختي؟؟
سهير:لا..بس شو يعني؟؟
جدتي:يعني نضغط على بطنك وظهرك ورحمك..وإن كان معك بلا..يروح ان شاء الله وتحملين!!
سهير:ياريت ياستو ياريت..عإيدك يارب...
جدتي:وليش يابنتي تاركة عيال ديرتك ومتزوجة من عيال ديرتنا؟؟؟
سهير:هههه ولو!!! أنا ماتركت ولاأخدت!هوا اللي إجى وخطبني من بيت أهلي ووافئنا..شو بدنا نعمل؟ هيك النصيب!!!
جدتي:ويفهم هرجِك؟؟
سهير:وليش لاحتى مايفهم؟؟عم بإحكي طلاسم؟؟
جدتي:ويحب طباخك؟؟
سهير:فوء ماتتصوري!!(يعني فوق ماتتصوري)
جدتي:والله لو ماخذ من بنات ديرته أبرك له!!وانتي بعد لو ماخذة واحد من ثوبك أزين!!يعني معجبتك هالغربة اللي قاطتن نفسك فيها؟!!!
سهير:الحئيئة زوجي عامر موحارمني من شِي كل إشي بإطلبه بلاَئيه إدَاامي!حتى زياراتي لأهلي مافي مرة عم أئول مشتائة لإلون إلا وبيبعتني لعندن!
وشوي ودق الباب ودخلت أم زوج ضي وأخواته الثنتين...
وأم زوجها كانت انسانة كبيرة بالسن ومحترمة جداً وطيبة..ودخلت تسلم على ضي
وتقول:مبروك يابنتي مبروك...الحمدلله على سلامتك وسلامة بنيتك..
وأخوات عادل المتزوجات سلموا وباركوا وجلسوا يسولفون معانا....
أم عادل زوج ضي تكلم جدتي:شلونك ياأم خلف؟
جدتي:بخير ونعمة...
وطالعت أم عادل بأمي وقالت:شلونك ياأم زياد؟ومبروك سلامة ضي..
أمي:الله يبارك فيكم..ومبروك لكم انتوا بعد الحفيدة الجديدة...
أم عادل:الله يبارك فيك ويحفظك..
والتفتت أم عادل لضي وقالت:والله يافرحتنا يابنتي يوم عرفنا إنك ولدتي طبيعي وإن بنتك بصحة وعافية...الحمدلله.. الله يحفظها لك ولأبوها ويجعلها من الصالحات البارَّات يارب...
ضي:الله يستجيب دعاك ياخالتي..ويحفظك..
أم عادل:كيف حالك يابنتي ياسهير؟؟وكيفهم أهلك؟
سُهير:عم نُشْكر الله!!وبيسلموا عليكي كتير السلام
أم عادل:الله يسلمهم ان شاء الله...
وشالت أم عادل البنوتة الصغيرة وقالت بلهجة حنونة:بسم الله ماشاء الله..أبوك حلو وأمك قمر وانتي ان شاء الله تاخذين منهم..الله يحفظك ويرعاك..ويلبسك لباس الصحة والعافية ..
وهنا تدخلت جدتي شعيبية بسرعة وقالت:هاه..ياأم عادل!وش بتسمين حفيدتك؟؟
أم عادل:وليش أنا أسميها؟؟عندها أمها وأبوها الله يحفظهم..هم يسمونها الاسم اللي يعجبهم!
جدة:انتي جدتها وأم أبوها وانتي أحق!
أم عادل:لا والله ماني بأحق!محد أحق بتسميتها الا اللي حملتها 9شهور وتعبت بولادتها..وأبوها اللي بتنتسب له هالبنت.
طبعاً جدتي بغى يطق لها عرق لأن هالكلام لايتوافق مع سياستها الشعيبية!!!!!
وتمت جلستنا حلوة وبدأ الزوار يتوافدون..أقارب زوج ضي وأقاربنا...
وطبعاً جدتي رافعة حاجبها ولاأحد عاجبها!! لأن محد من الحضور طباعه توافق طباعها لدرجة انه أم عادل لما راحت ..
قالت جدتي:وش هالكهلة؟؟ تراها مو أصلية تقليد!!!!!

رجعت لكم...مستوعبين؟!
غبت عنكم وقلت أتغلى..وصابني ملل وقلت نسوني الحلوات..لكن آثاري الدنيا هذي مازال فيها خير!!
المهم يالقماري مرت الأيام وطلعت ضي من المستشفى وتوافدوا الزوار..وماحد أكلها على راسه إلا أنا!!
شافوني أحب البنية لزقوها فيني طول الليل والنهار وأنا أفتر فيها عشان تسكت!وأرضعها وأتَرِعها..وععععع!
و ضي وش عليها متمددة وكلن يهتم فيها وفي أكلها ووصفات وخرابيط النسوان اللي تفننوا فيها أمي وجدتي..كل مادخلت الغرفة على ضي صكت الريحة راسي حشا تقولون قاعدة بـ عطارة!!من ريحة البخور واللهوم والحلبة..والقائمة تطول!!
وجدتي مو مقصرة تمريخ وتطبيب في ضي..يلا أهم شي لقيت شي تتسلى فيه..
والزوار أشغلونا البيت فتحناه مَضافة لعيونهم!
ومرت 3أسابيع على ولادة ضي وإحنا لابدين في البيت وجاني جميع أنواع الزهق
وقلت لأمي:هالحين ضي ولدت..أنا...وش ذنبي تعاقبوني بالحبس؟!
أمي:وش حبسه؟
أنا:كل هذا وتقولين وش حبسه؟لي أسابيع ماطلعت من البيت وحشتني ريحة السيارة والبنزين!
أمي:تحمدي ربك..البيت مايخلى من الزوار وكل يوم يجون ناس يباركون ويونسونا..
أنا:مالي شغل..ودي أطلع!
أمي:وعلى وين العزم ان شاء الله؟؟
أنا:أي مكان...المهم أطلع!
أمي:مالي شغل فيك..قولي لأبوك!
وأروح أركض على أبوي ولقيته قاعد مع جدتي ويوم دخلت عليهم سكتوا الإثنين وقام عقلي يودي ويجيب!
قلت:خير؟إذا عندكم مشروع خطبة علموني خل أطلع!
أبوي(يمزح):ايه..الله يسلمك هذي جدتك تبي تدور لي عروس من ديرتنا!!
أنا:نعم؟؟ماشاء الله!!عطيناك فرصة تمارسين هواية الداية على أختي ضي..وهالحين رجعتي لهوايتك المفضلة ورديتي تشتغلين خطَّابة؟!!امعصي وحاشا وكلا تخطبين له!!
أبوي:وانتي اش عليك؟أنا راضي!
أنا:وتبيع أمي عشان وحدة من عرايس جدتي؟لا..وليتها وحدة مودرن..إلا أكيد وحدة ريحة زيت الخروع تفوح من بين جدايلها على بُعد ميل..ووجهها مدهون بـ سمن غنم!!
أبوي:هههه وشفيه سمن الغنم؟الوالدة حلوة ومايجي منها إلا كل شي حلو..
ناظرت بجدتي وعيوني تقدح شرر!!
وقلت:هالحين خلصوا عيال خلق الله يوم تتركينهم وتجين تخطبين لأبوي؟!
جدتي:زين الرجال أبوك..ليش مانخطب له؟!
أنا:خلي أبوي بحاله تراه شايبٍ أصلع.إن بغيتي الحق أمي بعدها بشبابها اخطبي لها أحسن!
أبوي(بعصبية):شعيبـوه بلا!!
أنا:أجل وش تسمونه هذا..أمي القمر العسل ودك تعرس عليها؟!جزا المعروف سبع كفوف يعني؟!
أبوي:يالقشرا نمزح..نمزح!
جدتي:ايه نمزح..وياليتها موب مزحة..ودي تاخذ لك زوجةٍ ثانية وتنقل عندنا الديرة وزوجتك خلها تقعد هنا تخيس مع بناتها وولدها الخبل زيادوه!!
أنا:ايه يبه..على طاري زيادوه الخبل..تراني زهقت حيل وودي أطلع معاه أتمشى وأشم هواء!
أبوي:اقعدي بالبيت وساعدي أمك وخواتك!!
أنا:تكفى يبه تراني مليـــــــــــــــت!
أبوي:اسمعي الكلام..لا أفك عليك جدتك شعيبية تكفخك!
وخرجت من الغرفة وقلبي مكسور ودمعي تحدر على خديداتي!
شافني زياد بالصالة وقال:هلا شوشو..مين طقك يابنت؟!!
أنا:ماحد طقني إلا الزهق ودي أخرج وأتنفس أحس إني مخنوقة!!
زياد:نو بروبليم شوشو..البسي عباتك والحقيني!
أنا:موب راضي..موب راضي أبوي!
زياد:ياشيخة ماعليك من أحد البيت بينترس بعد شوي زوار وماحد بيدري عنك..جيبي عباتك وأنا بأروح أشغل السيارة..
ومدري شلون جازت لي الفكرة الشيطانية هذي وطلعت أركض لغرفتي أجيب عباتي وأطلع مع زياد بالدَس!!
المعذرة التكملة في وقت آخر..

عدنا إليكم..
مثل ماقلت لكم طلعت مع زيادوه بالدس وأخذت احتياطاتي..قفلت باب غرفة النوم حقتي لأوهم الجميع بأنني نائمة!!
وفلسعت مع أخوي الحبيب قبل المغرب..
وإحنا بالسيارة..
زياد:شوشو؟!وين ودك تروحين؟
أنا:إلى أقرب مدينة ملاهي ياأخي العزيز في خاطري أغامر وأطامر وأطلِّع جنان وصرقعة مستقرة فيني من حزة ماطبت جدتك شعيبية البيت!
وماقصر زياد وداني الملاهي وفليناها فله ودجينا دجة وصارت الساعة 8 العشا..
وآثاري الزوار في بيتنا بدأوا يتوافدون وأخواتي على بابي يدقون على بالهم إني نايمة..
وانتهيت من اللعب وجلسنا أنا وزياد بمقهى ومابقي مشروب إلا وشفطناه ولاحلى إلا وبلعناه..
زياد:هاه ياشوشو؟؟ارتاحت الجنانوة اللي براسك؟
أنا:اسكت ياأبوالزيد..الود ودي ماأرجع البيت إلا بكرة..بس أكيد بيفتقدوني لذا خلنا نرجع
ورجعنا وكانت الساعة 9..يعني تغيبنا عن البيت 3ساعات تقريباً..
وصلنا بيتنا ووقفنا السيارة داخل القراج ورميت عباتي داخل سيارة زياد عشان ماحد ينتبه لي وأنا داخلة...
والحمدلله لقينا الوالد مو موجود وأمي مشغولة بالضيوف..
وأنا طالعة بالدرج صادتني ريفان وسحبتني من كتفي..
ريفان:تعالي يالسوسة..لي 3ساعات أدق الباب وماتفتحين لي ليش؟!كل هذا نوم؟
أنا:ايه كنت بسابع نومة!أحد درى؟
ريفان:ايه أبوي بغى يكسر باب الغرفة ويدخل عليك لكني أشغلته!!
أنا:يووه الحمدلله ..
ريفان:لا أمزح معاك..بس تعالي هنا وجهك مو باين عليه آثار النوم..وبعدين وش هالشنطة اللي معلقتها بيمينك؟!
أنا:ولاشي ولاشي..ورحت أركض على غرفتي وفتحت الباب ودخلت وحمدت الله إن ماحد كشفني..
لكن تجري الرياح بما لاتشتهي السفن!!
زياد قعد مع زوج ضي بالمجلس..وبعدين طلع لغرفته وأخذ دُش بارد بعد اللعب في الملاهي..
والحريم راحو بعد ساعة والوالد أقبل من برة وبغى شي من سيارة زياد ويوم فتحها لقي عباية نسائية تفحفح عرق!!مرمية على المقعدة!!
ودخل البيت وعيونه تلمع وصاح بعالي الصوت فينا:وين زيـــــــــــــــــــاد؟!!
رند:شفته قبل شوي كان يتروش وبعدين دخل غرفته!!
أبوي:هين يازيادوه!
وطلع أبوي يجري في الدرج وكلنا نناظره باستغراب وفتح غرفة الزياد اللي كان متسطح على السرير وقاعد يقلب صفحات اللاب توب!
وقام أبوي يفتش الغرفة فوق تحت..وزياد مستغرب..
أبوي(بغضب):وينها؟؟
زياد:شِنهي؟!
أبوي:لاتستهبل!المزيونة اللي قاطة عبايتها بسيارتك!
زياد:أي مزيونة؟
أبوي:أقول لاتخلي ابليس يلعب براسي أهلك كلهم قاعدين بالبيت وماحد طلع منهم وإنت بسيارتك عباية مرمية على المقعدة الثانية أعطيني تفسير وبسرعة!!
زياد:صدقني ماأدري وش السالفة!
قام أبوي ومعط زياد من أذانيه وسحبه لين تحت وأخذه للقراج وإحنا نطالعهم باستغراب مو فاهمين شي!
طلع أبوي العباية من السيارة وقال:عباية مين هذي يازياد؟؟؟
زياد:مدري!
أبوي:لاياشيخ!يمكن هي قطت نفسها بسيارتك!
زياد:والله مدري..كل شي وارد!
ورحنا كلنا ووقفنا معاهم في الحوش..
أمي:وش جاب هالعباية في سيارتك يازياد؟؟كنت بحفلة تنكرية الله يصلحك؟!!!
زياد:مدري صدقوني..
جدتي:ايه ماتدري يالهيس!!قلت لك ياخلف ولدك هذا صايعٍ ضايع ومايربيه إلا عيشة الديرة وماسمعتني!!
رند:أفا يازياد لايكون خاطف لك وحدة!!شباب هالزمن ماتنضمنون أبد!بس وين مخبيها؟!
أبوي:قول لي ياولد..هالعباية المعطرة وش اللي حطها بداخل سيارتك..لاتجنني!
زياد:أي عباية معطرة بس؟؟إنت بس شِمها وراسك يفتر سبع دورات من ريحة العرق اللي فيها.هذي عبات شعيبية!!
طالعوا فيني كلهم..وأنا حمرت وصفرت!
أبوي:وش تسوي عباية إختك بسيارتك؟؟
زياد:كانت معاي بالملاهي..دجينا ولجينا والله ياهي وناسة كان ودي لو جدتي شعيبية معنا توسع صدرها وتستانس على الأجواء!!
طالع فيني أبوي بنظرات حاقدة:صدق اللي يقوله أخوك يابنت؟!!
أنا:اممم آه ه و....
أبوي(يصارخ):انطقي!!
أنا:ايه صح!
شهق الجميع!!
أبوي:ومين سمح لك تطلعين من غير إذني؟؟
زياد:ياأبوي هذي شعيبية لابغت تطلع ماتحتاج إذنك ولا عينك!!
أبوي:إسكت إنت!!ليش طلعتي من وراي؟هاه ؟؟علميني!!ماعندك أب تستأذنين منه؟؟
أمي:ماشاء الله ياست شعيبية..وإحنا اللي على بالنا نايمة وصاكة الباب على نفسك آثاريك برة تناقزين في الملاهي؟!!
ريفان:هلا هلا وأنا أقول وش ذا الشنطة اللي معلقتها..آثاريك راجعة من برة؟!
وابتدأ التهزيء من جميع الأطراف...وأنا ساكتة وعيوني تقطر دموع..حسبي الله على أباليسهم خربوا علي فرحتي بالخرجة للملاهي..بس اش أسوي؟على قولة أجاثا كريستي مافي جريمة كاملة!!
جدتي:الشرهة موب عليك ياخلف..الشرهة على أمٍ ماعرفت تربي بنيتها!!
أنا:حرام عليكم أنا اش سويت يعني؟؟طلعت مع أخوي ورديت..صار شي؟!
جدتي:انطمي عمى!اليوم تطلعين مع أخوك وبكرة مايندرى مع مين تطلعين ياشويشة!
أنا:ياسلام..يعني أنا الغلطانة وزياد ماحد يلومه؟ترى هو اللي ساق بي السيارة!
زياد:إنتي طلبتي!
أنا:بس أنا ماغصبتك!
أبوي:عظيم عظيم..ماشفناهم وهم يسرقون وشفناهم وهم يتقاسمون!!من اليوم ورايح اللي يدق في هالبيت مسمار من غير علمي لايلوم إلا نفسه!!
وسحب مفاتيح السيارة من زياد!
وأنا كلن يتشمت فيني من جهة..
دخلنا داخل وحكوا لضي ماصار..
ضي:ياجماعة تراكم مكبرين السالفة..إخت وطلعت مع أخوها وين الغلط؟؟
أمي:الغلط إنها طالعة بالسرقة كأن ماعندها أم وأب تستشيرهم..
ضي:عادي عادي..تحدث في أحسن العائلات..
رند:وشفيك تدافعين عنها ياضي؟عشانها تهتم ببنتك؟؟عجيبة الدنيا كيف صارت مصالح!
أنا(وبعد ماضمنت إن جدتي وأبوي راحوا ينامون):طيييب أنا أوريكم.. تشوفون...تسحبون مفاتيح زياد؟؟؟ إن ماجاء يوم أركب فيه السيكل ورا الحارس وأخليه يفلسع بي الهند ماأكون شعيبية!!
رند:عادي..مجنونة وتسوينها!هذا إن ماجاء يوم ولقيناك على قناة الهند تسوين اعلانات عن زيت دابر أملا!!أصلاً طول عمرك بايعتها!
00000

رجعت لكم...
مرت الأيام ثقيلة بالبيت بعد الحبسة لي ولزياد أفندي..وكملت ضي شهر عندنا بعد ولادتها وأخذها عادل زوجها ورجعوا بيتهم..
و حَزَّتها فرحت وقلت:أخيـــــــــراً إفراج!
لكن كالعادة تفاجئنا جدتنا شعيبية بمخططاتها..
وذات يوم وإحنا باركين على سفرة العشاء نلتهم مالذ وطاب وسادين خشومنا في نفس الوقت!!
وهذا بسبب جدتنا المصون اللي اشتهت على غفلة مرقة كرش وسِبْلة!(ولاأحد يسألني وش معنى سِبْلة)!
وفجأة قالت:يـــــــــاخلف!
أبوي:سمي يمه..
جدتي:أنا عزَّمت(وحُطوا تحت كلم عزمت مية خط يعني قصدها قررت من فوق خشومكم وغصب عنكم!!)إننا نروح بكرة للعمرة!!
أبوي:ونِعم الراي يمه بس ترى المشوار طويل والسفر يبيله تجهيز..
جدتي:وش يعني؟!هذا إنت يوم بغيت تحضر الزواج إنت وزوجتك ماقلت المشوار طويل!!
أبوي:هذا لأننا سافرنا بالطيارة..بس روحتنا لمكة لابد تكون بالسيارة!
جدتي:عادي..ولدك له مدة محبوس في البيت مثل الفار الأجرب يمديه ولهان على سياقة السيارة وريحة البنزيم!!(يعني بنزين)..
وبعد مشاورات ومحاورات قررنا السفر إلى مكة..
وباليوم التالي انطلقنا وطول الخط وجدتي شعيبية تهذري علينا وتضرب لنا الأمثال بعيال أعمامنا وبناتهم وكأن لسان حالها يقول:مالت عليكم ماتجون بظفر واحد منهم!!! وبعد ساعات من التخضخض والترضرض في السيارة وصلنا إلى مكة واستأجرنا ذاك الفندق الراهي المُطل على الحرم...
ولما دخلنا كل واحد فينا رمى نفسه بـ صوب من التعب..
أما جدتي صاحت في أمي:يــــابدرية!
أمي:سمي..
جدتي:اطبخي لنا كبسة!
أمي:شلون أطبخ؟وحِنَّا قاعدين بفندق؟
جدتي:وش قصدك قاعدة بفندق؟على رجليك نقش الحنة؟!
أمي:لا بس مثل مانتي شايفة مافي مطبخ!
جدتي:إيييييييييش؟شقة من غير مطبخ؟!غشوك ياخلف وإنت راقد!عطوك بيت من غير مطبخ..شلون ناكل حِنَّا الحين؟!
أبوي:ههههه..ماعليك يمه بنطلب من الفندق غداء..
طلبنا غداء وأكلنا واسترحنا لين صلاة العصر ونزلنا الحرم..
والحقيقة كانت عُمرة فريدة من نوعها فيها آكشن كثير..
صلينا العصر ثم اتجهنا للطواف...
وعرض أبوي على جدتي إنه يحطها على كرسي متحرك ولكنها صاحت فيه:لييييييييييش؟شايفني عجوز؟!!
أبوي:لا سلامتك من العجز!بغيت أريحك بس!
جدتي:أقول قودني إنت وزياد...وإنتي يابدرية وبناتك وشغالتك امشوا وراي وياويل أحد يتعدانا!!
وبالفعل تعنزت جدتي على أبوي وزياد وهم يقودونها ويطوفون بها والله لايوريكم تمشي على أقل من مهلها أبطأ من أبطأ سلحفاة على وجه الأرض!وإحنا وراها..بغيت أنجن!
قلت لأمي:يمه وش هذا؟لين متى وإحنا بنتم على هالحال؟الناس اللي حولنا صاروا بالشوط الرابع وإحنا مازلنا بالأول!
أمي:وش تبينا نسوي؟جدتك تبينا نمشي وراها!
أنا:ليه؟تنابلة السلطان؟وش أحكام قراقوش هذي اللي ماصارت؟!حِنَّا لو نطاوعها عز الله مابننتهي من هالعمرة إلا الفجر!!!
وعطيتهم مقفاي وسبقتهم..
رند:يالهبلة تعالي..ودك تسوي لك فضيحة بوسط الحرم؟!
لكني ركبت راسي وتجاوزت أبوي وزياد وجدتي وقمت أطوف بكل اجتهاد وماحسيت إلا بعصا على رقبتي بطرفها المعكوف تسحبني!بغيت أختنق!
جدتي:أنا وش قلت؟ماقلت امشي وراي؟
أنا:ايه قلتي قلتي..
جدتي:وليه ماسمعتي الكلام عسى رِجلك العوق؟!
ورجعت بكل خيبة ورا مع أمي وخواتي وهم يضحكون علي..
ريفان:تستاهلين ياأم راس يابس..طيعي جدتك واكسبي الأجر..
وإحنا نطوف مرينا جنب شلة إيرانيات تفوح منهم رائحة الزعفران الإيراني ويدعون بلهجتهم دعوات بصوت عالي يصم الآذان والله العالِم هي دعوات ولا لعنات على من اتبع ملة محمد!!
قالت جدتي:صمخ!وش يبربرون هاذيل؟!
أبوي:يدعون يمه..
جدتي:حتى أنا بأدعي..
وقامت جدتي تدعي بصوت أعلى من أصواتهم:حسبي الله على من ظلمني..
حسبي الله على كل من شافني ولاذكر الله..
حسبي الله على مِن سبني ولاحبني!
أبوي:يمه يمه..وشفيك الله يهديك..ادعي ربي لاتدعين على أحد.
جدتي:ماشاء الله ياولد بطني..حتى الدعاء بتختاره لي؟!أنا حرة وعقلي براسي!!
ويظهر إن شلة الايرانيات انفقعت مرارتهم من بطء جدتي في المشي فقاموا يبربرون عليها ويدفونها..
لكن جدتي مامشتها لهم قمعتهم بعصاها لين قالوا ربنا وربكم واحد!
جاء العسكري وقاموا الايرانيات يولولون..قال زياد:أقول لايكثر هرجكم إنتم غلطتوا علينا وقمتوا تدفون جدتي
العسكري:ماينلامون..جدتكم معطلة حركة السير وأنا مراقبها من أول!
زياد:ياويلك ياجدة!العسكري يبي الرخصة حقتك!
جدتي:أقول يالعسكري خذ هالإيرانيات وإقلعهم بعيد لاخلصت من طوافي علمتك!
العسكري:هذول معتمرين حالهم حالك ياخالة ولهم الحق يطوفون الحين..
جدتي:عجييييييب البيت بيت أبونا والقوم حاربونا!!!!!!!!!!
أبوي:يمه الله يصلحك أي بيت أبونا؟هذا بيت الله ومن حق كل مسلم..امشي امشي الله يغفرلنا جميع..
أما إحنا جانا البلا وصارت حالتنا حالة وإحنا نمشي بالقطَّارة!!
أمي بهمس:خلف...خلف..
أبوي:نعم..
أمي:إرحمنا الله يرحم والديك وجيب لأمك كِرسي..الوقت قاعد يضيع وحِنا باقي في الشوط الثالث..اللي بدوا عمرتهم معانا انتهوا خلاص!!
وقام أبوي وأرسل زياد يجيب كرسي وبعد اقناعات استسلمت جدتي وقعدت على الكرسي......
زياد:ياجدة تكفين ادعي لي..
جدتي:الله يرزقك بالعقل..
زياد:الحمدلله عندي..قولي دعوة ثانية
جدتي:الله يشغلك بدل هالهسهسة ويرزقك بزوجة مدرسة..
زياد:حِنَّا وين والوظيفة والزواج وين؟!
جدتي:والله يعطيك لين يغنيك ولأهلك يخليك ويبتلشون فيك!
انتهينا من الطواف وانتقلنا للسعي وزياد مازال يدف جدتي ويسرع بها أما أنا تعبت كل مامشيت أخذت لنفسي فاصل لأواصل!
وجدتي تهاوش:قومي ياشويشة!وإنتي رفلتن كسلانة حتى عن الطاعة!
أنا:ايه وش عليك..ياامبراطورة زمانك قاعدة ومرتاحة وأخوي يجري بك والهوا يهفك هفهفة!!
جدتي:عز الله إنك حسود..قطيعة في شبابك اللي ماينفعك بريال ماغير تسدح وتبطح على غير سنع!!اتركني يازياد خل شويشة تسوق بي الكرسي!
زياد:ممنوع السواقة للحريم ياجدة!
أنا:تنكِت إنت ووجهك؟بأنادي الشغالة تدفك ياجدة أنا رجولي تعبت!
جدتي:يمين مايدفني إلا إنتي..
وقمت أدفها ورجولي ماعاد تشيلني وأمي وخواتي يتابعوني من بعيد ويتضاحكن وأبوي وزياد يمشون مع بعضهم..
وقامت جدتي تدعي بصوت مسموع:يارب إنت تدري إن البنات هَم وعلى أهلهم غم فأسألك مايجي الشهر الجاي في مثل هذا اليوم إلا وبنات عيالي كلهم متزوجات ومرتزات في بيوت عيال الحلال وعقبها بشهر حوامل بأولاد اللهم آمين...!!!قولي آمين ياشويشة..
أنا:لا ماني بقايلة..وش هالدعاء اللي تقولينه؟!
جدتي:يارب استجيب دعاي كله إلا شويشة خلها تطلع من الحسبة وتقعد بحلق أهلها!!
أنا:أقول جدة؟وشفيك تتعدين على الله بالدعاء ترى ماحد يجوز له يتشرط على ربي ويحدد مواعيد..الدعاء له آداب..
جدتي:وأنا عاد قليلة أدب؟! لابارك الله في إبليسك من بنت..انقلعي ونادي أختك ريفان تدفني..
ورحت أنادي ريفان وقامت تدفها..
جدتي:ادعي يابنت وأنا بأعيد وراك..
ريفان:اللهم اجعل في قلوبنا نورا..وطهرها من الأثام..وجنبنا الوقوع في الحرام..اللهم اغفر لنا ذنوبنا وامحو عنَّا خطايانا..
وجدتي تعيد وراها وتقول آمين..
جدتي:وراك يابنت ماتدعين لنفسك؟
ريفان:دعيت الحمدلله..
جدتي:ماسمعتك تقولين يارب زوجني واسترني..
ريفان:هذا أنا قاعدة في بيت أبوي ومستورة والله يغنيني إن شاء الله..
جدتي:وإنتي تحسبين أبوك دايم لك؟يابنتي اسمعيها مني البنت مثل الشوكة في البلعوم مايرتاح أبوها لين ماتضف وجهها عنه لبيت زوجها!!
ريفان:هذاك بزمنكم ياجدة يزوجونكم أهاليكم عشان يفتكون بس حَنَّا غير أهلنا يحبونا!
جدتي:لا ياشيخة؟!يلا يلا ضفي وجهك والحقي أختك شعيبية ونادي رند!
وأقبلت رند هانم تدف عربية جدتي...
جدتي:أقول يارنيدة لاتزوجتي وين بتروحين؟
رند:تقصدين بشهر العسل؟
جدتي:وش يطلع ذا بعد؟
رند:شهر بنسافر فيه أنا وطروق خطيبي لماليزيا!
جدتي:بل ماليزا بلا خراط ياحبكم لديار الفُنس وشفيها ديرتنا ماتجينها وتعرفين علوم أجدادك؟!فيها من كل ماتشتهي النفس والعين..
رند:ايه صدقتي فيها بقر وغنم وثيران ومين يدري بعد يمكن قرود!!
وانتهت الأشواط على خير وصلينا ووقفنا نقصر من شعورنا وتركب جدتي راسها وتحلف على زياد إنه مايحلق شعره إلا على الزيرو!!
توسطنا جميعاً عندها:ياجدة ياحلوة ياعسل ياقشطة ياتمر هندي لكن أبد مافي فكة..أصدرت عجوزنا أوامرها وقالت بالحرف الواحد:قسم لو مايحلق ولدك راسه ياخلف لأكون متبرية منكم في وسط الحرم!!
ولو تشوفون زياد أبوكعشة جنان كيف راح مكسور الخاطر وحلق شعره تحت قهر السلطة الشعيبية وضغط الوالد!!
سبقناهم على الفندق وصارت علوم بالأصانصير اللي بينه وبين جدتي عداوة متأصلة..
وشوي وأقبلوا زياد وأبوي وروسهم تلمع مثل البطيخ الطازة!!
مسكنا ضحكاتنا على زياد مراعاة لحالته النفسية..
لكن جدتي قالت:ههههه إنت وذا الراس الأصمع والوجه الأمرد ماعاد يندرى وين وجهك من قفاك!
-----

هلا وغلا...
قعدنا بمكة يومين زرنا فيها بعض الأقارب..
ورجعنا لبيتنا سالمين غانمين..
ومرت الأيام وجدتنا الله يحميها مازالت موجودة عندنا والحقيقة هذه أطول زيارة منها لنا..
أقول لكم نظام بيتنا تبدل ولأول مرة في تاريخنا المجيد صرنا ننام بدري ونصحى بدري في عِز العطلة!!
مدري ليه أحس الإجازة مايصير لها طعم إلا بالسهر!!(بس شنشوي حكم القوي على الضعيف)!!
وعاد أبوي مستانس على الأكشنات اللي تسويها جدتي شعيبية كل يوم ويقول:أحسن!جاكم من يربيكم!!
حتى زياد ماخلته بحاله لاعاد يُخرج ولايُدرج مثل قبل..
لين ماجاء يوم وإحنا قاعدين في العصرية نشرب الشاي وقام زياد يهمس لي:أقول؟أشوف العجوز جازت لها القعدة عندنا!أخاف تطلع لنا بكرة بسالفة وتقيم إقامة دائمة!!
أنا:شي عن شي يهون ياأبوالزيد..تقعد هي عندنا..ولاتنقلنا عندها!
زياد(يكلم جدتي):أقول جدتي؟!مااشتقتي للديرة؟!
فهمت جدتي قصده وردت بدهاء:ليش؟ودك تردني لها ياوجه العنز؟!
زياد:لا الله لايقوله..بس غريبة ماحنيتي لبيتك وأحفادك وذكرياتك المُتوجة بريحة مخلوقات الطبيعة..
قامت أمي تغمز له عشان يسكت..!
أنا:يظهر إن جدتي حبتنا وحبت القعدة معانا!
جدتي(بكبريائها المعهود):ماقعدت عندكم حُباً فيكم...لكن شوقاً لولدي خلف..وإلا إنتم رفلات ماصخات لالون ولاطعم!
أنا:حتى أبوي مبسوط عليك أتوقع لو تقوليله قوم الحين ودني الديرة بيطير معاك!
ساعتها حمرت أمي عيونها وأشرت لنا نقوم وراها..
وقمنا وراها للغرفة الثانية وصاحت فينا:إنتم الإثنين!
أنا وزياد:سمي يمه!
أمي:في حياتي كلها ماقد شفت اثنين قليلين الأدب وعديمين التربية مثلكم!
زياد:صدقتي يمه..الغلط عليكم ليش ماربيتونا؟!
أمي:اسكت إنت!!!صحيح لاحيا ولاحشيمة..إنتم ماتفهمون إن جدتكم إنسانة كبيرة ولها حق وواجب إنكم تحترمونها وتقدرونها؟مو تحسسونها إنها قاعدة على قلوبكم!
أنا:يمه هذا الكلام قوليه عن أحد ثاني..جدة شعيبية ماخذة حقها بلسانها وعصاتها وكلامنا مايأثر فيها بالعكس..أحس إنها تستانس على مناقراتنا وردودنا!
أمي:يابنت عيب عيب عليك..هذي حرمة كبيرة ماهي وحدة من ربعك المهابيل.مهما قالت وسوت فيك تحطين لسانك بحلقك وتقومين بواجب الضيافة لها..مفهوم؟!
أنا(على مضض):مفهــــــــوم
أمي(تكلم زياد):وإنت يادلوعة البيت مفهوم؟!
زياد:ايه محفوظ!!!!
أمي:نعم؟وإش يطلع محفوظ هذا؟
زياد:أخو مفهوم!
أمي(بعصبية):ضِف وجهك يلا إنت وإختك يلا..
رجعنا للصالة وقامت جدتي تناظرنا أنا وزياد بنص عين وقالت:يارنيدة؟
رند:نعم ياجدة..
جدتي:كم بقى على زواجك؟!
رند(بلهفة):شهر وأسبوع و3أيام!!
زياد:ماشاء الله..حاسبتهم ياالجنية؟!وكم دقيقة وثانية؟!
طقته رند بذيك التشميقة المعتبرة الصادرة من أعماق العين!!
جدتي:إيه هانت..أنا إن شاء الله بقعد عندكم لين ماأحضر الزواج وأشوفك عروس!
طالعنا فيها أنا وخواتي وفَغَرنَا!!
أما أمي قالت:عاد ياخالتي نبي منك قصيدة حلوة عشان عروستنا!
جدتي:إيه القصيدة زاهبة في راسي مِن قبيل..
أنا(بهمس لرند):هههه ياحليلك يارند ياويلك إن طلعت جدتك على الكوشة واستلمت المايك..يمين لاتقوم الحرب بينها وبين الطقاقات!!
رند(وهي تزمزم شفتيها!):الله يعدي ذيك الليلة على خير!
------ومرت الأيام تليها الأيام وإحنا نجهز لزواج أختي رند وكل يوم وإحنا بسوق أو بمشغل نسوي بروفات لفساتيننا..وكل مرة نتقسم في الروحة للسوق عشان لازم أحد يبقى مع جدتي في البيت..
وطبعاً كل مارجعنا نخبي نص المقاضي اللي جبناها!!لأننا بناخذ عليها موشح ومحاضرات طويلتن عريضة عن التبذير من جدتي اللي مسميتنا أخوات الشياطين!!
وعاد خذوا من التتريق والتطنز على الذهب اللي شرته رند..
ماتسمعون جدتي إلا تصيح وتقول:وين الرشرش؟(معنى الرشرش يابنت المُدن المثقفات السلسلة الطويلة العريضة اللي تغطي صدرك من الرقبة إلى ماقبل الصُرة وكأنها صديري لفارس مقنع أيام العصر الحديدي!!)خوش تشبيه!هههه
وين البناجر..وطبعاً جدتي مايملا عينها إلا لبس البناجر بالدرزن أو اللي يسمونها كاسات اللي تجي إسورة عريضة كأنها علبة حليب نستله ولها مصك من الجنب!
وين الحزاااااام؟؟؟وين الهامة؟؟(الذهب اللي ينحط على الراس!)
أمي:ياخالتي الله يسعدك ماعاد أحد يلبس هالأشياء بذي الأيام؟
جدتي:إيه..لأنكم وجيه فقر!تبون تفشلونا قدام الناس!
رند:أي فشايل ياجدة؟أم زوجي لو تشوفينها شلون متشببة وأنيقة ماتقولين إلا بنت عشرين مع إن عمرها 48 سنة بس..
أمي:وبعدين ياخالة لو قلنا فرضاً إننا بنشتري هالحزام والرشرش والهامة والبناجر اللي قلتي عليها..كم بتكلفنا؟!!!حليلهم بنات هاليومين وش هي مهورهم؟؟!يادوب تكفيهم...
قيمة فساتين السهرة هالأيام أغلى من قيمة الذهب!
جدتي:أقول إنتم بقر هايت ماتدرون وين ربي مسرِح بكم!!ناظروا ببنات عمكم بالديرة شلون الوحدة الذهب كاسيها من راسها لرجليها وتلِق تِلِق لاإله إلا الله!!
رند:ايه الوحدة تِلِق كأنها نجفة ولافتحتي دولابها مافيه غير قطعتين من أبو عشرة وغرشتين عطر أبو فقسة!!
الجميع:ههههههههههههههه
جدتي(وهي تطالع في أمي):ايه وتضحكين مع بناتك يابدروه؟!ماتنلامين..لاعاد البلا في الراس أجل ماأشره على باقي الجسد!!
-------

هلا وغلا..
حان وقت العُرس ..وقبلها بأيام أقبلوا أهل أبوي من الديرة وصار بيتنا يشبه ملعب الكورة من كثر الجماهير اللي فيه!عفواً أقصد الضيوف!
اللي كانوا من مختلف الأحجام والألوان والمقاسات والأعمار!
أما أهل أمي غيـــر... فديتهم حجزوا شقق وفنادق وراحوا فيها..
أما بيتنا فعلاً أصبح حراج.. أعمامي وبناتهم وأولادهم ونسوانهم..نايمين عندنا انكسرت ظهورنا وإحنا نكرف بالمطبخ طول اليوم صرنا مطعم والخدمات24 ساعة..
شاي ..قهوة..فطور ..غداء...عشاء
وماضاع فيها إلا رند اللي صارت تحلم بالخصوصية عشان تنتف وتسوي خلطات وتنقش أياديها والخ....
بس عاد إش نسوي كل الغرف فوضى ومحجوزة حتى غرفتي وأنا بعز نومي صحيت الساعة 10الصبح وأسمع صوت شخير وخرير تحت السرير ظنيته عفريت اسم الله علينا ولكني لقيته المهبول (ردَّاد)ولد عمي عمره 8سنين لكن جني لاإله إلا الله!!
سحبته من شوشته الناشفة النافشة وقلت:هييييه
صحي وقال:خييييييييير ؟!
قلت:إنت اللي خير!وش جايبك تحت سريري ياقليل الحياء؟!
رداد وهو يتمغط:مشبب أخوي أرسلني!!
أنا:عشتوا!!وإش يبي عساه الهم؟!
ردَّاد:قال لي خلك ورا شعيبية وجيب لي علومها!
أنا:أي علوم وأي رياضيات لابارك الله في إبليسك وإبليس شرلوك هولمز اللي راسلك...يلا فارق وإن شفت رجليك هنا حشيتهم حش!
واخترع الولد وراح يجري...
إلا صحيت ثابتة بنت عمي وكانت نايمة على مرتبة بالأرض وجنبها 4مراتب ثانيات نايمات عليهم 4 من بنات أعمامي..
وقالت:خير ياشعيبية؟وشفيك خرعتي الوِرع؟!
أنا:تصوري نايم تحت سريري وقال إيش؟ مشبب راسله يراقبني!!
نطت غالية أختها من الفراش وقالت:إيش؟مشبب؟فديته!!
أنا:وجع!وشفيك تقولينها برومانسية؟من زينه عِرة الشباب؟!
غالية:حرام عليك ياشعيبية..مشبب هذا حلم العذارى بديرتنا!
أنا:أي حلم العذارى واللي يرحم والديك؟طول بعرض وخشن ينقال غوريلا بسم الله علينا!
فزت دعجاء وصاحت فيني:وشفيه لاكان خشن؟هذا الرجال ولابلاش؟وإلا إنتي مايملى عينك إلا المتنعمين من طقة أخوك زياد؟!!
أنا:نعم نعم ياروحي؟؟والله يازياد يسواكم ويسوى شباب ديرتكم كل أبوها..الوحدة منكم تتمنى نظرة منه ولاتطولها!
غالية:ياشيخة لايكثر هرجك..زياد لو تنط قدامه جرادة قعد يصيح ساعة مايعرف شلون يذبحها!!
أنا:ليش؟ناوية تنطين قدامه؟!
الجميع:ههههههه
ثابتة:الحق ينقال مشبب نخوة وشهامة ماشفتيه شلون يذبح الخرفان في العيد والقلب جامد..
غالية:وإلا يوم ينسدح تحت البقر ويشرب حليبها يهبل كأنه طفل صغير!!
أنا:الله الله وش هالمواقف الرومانسية المُعطرة بريحة البقر والخرفان؟!قوموا قوموا الله يلوع أكبادكم خل نسوي الفطور للنسوان قبل ماتاكلنا جدتي شعيبية..واللي منكم خاطرها بمشبب تاخذه عليها بالعافية ماأبيه..بس لازم تلصق بجدتي شعيبية وتطلب رضاها لأنها اشتغلت خطابة بالعائلة الكريمة
وليت الزواجات اللي على يدها موفقة وتفلح!!!!
ردت صهباء:وليش ماتفلح؟ هي اللي خطبت أختي عالية لساهر ولد عمي وهذا هم مبسوطين وعندهم خمس من العيال...وخطبت هَبوب لـ متمم ولد عمنا والحمدلله عندهم هالحين ست وراعين!!
دعجاء:ولاتنسين بعد إنها خطبت لأبوي وزوَجَته وحدة ثانية على أمي ليش إنها ماتجيب إلا بنات!والثانية يوم إنها تسوي مشاكل ...جدتي شعيبية نصحته وقالت:أدِب النسا بالنسا وخذ الثالثة!وخذا الثالثة وكلنا عايشين ببيت واحد تصدقين عددنا 19 أخ وأخت وأبوي مرات ينسى أسمائنا؟!!
أنا:ماشاء الله!ومبسوطة يختي على كثرتكم؟!
دعجاء:إيه والله الأخوان عزوة!قبل كان يسمون أبوي أبو البنات..وهالحين عنده أولاد وبنات عقبال عمي خلف مايعرس!!
أنا:لاتفاولين على أبوي لايجيك شي مايسرك!ويلا ننزل تحت نفطر!!
نزلنا كلنا وريحة البيت ريحة أكلات شعبية وسمن وعسل وبهارات قهوة وتحاويج تقولون بيت عجوز معمرة!!
وكانت الساعة عشرة ونص وآثاري حريم أعمامي وبناتهم وأمي وجدتي قد فطروا من أول وصاحيين من الساعة 8..وأول مادخلنا عليهم المجلس صاحت جدتي شعيبية!!
جدتي:توكم صحيتن يالرفلات؟!أفسدتكن شعيبية؟!
أنا:أقول هم فاسدات من أول بس مالقيوا من يعطيهم وجه ماغير ارتاحي ولاتزعلين نفسك!!
قعدت جنبي ريفان وقالت بهمس:عاد لاتستعرضين مواهبك قدام الضيوف ولاتطولين لسانك على جدتك خلينا مبسوطين قبل الزواج!
أمي:قومي ياشعيبية وياريفان وجيبوا سفرة الفطور عشان اللي توهم صحوا ياكلون..
ويوم جبنا السفرة الا هي زاخرة بجميع أنواع الأكلات الشعبية اللي تنفع للفطوريزينها سمن الغنم وريحة الحلبة والرشاد!
وبما إني لاأحبذ هذا النوع من الأكلات نقزت للمطبخ وجبت لنفسي كيس توست وعلبة جبن ودهنت وأكلت!
زوجة عمي(أم مشبب):ورا ماتاكلين من عيشتنا ياشعيبية؟!
أنا:لأني ماأحبها ولاولفت عليها!
أم مشبب:بكرة إن شاء الله بتولفين عليها لاجيتي الديرة!!
بصراحة بغيت أغص بالساندويتش اللي أكلته!!
همست ريفان بإذني:يظهر إن الجماعة معزمين ياخذونك لمشبب سمعتهم يتكلمون عن هالموضوع!
أنا:على كيفهم؟والله لأسوي فيهم البطيط!وأمي إش قالت؟؟
ريفان:مسكينة وش بتقول قالت:اللي فيه النصيب هو اللي بيصير والبنت بعدها صغيرة..لكن جدتك ماتركت لأحد مجال وقالت البنت هذي دواها الزواج!
أنا:حسبي الله على إبليس!أحد شكالها من العنوسة جدتك هذي؟!ياناس أنا مبسوطة وشفيها كأني قاعدة على راسها؟!

ريفان:أصصصص..قصري حسك لايسمعونك!
------
وقامت أباليس تتنطط براسي وصرت أفكر:لايكون جدتي راسمة خططها وبتوهقني في الزواج غصب عني؟!
ولايكون أبوي بيطاوعها؟أدري به بار فيها ولايمكن يرفض لها طلب!
فقمت أرسم خطتي المتواضعة وقلت بأتغدى بهم قبل لايتعشون بي!!
وبالليل وأنا قاعدة مع بنات العم بالصالة والحريم قاعدين بمجلس الحريم داخل والرجال مجتمعين بالحوش وزياد ومشبب يشوون دجاج ولحم في الهواء الطلق!لمعت بذهني فكرة!!
لمحت ردادوه يحوم حولنا بالصالة ويقزني!!ماكأني هددته في الصبح!
ناديته وجاني يمشي بحذر..
أنا:وشفيك؟تعال لاتخاف!
همست له:وين الورعان؟!
رداد:يلعبون في الحوش جنب الرجاجيل..
أنا:زين بغيت أسألك..منهو أشين واحد فيهم؟!
ردَّاد:وقَّاد أبو خشة أشينهم كلهم!
أنا:ليش تسميه أبوخشة؟!
ردَّاد:لأن خشته تشبه خشة سعيدان اللي بـ طاش!
ابتسمت ابتسامة مكر وقلت:زين جيبه لي!!ولايحس فيكم أحد!
وبالفعل دخل علي (وقَّاد) الله يعافيه ولايبتلينا وعليه سِحنة اللهم ياكافي نص أسنانه وضروسه طالعين برة ولا مِن اهتمام نصهم سوداء ومأكولة من السوس وريحة الفم واصلة المريخ والشوشة خارجة من تحت الكوفية الي أطرافها مصفرة!! وحالة كرْبْ!
سحبته وأخذته لغرفتي فوق وردَّاد يركض ورانا!!
أنا:إسمع ياردادوه..إنت انتظرنا هنا برة في الصالة أنا عندي مهمة بأخلصها مع وقَّاد!!
ردَّاد:وش بتسوين فيه؟أخاف بتاكلين ولد عمي؟!
أنا:لاأعوذ بالله الخوف علي أنا لاياكلني بضروسه!
أخذت وقَّاد وكان عمره لايتجاوز الـ10 سنوات وقلت له:إسمع بأحط على وجهك شوية ماكياج وبعدها بأخليك تروح!!
وقَّاد:إيش؟أقول إنتي مهبولة!
أنا:المهبول إنت!تحسبني بأمكيجك بلاش؟أكيد بأعطيك فلوس!
طالع فيني وقَّاد ولعابه يسيل:فلووووووس؟!
أنا:إيه بأعطيك 30 ريال..وش قلت؟!
وقَّاد:موافق!
وأخذته ورسمت له حواجب بالقلم العريض الأسود فوق حواجبه ووصلتها وطلع شيفة!!وحطيت له روج عووودي وبلاشر وردي فاقع وكحل برسمة فرعونية خطيرة ولبسته فستان من فساتيني وجزمة كعب وشعره فضيحة لذلك لبسته طرحة وخرجت من تحتها شوشته!!
وأخذت كاميرتي الخاصة اللي توصلونها بالجهاز وتحمض الصورة فورياً وصورته!!!
ومانسيت أرمي كل مستحضرات التجميل اللي استخدمتها له لأنها صارت ممتلية بقنابل من الجراثيم على ماأعتقد!!
وبعد ماانتهيت من مهمتي الإجرامية قلت له:إمش ياولد وإغسل وجهك!
وكانت دورة المياه بداخل حجرتي ووقف مسكين قدام المراية والمغسلة يغسل وجهه واخترع من خشته البهية وقام يصيح:وااااااااااااااع وااااااااااي!
أنا:ياولد إغسل وجهك وتحمد الله..غيرك بلاه أعظم!
وقام مسيكين يغسل وجهه وهو مخترع من شكله وقمت أفرك وجهه أبيه يخلص قبل ماأحد يكتشف السالفة..تصدقون إن الولد صار لونه أسمرفااااااتح؟!
آثاري وجهه عليه طبقات من القَلَح الأصلي..ماركة الجودة!!
ورجع كل شي لطبيعته وعطيته فلوسه وفتحت باب الغرفة ولقيت بنات عمي(غالية ودعجاء)واقفات عند الباب!
قامت دعجاء تناظرني بنص عين وقالت:إش كان وقَّاد يسوي عندك بغرفتك؟!
أنا:كل خير!
غالية:حذرتنا أمي من بنات المدن بس ماصدقناها!!
أنا:أقول لايروح مخكم بعيد!صرصور بغرفتي وناديته يذبحه..فيها شي؟!!يارداد!
رداد:نعم...
أنا:تعال!!
وخذيته لغرفتي وقفلت الباب..مسكت الصورة اللي صورتها لوقَّاد وحطيت معاها ورقة كتبت فيها:مرحبا مشبب..أنا شعيبية وهذي صورتي!وحطيتهم بظرف وقفلته!!
وناظرت من الشباك لقيت مشبب واقف يشوي اللحم والدجاج وقلت لرداد:اسمع ياولد هذا الظرف تاخذه وتعطيه لأخوك مشبب وإياني وإياك أحد يدري مفهوم؟!
رداد(بخوف):مفهوم!
وعطيته 10 ريال وخرج من الغرفة..
إلا لقيت دعجاء وغالية مازالوا واقفات عند الباب ويطالعوني بنظرات ذات مغزى!!
غالية:هاه؟وش بغيتي من رداد بعد؟يذبح البريعصي اللي بغرفتك؟!
دعجاء:الله يقطع المدن ويكفينا شر بنات المدن!
أنا:ويكفينا شر عقليات بنات القُرى!تعالوا!
دخلوا غرفتي وعطيتهم نص عطوراتي عشان يسكتون وبغوا يطيرون من الفرحة..
دعجاء:هذي رشوة ياشعيبية؟؟ماعليه مقبولة منك!
غالية:قولي شكراً وإنطمي..لو تفحطين سنين ماشرالك أبوك مثلهم!
دعجاء:صَدَقتِي!!
-----وبالحوش
راح ردَّاد يركض على أخوه مشبب اللي كان واقف ينتبه للشوي وجنبه زياد!!وعطاه الظرف..
مشبب:وش ذا؟
ردَّاد:افتحه وإنت تعرف..
يوم فتح مشبب الظرف وطالع في الصورة كنت أنا أراقبه من الشباك فوق..تصدقون مسكين إلتفت لليسار وتفل تفلة قوية؟!(بيني وبينكم ماينلام التلاعب بوجه وقَّاد كان خطير والمفروض إني كتبت تحت الصورة تحذير:ممنوع مشاهدتها لمرضى القلب والسكري)!!!!هههه
زياد:مشبب؟وش السالفة؟!
مشبب:أبد شفت صورة لوحدة مو من قبايل الإنس!
زياد:هات أشوف!
رداد:لا لا تشوفها شعيبية وصتني!
زياد:وشهو؟شعيبية أختي راسلة لك ظرف؟!
مشبب:إيه بس خلها بيني وبينك لاتفشل أختك قدام الرجاجيل!
وسحب زياد الصورة من بين يد مشبب بكل غضب وقرأ الكلام وفهم قصدي وبغى يموت من الضحك لكن كتم ضحكته!
مشبب:زياد؟يعني السموحة بغيت أسألك سؤال ولاتؤاخذني فيه!
زياد:تفضل..
مشبب:الحين أختك شعيبية هذا شكلها؟!
زياد:إيه وأخس من كذا وأنطل وتراك شايفها بالصورة وهي متزينة وكاشخة كيف عاد لاشفتها على الطبيعة؟!!!بس اش رايك إنت؟!
مشبب:استغفر الله العظيم خلقة الله حرام نعيبها.
زياد:إيه..أجل ليش تحسب جدتك شعيبية قاعدة تخطط تحطها بحلقك وتربطك فيها؟هاه؟هذا لأنها دارية إن مافي أثول بالدنيا بيرضى ياخذها إلا إنت!
مشبب:تِحرم علي ليوم الدين!أنا أبي أتزوج عشان أستر نفسي وأستر بنت الناس ماهو أفضح عمري قدام مخاليق الله!
زياد:أجل إستر ماواجهت ولاتعلم أحد بالسالفة..
مشبب:أفا عليك ياولد عمي..هذي بنت عمي واللي يمسها يمسني وعهدٍ علي ماحد يدري باللي صار بيني وبينك!بس أتذكر إني قد شفتها زمان بالديرة ماكان هذا شكلها؟!
زياد:ياخي البنات بسبع وجوه..كل ماالوحدة كبرت وصارت مَرَة..تغيرت معالمها!
مشبب:إيه صح..كل شي جايز بهالزمن!!
-------
إتصل علي زياد وقال:قابليني عند الباب الخلفي للمطبخ!
وحطيت يدي على قلبي وقلت:خير اللهم إجعله خير عساه درى بالسالفة!
ويوم قابلت زياد إلا استقبلني بضحكة مجلجلة وهو يقول:فديت قلبك ياشوشو ليتك مسوية نسخة ثانية من هالصورة ومعطيتها ليقظانة بنت عمي رهجان عساها تكرهني طول العمر!!
أنا:هههههه ليه وش قال مشبب؟!
زياد:مسكين اخترع وهذا وجهي إن ماصابه عُقم من الصدمة!!
أنا وزياد:هههههه
--------

ليلة ماقبل العرس بدأت حالة الاستنفار في بيتنا جميع البنات قاموا يتسنعون..
رند وريفان قافلين غرفتهم والنقَّاشة(الحناية) تحنيهم...
وأنا قاعدة أسوي ماسك وأحطه على وجهي..وبنات أعمامي يفركون أسنانهم بالديرم يقولون يبيض الأسنان ويحطون مخلطات زيوت على شعورهم!
شفت غيفة نزلت المطبخ وقعدت تحوس بالثلاجة وبعدين أخذت علبة مايونيز وفتحتها وجابت ملعقة وقاعدة تغرف!!
أنا:الله يحوِم كبدك بتاكلين مايونيز سادة على الصبح؟!
غيفة:لا يالخبلة ماأحبه..بس صديقتي بالمدرسة تقول يلمع الشعر وينعمه!
أنا:يختي مستحضرات الشعر مالية الصيدليات والأسواق وإنتي قاعدة تلعبين بنعمة الله؟!
غيفة:كل شي طبيعي أزين!وبعدين من زين طعم الماينيز يوم تاكلونه!خل أستغله بشي مفيد أحسن!
وعاد زوجات أعمامي محنيات أياديهم من يوم هم بالديرة..لكن جدتي شعيبية بعدها ماتحنَّت..وأشغلتنا:حنوني حنوني!
وبنات عمي جايبات طاسة كبيرة وعاجنين فيها حنة وقاعدات يحنون أصابيعهم ومن زود الكشخة يسوون دائرة بنص الكف!! لا وحاطين ديتول مع الحنة!
أنا:الله الله..ديتول مع حنة؟!ليش؟تعقمونها يعني؟
ثابتة:لا يالذكية عشان الحنة يغمق لونها!
أنا:ياسلام..طيب وشب الحنة ريحتها فايحة كذا؟
دعجاء:حطيت عليها دواء الحنة..
وأخذت نفسي ورحت غرفة ريفان ورند ولقيت المنقشة تنقش أياديهم..
همست لرند:غريبة غيرتي رأيك وحطيتي نقش؟مو كنتي تقولين بأركب أظافر في الصالون؟!
رند:عاد إش أسوي؟طارق إتصل فيني مخصوص وقال أبي أشوف الحنة بأياديك!
ريفان:تنقشي معانا..
أنا:لا يختي..أحسه مايناسبني أبد!تخيلي عاد ألبس بناطيل وتي شيرتات وإيديني منقوشة؟ماتركب أبد!!
رند:شلون بنات أعمامنا مونسينك في الغرفة؟!
أنا:أي وناسة؟إلا ياحظكم إنتم قاعدات لوحدكم تنتفون وتتدلكون أنا غرفتي مقلوبة فوق تحت فيها درزن والدرازن الباقية قاعدات في صالة فوق والبزارين والأمهات تحت!الصراحة وحشوني بنات خالاتي وخوالي ودي لو إنهم هم اللي معانا..
ريفان:يلا هانت.. بكرة العرس وعقبه أكيد الكل بيسافرون..
أنا:ياحليلك يامتفائلة إنتي..هذا إن مالزَّم عليهم أبوك وحلف يقعدون أسبوع زيادة!
رند:وااااي تحزنون إنتوا الثنتين أنا بكرة بتبدأ حياة الحرية عندي وأفارقكم وأنبسط مع طروقتي!!
أنا:طبعاً وش عليك ياعروس؟قاعدة ومرتزة و لك شهر ماشلتي منديل عن الأرض حتى!أما أنا لو شفتوا غرفتي كل شي تصادر فيها يستخدمون عطوراتي ويتقايسون ملابسي ويحطون من ماكياجي!!آه بس ياحسوفتي على مكياجاتي اللي رميتهم أمس بعد وقَّاد!!
طالعوا رند وريفان ببعض باستغراب وقالت ريفان:وش علاقة وقَّاد بمكياجك؟!
حكيت لهم السالفة وقعدوا يضحكون حتى النقاشة ضحكت معاهم..
رند:هههه يازينك ياشعيبية إنتي وسوالفك بتوحشني مغامراتك يابنت..لكن إنتي شدي حيلك وتخَرَجي من الثانوي وأنا بأتوسط لك عند طارق يغصب أخوه الصغير (ماجد) يجي ويخطبك!!
ريفان:لاحرام لاتغصبونه دُفوه بكم فِلس وهو بيجي يخطبها على طول!
الثنتين:ههههه
أنا(باستهزاء):ههههه..لاتتطنزون عندي إحساس قوي إن حظي بيكون فوق فوق وبآخذ واحد له ثقله ووزنه!!
رند:أثقل من مشبب؟!ماظنتي بتلقين!هههههههه
عطيتهم مقفاي ورجعت غرفتي لأجد روايح تكتم الأنفاس غالية وصهباء تحمموا وأقبلوا يتعطرون بمخلطات مادري من أي بلد جابوها!
أنا:وش هالروايح؟ الله لايحرمنا من ريحة الجنة!
دعجاء:تقصدين ريحة الحنة ولاالزيوت؟ولا المخلطات؟!
أنا:وش دراني عنكم وإنتم خلطتم الحابل بالنابل!يلا يلا شيلوا قرابيعكم وإنزلوا تحت غرفتي يبي لها شهر عشان تتهوى وتتعقم!
أخذوا طاسة الحنة ونزلوا عند الحريم يكملون..
شافتهم جدتي شعيبية وقالت:وش جابكم؟!
صهباء:هذي شعيبية طردتنا من غرفتها تقول كتمناها بريحة الحنة!
جدتي:عشتوا!من زين ريحة البلا اللي تدهن به أظافرها ثم تشيله ببلا ثاني ريحته أخس وأنطل!نادوها!!
نزلت أشوف وش تبي جدتي الحبيبة..
ناظرتني بنص عين والمجلس مليان بنات وحريم أعمامي..ومدت رجليها وقالت:بنت ياشويشة؟!
أنا:هاه!!
جدتي:هوا يرفعك ثم يرمي بك!قولي نعم!
أنا:نعم ياجدتي..
جدتي:وش تشوفين قدامك؟
( وتأشر على رجولها)
أنا:أبد سيقان حلوة وزايدها حلا سروال خط البلدة المخطط بألوان الطيف!
جدتي:ماأتكلم عن سيقاني(وقامت تأشر على أقدامها بعصاتها)!
أنا:تقصدين أقدامك؟اشفيهم؟تبين أهمزهم لك؟!
جدتي:لامشكورة..لكنهم متقشرات ومحرشفات وأبيك تحنينهم لأجل يطرى الجلد ويبرد!
(نضرة) بنت عمي:أنا بأحنيهم لك ياجدة مثل دايم!
جدتي:اقعدي يابنت إنتي ضيفة حلفت مايحنيني إلا شعيبية!
أنا:معليش ياجدتي بس تدرين ورانا عرس وأبي أحافظ على نظافة يدي عشان بأركب أظافر بكرة..
جدتي:وش علي أنا من سوالفك؟هاه؟تعالي وحني جدتك وشمي ريحة الحنة وش زينها أحسن من المصايب اللي بتحطينها على مخالبك!!
قامت أمي تغمز لي بأن أطيعي أوامر جدتك..
أنا(بصوت خافِت):يمه بينعدم لون يدي من الحنة ماعندنا قفازات؟
أمي:مايخالف لاانعدم لون يديك انقعيهم بكلوركس!!وقفازات ماعندنا!
وبالفعل قعدت أحني رجلين جدتي اللي كانت بقمة الخشونة وممتقشرة حيل..وماصدقت إني انتهيت وجيت أقوم..
إلا صاحت فيني:ياشويشة!تعالي وحطي لي قبضة!
أنا:وشهي قبضة ذي؟!تقصدين أعطيك كسوة؟!ماعندي إلا الفلس ترى!
والمجلس يضحكون علي!
جدتي:تستهبلين إنتي وخشتك؟ماأخس من زياد إلا انتي! تعالي يابنت خذي قبضة من الحنة وحطيها بقبضتي وأنا بأصك إيدي عليها!
أنا:وليش عاد هالخزعبلات؟لايكون في السالفة خرافات ومعتقدات؟!
قاموا يضحكون علي ..
وحدة من حريم أعمامي:ياحليلها بنتك يابدرية جيبيها عندنا الديرة نعرفها بكل شي..
جدتي:ياالثولة بأتحنى قبضة يعني كأنك بتعطيني مُد رز..
أنا:وليش عاد؟الحقي على منقشة رند وهي تزين أياديك..
يقظانة:الله يقطعها منقشتكم ذي بغيتها تنقش أيادي ورجلي قالت الرجلين بـ50 واليدين بـ 50!!
كم وحدة من حريم أعمامي:يووه وش هالأسعار؟على بالهم الفلوس نغرفها من بحر؟!
غيثاء(بنت عمي):إن شاء الله لارحنا معاك بكرة للكوافيرة كم بندفع؟!
أنا:إيش إيش؟ماسمعت!مين اللي بيروح معانا بكرة؟بكرة أنا وأمي وخواتي بس اللي رايحين...الصالون زحمة وحنا حاجزين عندهم من شهر..أما إنتم الله يقويكم شوفوا لكم صالون ثاني!
وحدة من زوجات أعمامي:حِنا مثل ماتشوفين ياشعيبية كلنا لابسات على رووسنا الشيلة ومانحتاج كوفيرة ولاخرطي ووجيهنا الله مغنينا بالإثمد نكحل به عيوننا وندهن وجوهنا فازلين وتصير تلِق مثل اللمبة!
جدتي(وهي تناظر بأمي بنص عين):والجمال رباني ماشاء الله ماهو مثل بعض ناس زوجوا بناتهم وباقي لهم نفس يتصبغن ويتلونن!
وحدة من زوجات أعمامي:بنرسل بناتنا معاكم يابدرية يتصلحن بس بـ كم؟!
أمي:الصالون اللي حنا رايحين له يسوي التسريحة والماكياج بـ500 ريال!
شهقوا حريم أعمامي وبناتهم شهقة جماعية تقولون متفقين؟!
جدتي:يوووووووووووه وعسى خلف ولدي اللي بيدفعها؟!والله مايحط فيكم ريال..ادفعيها من راتبك يابدرية ولااقعدي في البيت إنتي وبناتك أبرك لكم!
عاد أمي تعرف طباعهم لذلك تطنش كل مايقال وتشتري راحة بالها..بس أنا أبد كل ماقالوا كلمة حسيت إني أشتب!
أنا:وخير لادفع ولدك خلف ياجدة؟أبونا وملزوم فينا!!!
جدتي:وأنا مازوَجته أمكم عشان تِطيِر فليساته..لو تحبونه صحيح توفرون عليه وتحافظون على ماله لكن ماش!!لاعقل يفقه ولاإذن تسمع!!
أنا:والله هذي أسعار المدن..
جدتي:واللي يسمعكم يقول من زين الخشش اللي بتطلعون بها على الناس...باقي يطلعون بنات أعمامك وزوجاتهم قماري جنبكم وإنتم اشبعوا فشيلة!!
-----
----------الله المستعان!

عُدنا والعودُ أحمدُ وعبدالعزيز وسالم!!
مرت اللحظات وأهم مافي الموضوع إن جدتنا شعيبية تحنَّت وعليَّ ماحنَّت!!
والبيت معفوس نستعد لبكرة يوم العرس..
واجتمعوا أعمامي وأولادهم بمجلس الرجال وأحيت الجلسة جدتنا الموقرة اللي دخلت عليهم كاشخة بحنتها.. ومتروشة وشيلتها تفحفح بريحة البخور!
زياد(البكاش)قام يرحب فيها أمام الجميع:هلا والله ومية هلا وش هالكشخة ياجدة ظنيتك العروس!!
جدتي:قسم إني أحلى من عروسكم اللي مخططة إيديها بـ نقوش كأنها ثعابين متسلقة شجر!!
وقعدت معاهم وألقت محاضرتها الشهيرة اللي كان أهم ماجاء فيها:
(كل واحد منكم ياعيالي عنده فرقة من البنات والأولاد...وهم البنات لين الممات وأما الأولاد فخر وأمجاد!ماأنصفتينا ياجدة من زين ورعان العيلة مدري وش صنعوا من أمجاد!!
وجمعتكم هذي جَمعة خير واللي يبي يخطب لايرده إلا لسانه!)
قام عمي(أبومشبب) يتلفت وقال:بغينا بنتكم شعيبية لولدنا مشبب ياخلف!
وقام أبوي يبلع ريقه وجاء يرد لكن مشبب سبقه وقال:الله يرزقها باللي يصلح لها أما أنا ماأبيها!!
ضج المجلس بالأصوات...
عمي أبومشبب:وإش هالكلام ياولد؟السالفة لعب عيال؟!
مشبب:لاالسموحة يايبه بس ماأبي أتزوج من بنات المدن!
عمي أبومشبب:إن كانت شعيبية من بنات المدن ..فأبوها خلف اللي تربى وعاش في الديرة يآكل الكبد الني والحنش وهو حي!!
مشبب:وأنا قلت ماأبيها ولا أبي غيرها!!
عمي أبومشبب(بعصبية):وتكسر كلمتي ياولد؟!!
أبوي:أقول إقصروا الشر..تتعازمون على بنتي وأنا قاعد؟!!
جدتي:وليش ياخلف؟عندك راي ثاني؟بنتك مهبولة ومايناسبها إلا مشبب يأدبها ويعلمها السنع!!!
مشبب:ويوم إنها مهبولة ياجدة تبين تقطينها بحلقي؟!يمين ماآخذها!
أبوي:أنا بنتي مهبولة؟!مايخالف...مادام هذا رايكم فيها فأقسم لكم إني ماراح أزوجها أي شاب من شباب العايلة!
جدتي(وهي تأشر بعصاتها):موب على كيفك!بناتك كلهم زوجتهم من عيال المدن وصاروا ماصخات فاصخات مايعرفون ديرتهن ويستعرن منها..فخل ختامها مسك وعَطْ شعيبية لـ مشبب!
مشبب:قلت ماأبيها..
أبوي(يبي يتهرب):علم ٍ يوصلكم ويتعداكم شعيبية خاطبها واحد له ثقله وأنا وعدته خير..ومثل ماقلتي يمه كل واحد عنده فرقة من البنات ومشبب ماقدامه إلا يطب ويتخير من بنات أعمامه الثانيات!
مشبب:صح لسانك ياعم..بنات أعمامي الثانيات يكفِن ويوفِن!!
وقام عمي يقظان يطالع في زياد بنص عين وقال:وإنت ياولد مانويت تخطب؟!
زياد:ليش بسم الله؟تو الناس!مابعد كملت دراستي؟!
جدتي:لا هذا اغسلوا إيدكم منه..خله جنب أمه يرضع!
ضحكوا الجميع عليه وتضايق ثم طلع الحوش واتصل فيني..
زياد:شوشو؟تعالي إنتي وأخواتي من باب المطبخ الخلفي صار لكم وحشة ماعاد جلست معكم من يوم أقبلوا ضيوفنا وانحرمت من غرفتي وصرت أنام مع العيال بالملحق!
أنا:ابشر..
وجمعت خواتي وطلعنا من الجهة الخلفية للحوش وقعدنا مع زياد وكانت معانا ضي هي وبنوتتها الصغيرة...
أخذها زياد وقام يلَعِبها...
زياد:وشفيك ياشعيبية ريحتك فايحة؟وش ذا؟
أنا:هذي طاسة كلوركس بعيد عنك وناقعة يدي فيها!
زياد:وع ياريحته..ليش؟
أنا:لأن إيديني صار لونهم برتقالي عقب ماحنيت يدين ورجول جدتك وبكرةالزواج!!
زياد:على طاري جدتك فاتك وش صار!
أنا:وش صار؟!
وحكى لنا زياد عن أحداث المجلس..
أنا:فكة من هالمشبب...وقالوا عني مهبولة؟!خلهم يقولون عشان ماحد يتجرأ يوطوط على باب بيتنا منهم ويخطب..بس ماقلت لي منهو هالعريس الراهي اللي بيخطبني؟!
زياد:مافي لاعريس ولايحزنون..هذي تصريفة من الوالد...
ضي:ياحليلك ياشعيبية ودي أشوفك اليوم قبل بكرة عروس..ماني متصورة منهو هالمضروب على عينه اللي جماعته داعيين عليه عشان ياخذ وحدة مثلك!!
أنا(بعصبية):زين قولي آمين..
ضي(ببراءة):آمين..
أنا:جِعل بنتك شهد تقعد بحلقك وماتلقى أحد يتزوجها إلا ولد مشبب في المستقبل!!
ضي:وااااي حرام عليك!
رند:صدق لاقالوا العرق دساس وشفيك يابنت صار كلامك ومزحك كله ماينطاق كأنك صورة مصغرة من جدتك؟!
ريفان:على الأقل جدتي ينقبل حكيها لأنها متأثرة بجفاف البيئة المحيطة لكن إنتي ياشعيبية بنت المدن والمدارس المفروض تكونين هينة لينة!!
أنا:أشوف قلبتوا علي؟!ترفقوا فيني تكفون... بكرة المعركة جاية في الطريق!!
الجميع:أي معركة؟!
أنا:معركة جدتي شعيبية معانا في العرس!!
زياد:هههه الحمدلله..إنها ماتقدر تدخل قسم الرجال..يلا خليها تسوي لكم شوية آكشن في العرس!
------
ملحوظة:إن تيسرت أموري كتبت عن جزء زواج رند..
وإن ماحصل خليها بعد العيد..
بس بالله لاتنسوني...

هلا من جديد...
أقبل يوم العرس وصحى البيت كله جاب أبوي ذبيحة للضيوف اللي تارسين البيت تغدوا وبعد الظهر تجهزت أنا وأمي وخواتي للذهاب للصالون..
جدتي:وين رايحة يابدرية؟هالحين من صدقك بتتركين ضيوفك بالبيت عشان تترسين وجهك صباغ؟!!
أمي:ماعليه ياخالة البيت بيتكم وقهوتكم جهزتها ..والشاي الشغالة مابتقصر فيه...وبأحاول أخلص بسرعة وأرجع لكم..
جدتي:خلي وحدة من بناتك على الأقل..
أنا:لااااااا؟أقول جدة..ترى الليلة عرس إختنا ونبي نكشخ ونفلها فالله يرضى عليك لاتخربينها!!
طالعت فيني جدتي بنظرة حسيت من خلالها إنها تقول بصدرها:هي خاربة خاربة لكن اصبروا علي في العرس....أحوسكم حوس!!!
رحنا وتسنعنا وتضبطنا تصدقون يوم طالعت نفسي بالمراية ماعرفت مين أنا؟!
الحقيقة حسيت نفسي عروس ولكن ينقصني العريس اللي يستاهل هالجمال الرهيب!!
خلصونا المغرب وبقيت رند قالت الكوافير إنها على صلاة العشا بتكون جاهزة..انتظرت معاها بالصالون كمرافقة وأمي وريفان رجعوا البيت وضي بعد رجعت بيتها..
وبعد سويعات كنَّا في طريقنا لقاعة الأفراح...
أصروا أعمامي نسوي موكب بالسيارات لين نوصل القصر لكن أبوي قال لهم ماله داعي إحنا بمدينة وبنلفت الأنظار!!لكن لاحياة لمن تنادي ارتصت جميع السيارات ورا بعض وسدوا الشوارع وأزعجوا خليقة الله بالبواري:طاااااط طيييييييط طوووووط طمبروط!
(حلوة طمبروط صح؟هذي من عندي)!!!!
المهم سووا ضجة مافرقهم إلا عساكر المرور الله يحفظهم!!
واحد من أعمامي:ورانا عرس ونبي نزف عروسنا وأنا بن عفيسان وش دخلكم؟!
العسكري:ياخي منت بأحسن من الملك!اللي لامشى بموكب ماسمعنا صوت الطوطوة حقتكم!!تسهلوا!
ووصلنا بعد جهدٍ جهيد للقصر وأنا أصيح في السيارة ارفعوا المكيف تسريحتي وماكياجي بتخرب!!
رند:اسكتي بالله أنا العروس وماتكلمت!
ووصلنا ونزل الجميع وجينا ندخل للقاعة ولكن جدتي وقفت عند الباب ومنعت الدخول بعصاتها!!!
أمي:وشفيك ياخالتي؟ابعدي خلنا ندخل!
جدتي:ماحد بيدخل لين يكتملون الجميع ثم ندخل على الناس!!
أنا:وليش إن شاء الله ندخل على أهل المعرس فوج؟تبينهم يخترعون؟!!
جدتي:والله مابيخرعهم غيرك إنتي ووجهك الملون مثل حلاوة العيد ياكافي!
همَسْت لريفان:بدأت بطولات جدتك!
ريفان:لا وإنتي الصادقة بتبدأ بعد شوي لاشافت فستانك!!
وتخيلوا وقفنا كلنا في مدخل القاعة وأهل العريس يبونا ندخل ورند مسكينة واقفة معانا ودها تطع لغرفتها المصورة بتوصل في أي لحظة وماودها إن الناس يشوفونها إلا بالزفة لكن جدتنا مسوية حظر تجول!!وبعدها طلعوا الطِيران حقتهم وقاموا يطقون!
وعاد جدتي قايدة الفرقة هم يطقون وهي تقصد مافهمت منها غير كلمة:يالالا يالالا!!
ودخلنا داخل واكتملوا زوجات أعمامي وبناتهم وبزارينهم اللي قلبوا القاعة ساحة رياضية لممارسة الركض بين الطاولات ولعب الغميمة وواحد طش تحت الكراسي!!!وأخذوا جولة على الطاولات يفكون الصحون وياكلون مابداخلها ويتركونها...بس ماعليكم أنا أعجبكم طرت وراهم وطِحت فيهم تقريص وتفريص!!
وفشلونا من أهل العريس اللي كانوا ذوق!
وعاد بنات أعمامي 7 منهم مشترين طاقة قماش ومفصلينها نفس الموديل ينقال كشخة!!وفاردات شعورهم وحاطات روج أحمر وبلاشر وردي فاقع لاوفساتينهم مشجرة بجميع الألوان الموجودة على الكورة الأرضية ماعدا اللون الأحمر والوردي!!!!!!!!
وكما تدين تُدان التفريص اللي فرصتهم إياه رجع فيني من جدتي!!
فستاني كان مكشوف من فوق بس معاه شال....
نادتني أمي:شعيبية..استري كتوفك وراك حاطة الشال ديكور؟الله يرضى عليك أنا مو ناقصة ألسنة زوجات أعمامك ودعاوي جدتك علينا!!!!
أنا:إن كان على زوجات أعمامي فما عليك منهم.. بناتهم لو أحد معطيهم وجه كان طلعوا من ملابسهم!!وأما دعاوي جدتي فلاتخافين منها ..أصلاً جدتي وش عندها طول اليوم من شغلة غير تدعي على الجميع وإلا تخبطهم بعصاتها..والحمدلله إن دعاويها مو مستجابة وإلا كان لقيتي نص العيلة عندهم عاهات مستديمة!!
أمي(بغيظ):الله يعين ويعدي الليلة ذي على خير!!
ومامداني ألتفت وراي إلا تستلمني جدتي بذاك التفريص والتقريص في كتوفي ويديني!
وهي تقول:أخذ الله أمٍ جابتك وماعرفت تربيك!خارجة علينا عارية ياقليلة الدين؟!!
أنا:ياجدة حرام عليك أنا وش بان مني غير كتفي ويديني؟!!
جدتي:هاه؟أجل وش تبين يبان أكثر يالنسرة؟ودك تطلعين علينا بكراعينك؟!!
أنا:بس ياجدة أنا ماسويت شي...شوفي الناس اللي بالقاعة شلون لابسين والله إني أستر منهم!!
جدتي:وش علينا منهم الله يخسف بهم؟إنتي بنتنا وملزومين فيك!!
تركت جدتي ورحت لريفان اللي واقفة مع بنات خالي ويضحكون علي من بعيد!
نجود(بنت خالي):هههه ياحليلك ياشعيبية تكسرين الخاطر إنتي وهالكدمات اللي بيدينك!!
ريفان:ماعليكم شعيبيةاستجلدت وتعودت على علقات جدتي!!
بنات أخوالي:هههههه
وبدأت الطقاقة تطق والصوت يلج بأنحاء القاعة وجدتي تصرخ:خل هالمغنية اللي تنبح علينا ترخي صوتها!!
ونادتني جدتي:روحي لهالعنز وقولي لها تراك أزعجتينا إخفضي صوتك!!
أنا:وشهو اللي أخفض صوتها على بالك تلفزيون؟؟والا بأروح أقول لها جدتي منزعجة هَدِّي اللعب؟!
جدتي:إلا فيه ناس باطين كبدي وشكل العصا بتلعب على ظهورهم بعد شوي!!
ونادت أمي...
أمي:نعم ياخالة؟!
جدتي:قولي للي قاعدة تدندن فوق رووسنا تحط لسانها بحلقها وأنا وحريم العيال بنطلع ونطق طيران ونقول قصايد!!
أمي:لا لا جزاكم الله خير ومجملين ومشكورين خليكم بمكانكم...هذي المطربة مدفوع عليها فلوس وجايبينها أهل العريس مايحق لنا نتشرط عليهم..

نستكمل ماصار في عرس رند...
قامت جدتنا المصون وتوجهت للمنصة مباشرة وقعدت على إحدى الكراسي فوق خوش قعدة ولاقاضي بمحكمة!!
ومعها عصاتها(رفيقها الدائم في الحل والترحال!)..
ماخلت بنت في حالها كل مارقصت وحدة أخذت نصيبها من عصات جدتي شعيبية!
وأقبلت أم العريس..
أم العريس:وشفيك ياخالة ماخليتي أحد يرقص؟!
جدتي(وهي ماسكة عصاها بإيديها الثنتين وتدق بها على الأرض):ماهم مستترات هالبنات!رضينا بهم وهم قاعدات على الكراسي أما تطلع الوحدة وتستعرض بلحمها وتنفض شحمها قدامنا؟فهذي قلة الحيا بعينها!
أم العريس:ماعليه..هذا عرس والكل يبي يستانس ماعزمنا خلق الله عشان نزعلهم..
جدتي:بكيفنا..هذا عرس بنتنا!!
أم العريس:وعرس ولدنا بعد!
جدتي:ولولا بنتنا ماتزوج ولدكم!
أم العريس:ليش؟بنات الحلال كثير..بس ماأقول غير الله يهديك..
جدتي:إييييييييش؟الله يهديني؟شايفتني مجنونة و لا كافرة؟!
واحتد النقاش وراحت ريفان تنادي أمي تفض الاشتباك..
أم العريس:عموماً ماراح أكثِّر معاك كلام لأني أعتبرك حسبة أمي.
جدتي:ايش ايش؟أنا حسبة أمك؟!إلا قولي حسبة إختك!ماهقوتي بيننا فرق بس الله يخلي هالأصباغ اللي معبيتن بها وجهك!!
أمي:ياجماعة الخير هذا عرس..والمعذرة ياأم طارق على اللي جرى..وإنتي ياعمتي شعيبية تفضلي معاي واشربي القهوة وتونسي..
جدتي:وع من قهوتهم!شغالات القصر مصلحينها لو فيك خير كان جبتي ثلاجة القشر معاك من البيت!!!!
أمي:مايخالف..
وأخذت أمي جدتي ونزلت بها من المنصة وقعدتها على أقرب طاولة مع زوجات أعمامي..
وراحت أمي تقعد مع أهلها على طاولتهم..
وحدة من خالاتي:بدرية؟وشفيها عجوزكم عاقدة النونة ومعصبة؟!
أمي:هذي العادة ياسعادة!ماغير الله يعدي الليلة ذي على خير..
أنا:إلا لو العرس بالديرة كان يمدي الضحكة شاقة الخِشة!!
زوجات أخوالي:وش هالكلام ياشوشو؟
أمي:هذا حالها الست شعيبية لاتكلمت عن جدتها تتكلم بقلة إحترام..
أنا:يمه وشفيك؟هبلت فينا من يوم ماجت..طالعي كتفي وذراعي شلون صايرين طاحت فيني تقرص وماخلت أحد ماتهاوشت معه..خانقت الطقاقات وخبطت بنات الناس وتهاوشت مع أم العريس وكل مامريت من جنبها رمت علي سبة من سباتها اللي خُبرك!!
أمي:ولو..تظل جدتك وفوق راسك لاأسمع إنك طولتي لسانك عليها خلونا في ساعة رحمن ماإحنا ناقصين فضايح
وشوي إلا جدتي مقبلة على الطاولة اللي أمي قاعدة عليها و بـ عالي الصوت قالت:وشفيك يابدرية تاركتنا لحالنا وقاعدة مع أهلك؟!مانشرفك؟ولا حِنَّا مو من مستواك؟!
أمي:لا العفو ياعمة..بس قلت أجامل جميع الأطراف شوي هنا وشوي معاكم وشوي مع الجيران والصديقات..
وقامت خالتي ومدت كرسي لجدتي تقعد عليه..
قعدت جدتي وقالت:وين عشاهم؟من يوم دخلنا وهم يباشرون علينا بعصير!
أمي:ليه ياعمة؟على كل طاولة فيه ترامس للشاي والقهوة وسبتات ضيافة ماأكلتي منها؟!
جدتي:يارب لك الحمد والشكر هذي النعايم اللي حاطينها لاتسمن ولاتغني من جوع..ومعدتي قامت تحرقني مامعكم حليب السعودية؟!!
كتم الجميع ضحكتهم..
وسولفت جدتي شوي مع أهل أمي ثم قامت وهي ماشية بإتجاه طاولة زوجات أعمامي كان فيه ولد صغير يمشي وبيده علبة حليب السعودية وقاعد يشفط بالمصاص وكأن جدتي غلبتها رغبتها وأخذت الحليب من الولد وقعدت تشربه!!!!!
وراح الولد يصيح عند أمه..
وطالعت أمه بجدتي شعيبية وقالت بعصبية:عيب عليك ياخالة كيف تاخذين الحليب من ولد صغير؟!
جدتي:معدتي تحرقني يابنتي...
أم الولد:شايفة شلون الولد يصيح؟من وين أجيب له غيره؟
جدتي(بعصبية):وأنا اش أسوي لك؟أعطيك قروش؟سرقنا جمل منك؟كلها علبة حليب راس مالها نص ريال..وراكم بخلاء كذا ياأهل المدن؟!
وعاد بنات عمي مسويين حزب يقومون مع بعض ويقعدون مع بعض ولاكأنهم يعرفوني وينامون معي بغرفتي!!
وأنا قاعدة مع بنات أخوالي وخالاتي..
إلا سارة بنت خالي تقول:واي بنات أعمامك فلة ليش ماتنادينهم يقعدون معانا نتونس عليهم شوي؟!
أنا:قصدك تضحكين عليهم وتتمسخرين صح؟!! استريحي استريحي..
دانة:بصراحة أشكالهم تحفة كلهم مطقمين بنفس القماش والموديل وقاعدين وكأن على رؤسهم الطير..
أنا:مو الله يسلمك الفكرة السائدة عندهم إن بنات المدن متحررات فخايفين على أنفسهم وقاعدات بروحهم بعيداً عن الاختلاط بغيرهم خوفاً من انتقال العدوى إليهم!!!!
-----
كانت أجواء الزواج ممتعة ولكن لاتخلو من المفاجآت الغير متوقعة من جدتي شعيبية اللي أصرَّت تطلع لغرفة رند فوق...وبعد جهد جهيد دخلت على رند اللي كانت قاعدة تتصور مع زوجها والمصورة تقول:أيوة أيوة يمين كدا خُدها في حضنك شوية..أيوة برافو ابتسمي وغمضي عينيكي ياعروسة!
وجدتي بس شافت هاللقطة المشفرة دبت فيها العافية وقوة سوبر مان وشحطت المصورة بعصاتها وقالت:أخذ الله عقلك ياقليلة الخاتمة تعلمين عيالنا قلة الحيا؟!
وإنتم يالماصخين؟ماصدقتوا حد يضيعكم و ضعتوا معه؟!
رند:علامك ياجدة؟هذا زوجي!
جدتي(باستهزاء):لا والله؟حسبته أخوك! زوجك ببيتك يارنيدة ياضايعة!قعدت 25 سنة مع عفيسان وعقبها بديت أتجرأ عليه وإنتي ماصدقتي تشوفين رجال خقيتي عنده؟!!صدق اللي استحوا ماتوا!
العريس:هههه حياك ياجدة..أكيد إنتي جدة شعيبية صح؟!
جدتي:ماشاء الله..وعرفتها لحالك ذي ولا غششتك رند؟!
العريس:لا ..حكت لي رند عنك كثير
جدتي:وعساها قالت عني خير؟!
العريس:أكيد..أكيد..
المصورة:ايه ياجماعة حنكمل تصوير؟ولا ايه؟؟
جدتي:أقول انثبري..بلا تصوير بلا كلام يدفعون لك قروش وتعلمينهم قلة الحيا!
المصورة:العتب على النظر ياحجة ده راجل ومراته ايه دَخْل قلة الحيا في الموضوع؟ديه شوية رومانسيات بـتدي للفوتو طعم تاني!!
جدتي(تكلم رند):وانتي يابنت كيف تتركين الضيوف اللي حاضرين عرسك وتقعدين هنا هاه؟مشفوحة على الرجَّال؟تراه مابيطير بيشيلك بعد العرس معه!!
العريس:ههههه
في هذه اللحظات اتصلت رند واستنجدت بأمي تاخذ جدتي وأقبلت أمي حمَّالة الأسية..وأقنعت جدتي بالنزول للقاعة..
التفت العريس لرند وقال:آثاريك مشفوحة علي يارنودة وأنا مدري؟!!هههههه..
رند:لا لاتفرح واجد..بس جدتي لاجاعت اختلطت عليها الأمور!!
------------

مراحب..
الله يبارك فيكم...
المهم ياحلوات كأن جدتي ماراقت لها القعدة بالزواج والأصوات العالية والطق والرقص وقررت تنسحب ولكن ليس بهدوء!!
وسوت مظاهرة في القاعة تزعمتها.. وزوجات أعمامي من خلفها!!
أمي:خير خير اشفيكم؟!
جدتي(وبكل ثقة):قومي فزي يابدرية انتي وبناتك وإلبسن عباياتكم ويالله على البيت!!
أمي(وهي متفاجئة):ليش؟وش صار؟
جدتي:اللي صار إن هالناس ماعندهم سالفة..صمَّخوا أذانينا بهاالبومة اللي جايبينها تنعق فوق أذانينا من أول الليل وأهلكونا جوع وبطوننا قامت تقرقر!!
أنا:وش يعني ياجدة؟!بتعلنينها عليهم مقاطعة؟!
جدتي:انطمي ياشويشة!ياراعية الدجة والتنقز والترقص قدام المخاليق.. لاخستي في بيت أبوك بكرة..قولي جدتي قالت!!يالله على البيت..
أمي:ياعمة كيف نخلي عرس بنتنا ونرجع البيت؟وش يقولون علينا الناس؟بعدها الزفة ماصارت والعشاء ماجاء وقته..
جدتي(وهي حاطة يدها على حواجبها وكأنها تتقي حرارة الشمس في عز القيلة):لاياشيخة؟!وش تنتظرين؟يحطون عشاهم لاأشرقت الشمس؟!!أقول دقي دقي على خلف خل يردنا البيت..وخلي السهر تالي الليول لك ولبناتك!!
أمي:عيب عيب ياجماعة تتركون العرس وتطلعون هذي فرحة بنتنا...
جدتي:عجيــــــــــــــــب!!وال له وصرتي تعلمينا العيب يابدرية يابنت سعد!!
أمي:لاإله إلا الله..زين اصبري شوي لين يجي العشاء و كلي وبأكلم زياد يرجعك على طول..
جدتي:قلت لك ماني قاعدة!!
أمي:زين استريحي شوي وبأروح اتصل بـ خلف..
ورحت ورا أمي...أنا وضي وريفان..
أنا:يمه؟إنتي من صدقك بتخلينهم يرجعون البيت؟
أمي:وش أسوي فيها؟راكبة راسها!
ريفان:بس فشيلة الصراحة زوجات أعمامي وبناتهم يطلعون من العرس..الحين الناس بيحسبون فيه مشكلة صايرة بيننا..
أنا:لا لا يمه تكفين بنات أعمامي لايرجعون قبلنا البيت!!
أمي:ليش؟
أنا:تبينهم يستفردون بغرفتي ويحوسون بأغراضي؟! ذا اللي ناقص!
اتصلت أمي بأبوي ولكنه قال:مادام رغبة أمي إنها ترجع البيت؟خلها ترجع السهر يتعبها..
أمي:بس ياخلف أمك ماتعشت..
أبوي:ارسلي الشغالة معاها تجهز لها عشا بالبيت وبأكلم زياد يوصلهم..
وبالفعل راحت جدتي والشغالة مع زياد وجلسوا زوجات أعمامي في العرس على مضض!!
وآثاري أخونا في الله زيادوه أخذ جدتي ووصلها البيت وكانوا راكبين جيمس وخبركم الجيمس مقعدته عالية ولما دخلوا الكاراج في حوش البيت استعجلت جدتي بتنزل ومعلقة رجل فوق والرجل الثانية بالأرض وزياد رجع بالسيارة لـ ورا وزلقت جدتي شعيبية زلقة محترمة وزأرت زئير يشيب له راس البعير!!
وأخذت تدعي وتسب وتسخط على زياد..
وورط المسكين وحاول يرفعها ويدخلها البيت بعد جهد جهيد واتصل بضي..
ضي:هلا زياد..وصَّلت جدتي؟!
زياد:ايه وليتني ماوصَّلتها!
ضي:هههه أكيد قعدت تذم وتسب في ذا العرس صح؟
زياد:ياشيخة ماهي هذي المشكلة
..المشكلة إنها وهي نازلة رجعت بسيارتي ورا ورجلها معلقة بالسيارة وطاحت طيحة شينة أخاف سببت لها عاهة مستديمة!
ضي:وااي ياعمري عليك يازياد أكيد نتفت شواربك؟!
زياد:أي نتفت شواربي؟إلا رسمت براسي خرايط بعصاتها!!عجزت أقدر أشيلها أنا والشغالة من الأرض!
ضي:أجل وش سويتوا؟
زياد:جبنا زولية(بِساط)وفرشناها على الأرض وحطيناجدتي فوقها وسحبناها لين البيت..
ضي:هههههه
زياد:ياشيخة ماهو وقتك تضحكين..أنا ورطان لشوشتي مدري وش أسوي..
ضي:ودها للمستشفى أخاف تضررت..
زياد:أي مستشفى الله يصلحك هالحزة؟أقول لك طلعت عيوني لين قدرت أدخلها البيت تبيني أرجع أسحبها وأركبها السيارة من جديد؟ليش؟مستغني عن نفسي؟
ضي:أجل ارجع للعرس ولاكأن شي صار يمكن الاصابة بسيطة وأكيد هي بتنام..
وجاء زياد للقاعة وكمَّل العرس..
وأما ضي عشان لاتوَتِر أمي اتصلت على البيت وكلمت الشغالة وقالت لها:سوي لجدتي مساج..
وراحت الشغالة تِفزَع لجدتي وتمسجها لكن جدتي ماقصَّرت قمعت الشغالة على راسها بالعصا لين أفقدتها الذاكرة!!

مر العرس وأهم شي إن العروس طلعت قمر والزفة حلوة..والحقيقة زوجات أعمامي أول مرة يحضرون عرس بالمدن غير زواج ضي وريفان السابق..ولما إنزفَّت مع عريسها وتغطى كل الحريم بالقاعة وانطفت الأنوار صارت كل وحدة من حريم أعمامي تصيح على بناتها تغطوا زين!غطوا عيونكم!يابنت غطي يدينك!
أنا:أقول استريحوا..القاعة مظلمة والأنوار مسلطة على العروسين بس..
وحدة من زوجات أعمامي:الستر زين ياشعيبية تبين زوج أختك يقز بناتنا؟!
أنا:نعم؟بالله من صدقك عاد؟العريس بيترك أختي القمر ويقعد يقز بناتكم؟!من زينهم عاد؟!بس صَدق المثل اللي قال:القرد بعين أمه غزال!!
ناظرت فيني زوجة عمي بنص عين وقالت:الله يعافيك ولايبتلي بناتنا!
وجاء وقت العشاء ودخلنا على البوفيه وأكلنا وشربنا ووصلنا البيت متأخرين ويوم دخلنا جميعاً إلا ونسمع صيحات الاستغاثة!!
جدتي:آآآآآآآآه ياعفيسان واويلااااااااااه يارحمة الله....الله يرحمك يابوي...ياصبر أيوووب!!
دخلنا جميعاً عليها وماحنا دارين وش السالفة والأخت ضي رجعت لبيتها ولاعلمتنا بسالفة جدتي مع زياد!!
وأبوي قد طلع ينام ورحت أركض عليه وقلت:يبه يبه إلحق!
أبوي:وشفيك؟!
أنا:جدتي شعيبية خرَّفت!!
أبوي:عيب عليك..جدتك أذكى مني ومنك!
أنا:أجل تِحْتَضِر!!
أبوي:أعوذ بالله منك..جِعل يومك قبل يومها!!وش قاعدة تخرفين؟
أنا:أقول لك قاعدة تصارخ وتنادي جدي عفيسان..
أبوي:زين شوفي لي طريق خل أدخِل عليها..
ونزلت وخليتهم كلهم يطلعون عشان أبوي بيدخل عندها..ودخل أبوي وأنا وأمي وريفان معاها..
أبوي:خير يايمه؟عسى ماشر؟
جدتي:الله ياخذ زياد!وأم زياد..
أمي:لا لا ليش الغلط ياعمتي؟
جدتي:تستاهلون..ولدك النشمي كسَّر رجولي وظهري الله لايعطيه عافية..
أبوي:شلوووون؟وش سوى فيك؟
جدتي:طيحني من سيارته وجرجرني على الأرض..وااويل قلبي ويلاه!وينك ياعفيسان تشوف ماصار ودار!
أبوي(بعصبية):روحوا نادوا لي زياد وجيبوه من تحت الأرض!
وطبعاً زياد مسكين غرفته تصادرت من يوم ماأقبلوا قرايبنا وصار ينام بالملحق مع عيال عمي لذلك اتصلت فيه وقلت له قابلني عند باب المطبخ الخلفي.
وجانا..
ريفان:الله يقطع إبليسك إنت وش مسوي في جدتك؟!
زياد:ايش.علمتكم ضي؟
ريفان:وضي وش علاقتها؟
زياد:أنا علمتها بالسالفة من يوم ماكنتوا بالعرس..
ريفان:شوفوا النذلة!ماقالت لنا شي..
وقام زياد يحكي لنا عن الطيحة وكيف إنه ماقدر يشيل جدتي وحطها على زولية وسحبها هو والشغالة..
أنا:زيادوه؟حط عينك بعيني..إنت متعمد؟
زياد:أي متعمد ياالثولة؟الحادث صار قضاء وقدر..
أنا:والله مدري عنك..عموماً ياويلك من أبوك تراه معصِب..
ودخل زياد وحكى السالفة وسحبه أبوي مع أذانيه وقال له:وليش ياقليل المُروة ماكلمتني من وقتها وخبرتني باللي صار؟!الحين يمكن السالفة فيها كسور مُضاعفة...لا وتسحب جدتك بعد على البلاط عساك بمن يسحبك للقبر!
زياد:لو سمحت يايبه أنا ماسحبتها على البلاط..أنا حطيت تحتها زولية!
أبوي:لاااا نشمي ياروح أمك...يمه بنوديك للمستشفى.
جدتي:أي مشتفشى؟!ماني متحركة من مكاني لين أطيب..
أبوي:من وين تطيبين وهذا حالك يمه..لازم يشوفك دكتور ويقول لنا وش فيك..
جدتي:وافشيلتاه!!تبي رجال يشوفني ياخلف؟ماتغار على أمك ياولد بطني؟
أبوي:يايمه الله يهديك هذا مو وقت غيرة يعني الدكتور وش بيسوي لك؟بيفحصك ثم يعالجك..
جدتي:قلت لك ماني رايحة معك والله مايطببني إلا بِن معصوم!
أبوي:ايييش؟بن معصوم الشايب اللي في الديرة؟
جدتي:ايه نعم..
أبوي:لاإله إلا الله..وهو باقي عايش؟وبعدين بن معصوم حجَّام وشلون يعالجك؟
جدتي:ايه حجَّام وحلاَّق وختَّان نسيت إنه ختن وطهَّر كل عيال الجماعة؟
زياد:أبي أفهم أنا الحين.. إنتي تشقلبتي من السيارة بتروحين لـ بن معصوم يحلق شعرك مثلاً؟
جدتي:لا يالأثول بأروح له يكويني!
أنا:وبن معصوم ماهو رجَّال ياجدة؟!
جدتي:إلا لكنه أعمى!
زياد:ماشاء الله..يعني شايب وعمره 100 سنة وأعمى بعد وبتروحين له يكويك؟!نِعم الطبيب ونِعم العلاج!!
أبوي:يايمه الكي زين لأمراض معينة..وش علاقته فيك؟
جدتي:لأني يوم طحت طحت على جوع ودخلني هوا..وظهري راح مرق!!
أبوي:يايمه مين قال أصلاً إني بأسمح لك تسافرين وانتي في ذي الحالة؟يلا يلا بنوديك للمستشفى..
جدتي(بعناد):ماني بـ رايحة.. خذ ولدك هالمهبول للمشتفشى يمكن يعالجون عقله!
أبوي:يايمه بأخليه يشيلك على ظهره وسامحيه..
زياد:أشيلها على ظهري؟ليش؟لهالدرجة تكرهني يبه؟ماهقيتها منك والله!!
جدتي:ومين قال إني بأخليك تشيلني؟لو فيني حيل كان رفستك في ظهرك وبطنك لكن الشكوى لله فيك ياولد خلف!
حاول أبوي وأمي يقنعونها تروح المستشفى أو يطلبون لها الاسعاف لكن أبد عاصبة راسها ومنسدحة وتصرخ طول الوقت ماندري وش يألمها بالضبط هو ظهرها ولاسيقانها ولافخوذها ولاأقدامها ولاراسها!!
نمنا جميعاً وصحيت ولقيت أعمامي كلهم عندها بالغرفة يتغدون معاها..ومعزمين يسافرون لكن أبوي أقنعهم يقعدون أسبوع ووافقوا!!!
وهنا رحت أطير لغرفة ريفان..
أنا:ريفان ريفان الحقي..
ريفان:خير..لايكون صار بجدتي شعيبية شي؟
أنا:لا أنا اللي بيصير فيني شي...أبوك مسك في أعمامك يقعدون أسبوع ووافقوا!
ريفان:الله يبشرك بالخير..على الأقل نحس بـ ونس في البيت بعد فراق رند الله يسعدها..
أنا:قطيعة..وأنا مافكرتي فيني؟
ريفان:خير..وانتي اش فيك؟
أنا:مافيني شي لاتفكرين فيني..بس على الأقل ارحمي أبوك اللي ملزوم يصرف ميزانية دولة على هالجيش! ارحمي الحوش اللي صار مكب نفايات للبزارين..ارحمي أمي اللي نزلت كم كيلو من القومة والقعدة والطبخ والنفخ للضيوف!ارحمي غرف البيت اللي ممتلية بنات وبزارين تقولين علب بهارات معشش فيها السوس!!ارحمي الشغالة اللي تكرف طول الليل والنهار وآخرتها قمعة على الراس خلتها تنسى اسمها!!
ريفان:عادي..يعني اللي يسمعك مايقول كل يوم انتي وبنات أعمامك سهرانين للفجر تضحكون وتستهبلون.
وفي العصر مرت علينا رند تودعنا لأنها مسافرة بعد المغرب لـ تركيا...واستقبلناها بالدفوف والغطاريف زوجات أعمامي يدقون وإحنا البنات نرقص وأنا استهبل وجدتي شعيبية تقول قصيدة وهي مسدوحة على فراشها!!مافهمت منها شي إلا كلمة عفيسان وعفيسان!!
أنا:وش عفيسان وماعفيسان ياجدة.الحين مو جدي مات من سنة إسكُت؟
جدتي:وإذا مات؟أنساه خلاص؟ماهو جدك اللي بعد الله كان السبب في وجود أبوك؟ولولا وجود أبوك ماجت رند؟
أنا:آه..صح نظرية!
ورقصنا وطقطقنا لرند وقعدت أطامر من أول المجلس لآخره والبنات يضحكون علي وأمي تقول اركدي يابنت وأم مشبب تقول الحمدلله ولدنا مايبيها هذي من يطالع فيها وهي لاعقل ولاثقل!
وجدتي تقول: صح لسانك هي وزياد فيهم بلا ويبيلهم قراية عند المطوع
ورند تضحك وتقول:كل هذا فرحة بشوفتي؟
وريفان تقول:إلا انهبلت بعد فراقك!

مرحباً مليون...
مرت الأيام وجدتنا مكانها جبنالها دكتورة لين البيت تفحصها وتسوي لها تحاليل وترسلها للمستشفى وطلَّعت فيها أمراض الدنيا!!
وجدتي تقول:أبد..والله إنها كذَّابة تبي تسترزق من صحتي!!
----
وكالعادة لااحتجت زياد قابلته في الحوش من باب المطبخ الخلفي..
زياد:هاه..ياشوشو؟وش بغيتي؟
أنا:بغيتك تودينا السوق أنا وبنات عمي والله القعدة بالبيت تضيق الخُلق!
زياد:ماشاء الله ماقصرتي..بتودينهم السوق؟هالحين أنا سامع اشاعات طالعة عنك عند أعمامي يقولون إنك صرتي خطر يهدد أخلاق بناتهم وتبين تكملينها بالسوق؟
أنا:ليش؟أنا وش سويت؟
زياد:يقولون علمتي بناتهم شلون يستخدمون الكومبيوتر ويتصفحون النت..ويتحومرون ويتبودرون(الترجمة:يحطون بودرة وروج!!)ويصلحون كلوب ساندويتش وياكلون اسكالوب بانيه!!
أنا:ياسلام!خيراً تعمل شراً تلقى!
وشافني واحد من أعمامي وأقبل يسألنا وش نتكلم فيه...
وقال له زياد عن رغبتنا في الطلعة للسوق..
عمي:اييييييييش؟مابقى إلا هي!تطلعون للسوق وجدتك تعبانة؟!
أنا:وخير جدتي تعبانة؟الله يشفيها..عددنا بالبيت صك ال47نفر مابين حرمة وبنت وبزارين وشنبات نحبس أعمارنا كلنا عشان جدتي مريضة؟!!!
عمي:ايه نعم هذي كبيرة البيت!وبعدين وش تروحين تسوين في السوق؟اللي تبينه خل أخوك يجيبه ماعندنا بنات يروحون الأسواق!!
أنا:ماعندكم بنات يروحون السوق؟!!أجل بعذرهم بناتكم لابسين هدوم من عام الفيل!
عمي:يعني من زين لباسكم يابنات المدن..بناتنا معززات مكرمات توصلهم أغراضهم لين عندهم..
أنا:ومين يجيبها لهم؟راعي البقالة؟!
عمي:لا..أخوانهم!
أنا:وش درى الرجال بملابس الحريم؟
عمي:وملابس الحريم وش يبي لها من فن..الأولاد يشترون طاقة القماش ويعطونها أمهم وأمهم تروح لجارتنا الخياطة تفصلها وسمع الله لمن حمده!
أنا(وأنا قاعدة أتميلح):ليش؟وشفيه السوق؟تمشية وتسوق و سعة صدر..فك العقدة ياعم فكها الله يشفي أمك إن شاء الله!!
عمي:ايش؟اذلفي يابنت داخل اذلفي!
وراح عمي وهو مكشر لمجلس الرجال ونقل كلامي لأبوي...
أبوي:هههه..وهي صادقة البنات يحبون يغيرون جو وقعدة البيت مللتهم وأنا من رايي نطلعهم..
عمي:نعم؟تبي بناتنا يصيعون ويضيعون ياخلف؟تربية السنين نجي نضيعها عندكم بأيام؟!
أبوي:لاإله إلا الله..وانت ليش مكبر السالفة؟بنخليهم يروحون مع أمهاتهم..
عمي:من غير رجال؟!!
أبوي:مايحتاج رجال هم مجموعة كبيرة ماشاء الله وماينخاف عليهم!
عمي:هذا اللي ناقص!مايطبون سوق إلا ومعاهم الأولاد على الأقل..
أبوي:وشفيك ياخوي..يعني إنت تخاف على حريمك وأنا لا؟
عمي:هذا العلم اللي جاك..من غيرأخوانهم مايروحون!
أبوي:زين مايخالف..بأكلم زوجتي وأقول لها..
وجاء أبوي وقال لأمي بسالفة السوق..
أمي:وشلون نطلع وأمك تعبانة؟
أبوي:بعض زوجات أخواني موب رايحات خليهم يقعدون معها وجهزي لهم قهوتهم ..وانتي روحي مع البنات..
وبالفعل راحت أمي وثلاث من حريم أعمامي وبنات أعمامي وكان عددهم تقريباً 9بنات أما الورعان والبزران خليناهم في البيت لأني حلفت يمين لو رافقونا بهالطلعة ماأروح معاهم!!!(هاه!أجل إيش؟تبون بريستيجي يخرب؟!!!)
ولكم أن تتخيلوا تقسمنا في 3سيارات..وبعض أولاد أعمامي معانا..ولما نزلنا المول نزلنا فوج تقولون رايحين نحج!!
ووقف مشبب عند بوابة المول وقال إيش مسوي نفسه مُنظٍم رحلات!!وقعد يوزعنا تقولون طابور صباحي!
أخته نضرة:يامشبب خلنا ندخل كذا ماله داعي هالصفوف!
أنا:الصراحة ماينشره عليه أخوك متعود يقود الغنم والبعارين!
وماشاء الله زياد وأولاد عمي وعددهم ست كانوا يمشون قبلنا وإحنا وراهم مثل قطيع الخرفان..وكل مابغينا محل دخلوا معانا!!!!(يعني ذحين من كبر المحل يوم ندخل كلنا فيه؟! حتى أصحاب المحلات يخرعون من عددنا!!والفشلة إننا لما نخرج من المحل نخرج خاليات اليدين!)
ناديت زياد وقلت له:ياخي وش هالخبال اللي إنتم فيه؟!خذ عيال أعمامك وانثبروا بإحدى الكافيهات خلنا نتنفس شوي!
زياد:وش تبيني أسوي؟هذي أوامر البلاط الملكي!عمك موصينا مانفارقكم!
أنا:ليه؟؟خايف علينا من الانحراف؟أقول فارقوا ترى كِثر الكبت يولد الانفجار!!
وراح زياد كلَّم أولاد أعمامي ووافقوا إلا مشبب قال:ماني تارك النسوان لحالهم روحوا انتم!
وجاني زياد وقال:مشبب بيقودكم!!أقصد بيمشي معاكم وإحنا بنقعد في الكوفي شوب.
أنا:وش نبي فيه هالمشبب؟بيقعد يستعرض عضلاته قدامنا؟ايش؟مايثق بأمهاتنا؟هو اللي بيحرسنا من عيون الذئاب البشرية عاد؟!
وبالفعل راحوا الأولاد للمقهى وإحنا النسوان مشينا بقيادة المايسترو مشبب!!!اللي ذبل كبودنا وبلشنا كل مامر شاب من جنبنا مسكه مشبب من كعشته وصاح فيه:لاتطالع حريمنا لأحوس وجهك!
وياحرام الشباب ماحد طالع فينا كلن ماشي بحاله وإن حصل وطالع فينا أحد فماهو من زين أشكالنا إلا استغراباً من عددنا الكبير!بس هذا مشبب وهذا عقله!!
وبصراحة لما شفته زودها يخانق خلق الله ويتهمهم إنهم يناظرون فينا وفي أخواته نزعت برقع الحيا وتصديت له بعد ماسرى في عروقي الطاقة الشعيبية!!!
وقلت بعالي الصوت:إنت وبعدين معك؟هالحين من زين خواتك يوم يطالعونهم الشباب؟ناظر فينا زين هذي أشكال كفو واحد يطالع فيها؟!!
اخترع مشبب!!
أم مشبب:يافشيلتاه!يابدرية..بنتك تخانق ولدي؟؟واعيباه!
أمي:شعيبية؟؟ اسكتي عيب عليك!
مشبب:آآه انتي شعيبية؟والله إنك صادقة مين بيطالع فيك؟!!هههه
آثاريه تذكر النذل الصورة اللي أرسلتها له تتذكرونها؟!!!
وانكتم بعدها ماعاد قال شي..بس صراحة يقهرني هالتعقيد كلنا نازلين للسوق ومغطين وجوهنا ولابسات عبايات مسترة وفوق هذا كله مو إحنا اللي نلفت النظر ماحد يلفت النظر إلا تصرفات مشبب و عينته!
00000

وإحنا بالمول...
قمت أكلم بنات أعمامي:وشفيكم يامال الفقر صار لنا ساعات ندور بالمول وماشريتوا شي؟!
صهباء:الصراحة؟أسواقكم غالية بالحيل!
أنا:إيه الغالي للغالي!
صهباء:هذا إنتي قلتيها..يعني نلبس ملابس غالية لـ مين بديرتنا؟والكل حاله من حالنا...
دعجاء:الله يخلي أم غازي الخياطةكل ملابسنا نفصلها عندها..
غيفة:بس والله ملابسنا صايرة تفشل!يازين لبس أهل المدن ماشفتوا الناس بزواج رند وش لابسين؟!
دعجاء:أقول يازين القناعة..وشفيها ثيابنا؟ذوق وحشمة!
غيفة:لاتكذبين على نفسك..ثيابنا كأنها كُرت جدتي شعيبية بس مطورة شوي!!
أنا:طبعاً..ظالمات أنفسكم وإنتم شابات..مايخالف البسوا ملابس حشمة بس تكون ستايل..ذوق..
دعجاء:اسكتي ياشعيبية الله يعافيك..هذا اللي تعودنا عليه..
أنا:وافرضوا وحدة منكم جاء نصيبها بالمدن..تتزوج ولد الناس وتتفشل قدام أهله لالبس صاحي ولاسنع؟!
صهباء:ايه والله إنك صادقة..
غيفة:الـــــــــــلــــه كان زين يجي نصيبي بالمدن..تكفين شعيبية لابغى زياد يخطب لمحي له يخطبني!!!!!
قاموا بنات عمي صاحوا في غيفة وقالوا:استحي يالهبلة نسيتي إن زياد محجوز ليقظانة بنت عمنا رهجان؟!!!!
أنا:نعم نعم إنت وهي؟!بأمر مين إن شاء الله؟!
البنات:بأمر جدتنا شعيبية!
أنا:أقول روحوا اشربوا البحر ياحفيدات جدتكم شعيبية اللي مخططاتها كلها فاشلة!!
ثابتة:تقصدين إن هالكلام ماراح يصير؟!
أنا:طبعاً ماراح يصير..وإذا يقظانة قاعدة تحلم بزياد؟قولوا لها تصحى من النوم!!
صهباء:اسكتي ياشعيبية لاتسمعك!
وطبعاً الأخت يقظانة كانت قاعدة على الطاولة اللي قريبة مننا مع الجزء الثاني من بنات عمي..
أنا:خليها تسمع!أجل تحلم بزياد وهو مابينه وبينها أي تشابه؟يقظانة المسترجلة أم لسانين؟ماتشوفوني متحاشيتها من يوم جيتوا؟حتى صديقاتي يسألوني يوم زواج رند مين ذيك؟وأقول لهم مدري يمكن تشتغل بالقاعة!!!! بالله ودها في زياد دلوع العايلة ربيب العِز يتزوجها؟؟؟ يقظانة اللي يدينها محرشفة من حياة الشقا؟يقظانة اللي ريحة عرقها تسبقها؟!
ومادريت إلا و يد على كتفي وصوت يقول:وشفيها يقظانة؟!
ويوم التفت إلا هذي يقظانة طول بعرض تقولون باب بسم الله علينا!لا ولا الصوت قصة ثانية..جيمس يفحط!وعاد ياهي ملسونة وعربجية!!
يقظانة:بنات عطوني غرشة عطر!
أنا:ليش؟تغطين بها ريحة العرق؟ماينفع!!
يقظانة:لا وإنتي الصادقة بأفتح بها راسك!هالحين أنا وش قاهرتك فيه تتمسخرين علي من أول وأنا ساكتة؟من زينك يالعصلةالمصلة؟!ولا كل هذي غيرة يوم إني بأصير زوجة أخوك؟!
أنا:نعم ياروح أمك؟!بعيد عن شواربك تصيرين زوجة أخوي!
دعجاء وهي تقرصني وتهمس:عيب تقولين شواربك هي بنت مو رجَّال!!
أنا:إلا شوارب ونص!هذي ماعندها شوارب في وجهها بس!إلا بكل مكان من جسمها!!
وهنا مسكتني الأخت يقظانة وكفختني قدام خليقة الله وأقبلوا الحريم يفارعون وانتبهوا لنا الأولاد وأقبلوا...
وعرفني زياد من شنطتي وعباتي وأقبل فديت قلبه يفض الاشتباك وابتعدوا البنات كلهم ماعدا يقظانة الخبلة قاعدة تكمل تكفيخ..عاد زياد مايدري إنها بنت عمي على باله تكرونية أو شحاتة وتهوشت معانا قام زياد مسكها من ايدها وكفخها ومن الخرعة بغت تطيح مكانها!!!
إلا أمي وزوجات أعمامي مقبلات يسألون عن القصة...
وعاد زياد متحمس ويخاصم يقظانة:اطلعي برة ياحجة لاأنادي لك السكيورتي يسحبك من شوشتك ويرمي بك برة!
والتفت زياد لي وهمس:خير؟وش سالفتها هذي؟!
أنا:هذي يقظانة بنت عمي رهجان تهاوشت معها وكفختني!
زياد(وهو مبقق عيونه فيني):سوَّد الله وجهك ياشعيبية!ليش ماعلمتيني؟تشوفيني أكفخها وساكتة؟!
أنا:أحسن تستاهل!أجل تبغى تصير زوجة أخوي بالقوة؟!!!
زياد:أفااااا من صدقك هي قالت كذا؟!!
أنا:إيه قَسَم!
زياد:أجل تستاهل ماجاها!!
وعلى الجانب الآخر تهاوشت أمي وزوجات أعمامي لأنهم ظنوا إني اتفقت مع زياد نضرب يقظانة!!!
وصاحت فينا أمي:أظن بعد اللي صار مالنا قعدة هنا!مشينا على البيت!!
وطول الطريق صمت وبس دخلنا البيت مسكتني أمي أنا وزياد وسحبتنا لغرفتها ومابقي سبة إلا وقالتها!!!
أمي:الله ياخذكم إنتم الاثنين ويريحني منكم!وش قلة الأدب اللي فيكم تضربون بنت عمكم بوسط السوق تخلون اللي مايشتري يتفرج؟!وين أودي وجهي الحين من الناس؟هاه؟!
قمت شرحت لأمي سبب الهوشة.
أمي:لاياشيخة!!عذر أقبح من ذنب!وش يعني لاقالت تبي تتزوج زياد؟كلام وفي الهوا!أحلام مراهقة!يعني أخوك هالرمة هذا يصلح لزواج؟!
أنا:يمه..يعني أنا اللي قلت لها تعالي طقيني؟!هي خفيفة شمايل بس سمعت طاريها جات تفرد عضلاتها!!
أمي:تستاهلين!انتي اللي استفزيتيها وانتي تدرين إنها راعية مشاكل وسبق وحذرتك من قبل لايجون إنك ماتتكلمين معاها..هالحين لاوصلت السالفة لأبوكم وش أقوله؟!
زياد:بسيطة!قولي إنك ماشفتي شي!وأنا بأقول الصدق ظنيتها تكرونية تخانق أختي فـ جيت أدافع!!
وطبعاً على بال مانزلنا تحت كانت السالفة قد انطبخت زين ووصلت للرجال!!
والأخت يقظانة قاعدة تتبكبك!(الله أكبر!!! من ذاك الساع ماجفت دموعها؟!ليه سيول جدة؟!!!)أما صحيح ضربني وبكى وسبقني وشكى!!!
وناداني أبوي ونادى زياد وصكنا بمحاضرة وصكنا بكفوف بعدها ياسلام سلِّم!!
أبوي(بكل عصبية):تضرب بنت عمك يا....تتمرجل على هالضعيفة يا....أعمامك كلهم زعلانين وبيسافرون بكرة بـ سِبَتك إنت وأختك يا....!!
طبعاً الفراغات السابقة فيها كلمات غير صالحة للنشر!!
حاولنا نشرح له الموضوع لكنه قال أبداً ومايرضيه إلا إني أنا وزياد ندخل المجلس ونبوس راس أعمامي ورجولهم لين يرضون!!!
وفعلاً دخلت أنا وزياد على أعمامي ومسكناهم سِرى واحد واحد نبوس رووسهم وأقدامهم!بغينا ندوخ من الريحة!
زياد:شعيبية أنا خلصت الصف هذا تعالي دورِك!!
وجيت وسلمت عليهم كلهم وتوجهت خارجة من الباب!!
عمي رهجان:تعالي تعالي يابنت!وين رايحة؟إحنا باقي ماخلصنا!
أنا:خير ان شاء الله؟فيه أحد منكم نسيت أبوس له إيد ولا رجل؟!!
عمي رهجان:ايه نعم!!يازياد!
زياد:يالبيه!
عمي رهجان:إذلف برة في الحوش مع الأولاد...يقظانة بتدخل هنا!
وبعد ماخرج زياد مادريت إلا بيقظانة هانم داخلة المجلس ومازالت دموعها تصب مثل السيول!!أي سيول جدة؟إلا فيضانات باكستان!!!
وسألوا عن سبب الهوشة وقامت تتمسكن وتقول إني قاعدة أسمم أفكار بناتهم وأناديهم للتحرر والانفتاح والانشكاح!!!
أنا:يمه منك يمه ماأَكذَب لسانك!!
يقظانة:شعيبية تتمسخر علينا وتستهزيء بجدتي شعيبية وشايفة نفسها أحسن منَّا!!
أنا:الله أكبر عليك..
يقظانة:وشايفة روحها إنها أجمل وأنظف منَّا!!
أنا:ايه في هذي معاك حق ماكذبتي!!!
يقظانة:وترى هي تبي بناتكم الله لايبلانا يسهرون معاها يتفرجون على القنوات اللي موب زينة ويقعدون عند الكومبوتر وتقول لهم ليه ماتلبسون بناطيل وتطلسون وجيهكم أحمر وأخضر وتشترون جوالات ؟!!
شهقوا أعمامي!!!وشهقت معاهم!!
واحد من أعمامي:إمحق من تربية ياخلف إمحق!!
عمي رهجان:إن كان راعي البيت قطوة...فلا تقولون من وين أقبلت الفيران!!!
قام أبوي يتنحنح...وقال:هاه يابنت اش تردين على بنت عمك؟!
أنا:بأقول لها إنتي كذابة بوسط وجهك!صدق إني أختلف مع بنات عمي في أشياء لكن ماقد سعيت إني أخربهم بأفكاري!
يقظانة(النمامة ياويلها من ربي):أنا ماأكذب شفتك بعيني تأشرين لهم على أصحاب المحلات وتضحكون!!
أنا:والله ماأشرت لهم على أصحاب المحلات كنت أأشر على البضايع اللي على الفاترينات بس وش ذنبي إنك حُولَة؟!!!
يقظانة:ايه تذكرت حتى مشبب رديتي عليه وطولتي لسانك..الله يستر علينا شكلك والفة تسولفين مع الرجاجيل!!!
أنا:ايه بدليل إني قاعدة أسولف معك!!
عمي:بنت؟وش قلتي لمشبب بعد؟!
علمتهم بالسالفة...
عمي:بلا يبلاك!!! ودك تنفلتين على راسك..هذا جزات ولد عمك يوم إنه يخاف عليك؟!
عمي الآخر:تبرأ منها بنتك هذي هي وأخوها بكرة يجيبون لك مصيبة ويجرونك وراهم للأحداث!
أنا:أقول وشفيكم علي ...تقاعدت جدتي عن دورها مع هالمرض واستلمتوا الوظيفة بدالها؟!
أبوي:انطمي لابارك الله في عدوك
يقظانة:تراني قلت لكم... شعيبية أفسدت بناتكم وعلمتهم الانحراف وانتم وضميركم!!
أنا:المُباهلة المُباهلة يامسلمين!هذي المعتوهة تقذفني بشي مو فيني وإنتم تصدقونها؟؟!!
أبوي:أقول انطمي لاعاد أسمع لك صوت و حبي راس بنت عمك!!
أنا:ماني حابة راسها!
عمي رهجان:بتحبين راس بنتي وانتي ماتشوفين الطريق!
أنا:قلت ماني حابة راسها خلها تتسبح بالأول!
عمي رهجان:لابتحبين راسها لاأسافر الحين وأقاطعكم طول العمر أجل تضربون بنتي وتستخسرين فيها حبة راس ياالبومة؟!!
أنا:والله أنا ماضربتها ياعم زياد اللي ضربها..ناديه وخله يحب راسها هو!!!
وهنا عج المجلس بالصياح وضربني عمي رهجان وخرجت أجري عند الحريم مثل الفار اللي لدغته أفعى!!
----
بالله اش رايكم بها اليقظانة؟!

جينا ياصبايا!
دخلت الصالة وكانوا البنات قاعدين فيها, أما الحريم داخل مجلس النساء مع جدتي شعيبية اللي منسدحة على طُراحتها(المَرْتَبة) في الأرض..
وقمت أولول وأتهدد وأتوعد...والبرنسيسة يقظانة داخلة وراي تلوحُ ابتسامة النصرِ في مُحيَاها!!
وإلا ريفان جاية وقالت:جدتي تبيك..وتقول وش هالصياح كله؟!
دخلت مجلس النسا...
جدتي:هاه ياشعيبية؟وش هالعلوم اللي تسوِّد الوجه عنك؟!
أنا:أي علوم؟وأي رياضيات؟هالحين مايكفي هاليقظانة كفختني وفرَّجت علي خليقة الله جاء أبوها يكمل الناقص وضربني!وش تنتظرين إنتي ياجدة بعد؟!بتكملين جميلك وتشحطيني بعصاتك؟!!
جدتي:لا...بس زياد ماقصَّر بعد..أخذ لك بحقك وضرب بنت عمك عشانك..يعني متخالصين..وشهوله زعلانة؟!!
أنا:وش متخالصين؟حتى عمي رهجان طقني!
جدتي:وش تبين ياقليلة الحيا عشان ترضين؟ نطق عمك رهجان؟!
أنا:ماأبي ولاشي...أبي كرامتي ترجع!
جدتي:أي كرامة ياأم كرامة؟!من يوم عَرَفتك وكرامتك ممسوح بها الأرض إنتي وأخوك!فضحتونا لابارك الله في إبليس!
أنا:عاد حب الفضايح وراثة في ذي العيلة بعيد عنك!!
إلا يقظانة داخلة علينا...والمنافقة رايحة لجدتي تبوس راسها وايدينها!!
بس عجبتني جدتي الله يسعدها صدَّت عنها وقالت:ترى ريفان وأمها حكوا لي عن سبب الهوشة...عيب يايقظانة البنت تقط نفسها وتقول بأتزوج فلان...وعيب الوحدة تضرب بنت عمها قدام الناس!
يقظانة:وش أسوي فيها ياجدتي قهرتني!!
جدتي:مايخالف..اضربيها!بس في البيت مو قدام الناس!!
أنا:ايه احشيها ماهي ناقصة!!حق من خلاَّك تشيلين جدتك شعيبية على ظهرك يايقظانة وتلفين بها حول فيلتنا 10 مرات!!
صاحت جدتي على النسوان يطلعون برة وقالت:نادوا لي خلف!
وجاء الوالد...
جدتي:أنا سمعت إن خوانك زعلانين من اللي صار ويبون يسافرون الصبح صحيح؟!!
أبوي:ايه صحيح!
جدتي(وهي تناظرني أنا ويقظانة):الله أكبر..ماعاش مين يفرِق بين عيالي يالخايبات!اسمع ياخلف من بكرة الصبح تنزل السوق وتشتري ذيك التيوس الراهية وتسوي ذبيحة لأخوانك تراضيهم فيها!!!
أنا:يــــــاسلام!هالحين وش دخل التيوس الضعيفة بالموضوع؟!من يوم ماجوا أعمامي وأبوي كل يوم يخترع مناسبات عشان يذبح لهم ذبايح!وش هالأعمام؟مايشبعون لحم؟!
جدتي:شيلوا هالبنت مِن قِدامي لاأذبحها ماكفاني طيحتي في الفراش بسبب أخوك..تجين إنتي بعد وتسمين ابدني!!وتصالحوا إنتي وبنت عمك عيب عليكم كل وحدة منكم ياكبرها بس عقلها مثل اللي في رِجلها!!!!!!!!!
وخرجت قعدت مع بنات أعمامي اللي انقسموا فريقين فريق معاي وفريق مع يقظانووه!!
تعشينا...وقعدنا نشرب الشاي..
ويقظانة تناظرني في القومة والقعدة..وأنا متربعة وقاعدة على الأرض وماغير أقط عليها حكي ودعاوي على نظام إياك أعني واسمعي ياجارة!!
مثال:جِعل الذي يظلم ماتنام عينه!
ياعسى الضيم يذوقه كل حِسَّادي!
ياعسى من بغى لي السوء يرجع كيده بـ نحره!
ريفان:بسم الله!وشفيك انتي صايرة مثل عجوز السوء..متربعة على الأرض وتدعين على مِن راح وجاء؟!!!!
أنا:مِن حر مافيني...يلا يابنات تعالوا نطلع فوق..
إلا فريق الأخت يقظانة قالوا:خذونا معكم ياشعيبية!!
أنا(باستهزاء):استريحوا!ترى أنا منحرفة وراعية علوم بطَّالة!خلكم مكانكم لاأصيبكم بـ عدوى!!
يقظانة(تتمسخر):الحمدلله إن بعض الناس عارفين قدرهم!
وطلعت أنا وغيفة ودعجاء وصهباء وثابتة للصالة فوق أما الباقيات قعدوا مع الأخت يقظانة..
وبالصالة وإحنا قاعدات كنت أتابع برنامج أجنبي مترجم(ماني قايلة اسمه لاتحسبونها دعاية!!)
طالعت فيني دعجاء باستغراب وقالت:هالحين إنتي فاهمة وش يقولون؟!
أنا:أكيد..ماتشوفين الترجمة مكتوبة قدامك؟
دعجاء:إلا شايفتها بس الله يقلعهم يشيلونها بسرعة!!
ثابتة:شكل شعيبية فيها جني!كيف تقرينها بسرعة؟!!
أنا:بالله ماتستحون هذي أعماركم وقاعدين تتهجون الترجمة حرف حرف؟!!!
غيفة:لاتلومينا ياشعيبية!إنتي ربك مِنعِم عليك بأهل عطوك الحق تكملين تعليمك..بس حِنا لنا الله من تتخرج الوحدة منَّا من الابتدائي يسحبها أبوها ويقعدها بالبيت ويقول كافي عليك تفكين الخط وتعرفين الحساب!!!
الصراحة كسر خاطري كلامها!
واستكملت غيفة حديثها:بس بإذن الله أول ماأرجع الديرة بأركب راسي لين مايخلوني أرجع للمدرسة وبأكمل تعليمي وأدخل الجامعة بعد!
أنا:انتي لو تخرجتي من الكفاءة فهذي معجزة!لاتسبقين الأحداث..
صهباء:غيفة صادقة ليش يحرمونا من التعليم؟عمي خلف أخو أبائنا ومتربي معاهم ببيت واحد..واشمعنى هو مخلي بناته على كيفهم وإحنَّا لا؟!!
أنا:هييييييييه انتم!بدينا في الحسد؟!
صهباء:لا مو حسد..بس ماحد أحسن من أحد..المفروض ندرس ونتعلم مثلنا مثل غيرنا
أنا:قوموا قوموا الله يقطع ابليسكم لاتسمعنا يقظانة وشِلَتها ويحسبوني أسَلِطكُم!!
دخلنا غرفتي..قالت دعجاء:تكفين شعيبية افتحي الكومبيوتر علمينا شلون تستخدمينه
وفتحته وقمت أشرح لهم شلون استخدم الماسنجر وأشوف المسجات في الإيميل من صديقاتي..
وعاد هم يتابعوني بشغف وأنا منشكحة ومستانسة مسوية نفسي أستاذة عليهم وأقوم وأفتح لهم اليوتيوب وأشغل لهم مقاطع مضحكة وتركتهم شوي ورحت دورة المياه آثاري الملقوفة ثابتة ضغطت على مقطع(كذا وكذا الله لايبلانا!!!) وانفتح معاها وجيت ولقيت الصمت يسود الأجواء وعيونهم مبحلقة برعب للشاشة ويمكن الوحيدة اللي أحسن منهم دعجاء مغطية عيونها بإيديها ومسوية فتحة تهوية تتفرج منها!!
أنا(بانفعال):الله ياخذكم وش تسوون؟!
غيفة وعيونها تدمع:والله العظيم موب أنا هذي ثابتة ضغطت وطلع لها هالمصيبة!!
إلا ثابتة قعدت عند رجلي وقالت كأنها تِشحذ:تكفين شعيبية تكفين لاتعلمين أحد أبوس إيديك!!
أنا:إلا أنا اللي بأقولكم تكفون لاتعلمون أحد وأروح فيها هالحين بتركب السالفة علي صدق ويقولون شعيبية راعية الدشرة والفساد!!!
صهباء وهي تبكي:قوموا نستغفر لايصيبنا سخط من ربي قوموا...
طفيت الكومبيوتر ولطفت الأجواء وقمت أونسهم بسواليفي ومواقفي الطريفة مع زياد وتذكروا هم سالفة المول...
ثابتة:ياحليلك ياشعيبية كسرتي خاطري يوم كفختك يقظانة!
أنا:لو فيكم خير كان فرعتوا بيني وبينها لكن ماش كل وحدة قالت نفسي نفسي!!!
دعجاء:وهالخبلة مِن يقدر عليها فيها عافية لاإله إلا الله...
أنا:اسكتوا بس لاتِذَكروني...من قوة الطق الكابتشينو اللي شربته طلع من خشمي!!
صهباء:يلا زين سوى فيها زياد أدبها تأديب..ياحظك وراك أخو يدافع عنك..أنا لو تعرض لي أي أحد أظن أخوي بيجي ويضربني معه!!!
-----وبعد السوالف أخذنا النعاس ونمنا ..وصحينا وقت الغدا!!
وكانت ذبايح..رضاوة لأعمامي ووداعية بنفس الوقت لأنهم قالوا إنهم بيسافرون فجر اليوم التالي..
وبعد الغداء جات الدكتورة وطمنَّت جدتي إن نتايج الأشعة تقول إن مافيها كسور..ومافي الا شوية كدمات بظهرها من أثر الطيحة..
وفي العصر نادت جدتي أبوي...
جدتي:أقول ياخلف ضاق صدري من قعدة البيت...ويازين الديرة زيناه هوا ربي يهفني كل ساعة!!
أبوي:ااااها!انتي وش تلمحين له بالضبط؟لاتقولين بتسافرين مع أخواني بكرة؟ترى مابأخليك ...ودي فيك شهر ثاني تقعدينه عندنا!!
ووقتها كنت أشرب الشاي الأخضر ومكيفة عليه بس يوم سمعت كلام أبوي جاني شَرقَة!!
جدتي:بنت ياشويشة لاتموتين علينا!افرحي بكرة بأسافر الديرة...بس ودي اليوم ياخلف نطلع جميع ونروح البر!!
أبوي:يايمه الله يهديك ودك تطلعين وهذي حالتك؟!!
جدتي:وشفيها حالتي؟!ماسمعت الدكتورة وهي تطمني؟!بنروح البر اليوم يعني بنروح البر سمعت؟؟ولا أرفع صوتي؟!
أبوي:لا لا سمعت...بس البر انتم شبعانين فيه بالديرة خل نوريكم بحرنا بتستانسون..
جدتي:على هواك..أهم شي نطلع من البيت!
ومن فرحتي رحت طيران أبشر البنات إنَّا بنطلع...وقابلت زياد في المكان المعهود الباب الخلفي للمطبخ..
زياد:هاه..ياشوشو؟وش عندك؟!!
أنا:أبشرك..بنطلع كِل ابونا للبحر!
زياد:ماعندي عِلم..أنا متفق مع أولاد أعمامي نروح للنادي..
أنا:أي نادي الله يسامحك؟بالله أولاد أعمامك وجيه نوادي..هم والكوافي اللي يلبسونها على رووسهم والثياب اللي أكل الدهر وشرب عليها؟!
زياد:وش عليك انتي؟أصحابي ينبسطون عليهم..يقولون أولاد عمك دبج!بس خفيفين ظل وعلى الفطرة!!
أنا:المهم بغيتك تروح وتشتري لنا شوكولاتات وحلويات عشان ناكلها مع القهوة إذا رحنا البحر..تدري في الخرجات ومع الهواء العليل الواحد يلقى شهيته مفتوحة غصب عنه...!
زياد:ابشري..ولاتنسين.اعتذري لي من يقظانة على علقة أمس!!!!
أنا(بعصبية):ايش تقوووول؟!
زياد:أقول اعتذري لي منها وقوليلها زياد يقول السموحة منك على تكفيخة أمس ولو درى زياد إنك يقظانة كان ضَاعف الجُرعة!!
أنا وزياد:هههههه
---------
واستعدينا ورحنا البحر...وإحنا بنطير من الفرحة التغيير حلو ومطلوب...
فرشنا على الأرض والنسوان جلسوا بصوب وإحنا البنات جلسنا قريب منهم بس على فرشة ثانية والبزران أول ماشافوا البحر انفلتوا كأنهم مسعورين...وأما أعمامي فتفننوا في التصكيك علينا ومحاصرتنا بسياراتهم!!!
قال إيش:نخاف على حريمنا!حشا صار شكلنا كنا قاعدين بغرفة من أربع جدران مابقى إلا يجيبون لنا هليوكوبتر من فوقنا وتصير سقف!!
ورحت سحبت الفرشة وفرشتها ورا وحدة من السيارات وقلت للبنات:ترانا جينا نشم هوا مو نختنق!!
إلا أسمع واحد من أعمامي ينادي:شعيبية؟!
أنا:نعـــــــــم..
عمي:والله إني داري مافي مخالفة إلا ولك إيد فيها!!ارجعوا!
أنا:لا مو راجعة..ماحولنا أحد..والعيال بعيد ويلعبون كورة..وهذا إحنا بـ عباياتنا...
----
نستكمل بإذن الله مع الحلقة الأخيرة..

الحلقـــــــــــــــــــــة الأخيــــــــــــــــــرة!!!!
----
المهم رحت أنا والبنات على الشاطيء..
وغطسنا رجيلاتنا...إلا ويجينا ذاك الصوت تقولون بنز يفحط!!
أثاريه صوت يقظانة تفحط اااا أقصد تغني بصوتها العذب اللي ينافس أم كلثوم وتقول:
قاعدة على الشط
قاعدة أتمشـــــــط
جاني الـــــــــــواوي
قال لي قــــــــــومي
مانـــــــي مانـــــــي!!
أنا(باستهبال):الله الله وش هالزين كله..لك مستقبل يابنت..ماغير اسكتي ترى صوتك فتنة!!
إلا مشبب العلة مادرينا شلون إلا وهو ناقز وسطنا ويصيح علينا:ماشاء الله!وش قلة الحيا اللي فيكم هاه؟؟اشتغلتم مطربات وعارضات سيقان؟!!استتروا!
التفت للبنات وهمست:وش عارضات سيقان هذي؟أول مرة أسمع بها!!
غيفة(أخت مشبب):يعني عارضات أزياء!
أنا:وبعديـــــــن مع العيلة النشبة هذول؟!صككوا علينا بالسيارات وسكتنا...بس حتى البحر حرام نمشي جنبه؟!!والله حاله!
وكان فيه كشك يبيع آيسكريم على مقربة منَّا...وهفني الشوق للآيسكريم وجيت مدرعمة أنا والبنات نبي نشتري آيسكريم!!إلا ويوقف لنا مشبب مثل مسمار جحا ويقول:وين رايحات؟!!
البنات:نشتري عسكريم!!
مشبب:ماعندنا بنات ياكلن عسكريم!
أنا:حتى الآيسكريم من الممنوعات عندك؟!
مشبب:أكيد..انتي رايحة تكلمين رجال وهذا مايصير!!
أنا:هذا إنت رجّال وأنا واقفة أكلمك!!
مشبب:إيه طبيعي..هذا لأنك ماتستحين!!
وعاد أنا طرطعت وبغيت أنفجر في وجهه لكن مسكت أعصابي وقلت لنفسي يابنت كلها كم ساعة وبيسافرون تجملي لآخر لحظة!!وأروح اتصل بزياد وأطلع حرتي فيه!!
أنا:آلو زياد..هالمشبب وش يبي كل ساعة قاط وجهه علينا؟!!
زياد:عاد يبي يحرسكم وتحسون إن وراكم رجَّال!!
أنا(بعصبية):رجَّال على نفسه ياحبيبي!
---وراح زياد وسحب مشبب يلعب معاهم كورة...وبعد هنيهات<<حلوة هنيهات!
ركب مشبب الدتسن حقه وقام يفحط على البحر ينقال يستعرض كأن أحد عاد بيعجب فيه!!!الحمد لله والشكر! والتموا الناس وقاموا الشباب يصفرون ويصفقون!!واجتمعت خليقة الله حولنا وقام عمي صنت(أبومشبب)يستطلع الوضع إلا والدورية جاية تبي تسحب مشبب!!!
عمي صنت:خير يالعسكري ليش ماسك اولدي؟؟؟
العسكري:لأن هذي منطقة عوائل ومو مخصصة للتفحيط..وفيها أطفال..تدري لو غلط ولدك واقترب أكثر كان بيروح فيها أرواح ناس؟!!!
وإحنا مو سامعين شي بس نشاهد الموقف من بعيد..
إلا نضرة أخت مشبب تقول:يمه بيمسكون أخوي واعليا ماسوى شي!
أنا(بسخرية):ايه مرة مسكين أخوك ماسوى شي!!!ألا ليتهم ياخذونه ويفكونا منه وهو مشتغل علينا جاسوس...
ووصل الخبر لجدتي شعيبية وقالت:نادوا زياد يشيلني بسيارته للعسكري!!
أنا:ياساتر استر..حتى العسكري مابتخليه جدتكم في حاله؟!
وراحت جدتي شعيبية وطلعت راسها من شباك السيارة وقالت:وشفيك ياعسكري قاضب ولدنا؟!
العسكري:قاعد يفحط في منطقة عوائل..ياخالة..
جدتي:حرام تمسكه تراه مسكين مايحيط بشي ن حوله..وأما العقل لك عليه وإنحن جايين من الديرة للمدينة عشان نعالجه الله يعافيه ولايبتلي مسلم!
العسكري:إنتي من صدقك ياخالة؟!
جدتي:ايه من صدقي...ياورع يامشبب تعااااال..
ورفعت أصابعها قدامه وقالت هذي كم؟!!!
قام مشبب يستهبل ويشقلب عيونه في الهوا ويقول اثنين!!
قالت جدتي:وش جينا نسوي هنا ياولد؟؟
قام مشبب يستخبل وقال:نشرب ماي البحر ياميمتي!!
قال العسكري:الحمدلله والشكر..الله يشفيه لكم..خلاص بنتجاوز عنه وانتبهوا له مرة ثانية لايأذي أحد ويأذي نفسه !
راح العسكري من هنا وعمي صنت فصخ عقاله من هنا وشحط به مشبب لين قر عقله!!
وانقلب الاستعراض البهيج اللي سواه مشبب إلى فضيحة علنية ضحكت عليها لين شبعت!!
وصار مفتشل ولاعاد قرَّب جهتنا...
وإحنا البنات انبسطنا سواليف ولعب بالطين على الشاطيء وبنينا قلعة وزيناها بالأصداف...وصِدنا سمكة قرش وسوينا بها فيليه سمك!<<<يقطع البكش وسنينه!!
وقمنا نلعب لعبة شد الحبل بنات عمي وعددهم تسعة وأنا معاهم عشرة وانقسمنا فريقين...خمسة في طرف والخمسة الثانيات في الطرف الثاني..
اعترضت أنا وقلت:لا لا ماأنصفتوا أنا أحتج!اللعبة كذا مافيها تكافؤ!
البنات:شلون مافهمناك ياشعيبية؟؟
أنا:ايش اللي تخلون خمسة هنا وخمسة هناك؟..مافي عدل!يقظانة لحالها عن فريق!!!
يقظانة:تضحكين فيني يالسحلية؟!مايخالف أنا راضية!!اوقفوا كلكم وامسكوا الحبل من هالطرف وأنا بأوقف لحالي وأمسكه من الطرف الثاني وخل نشوف مين منَّا بيفوز!!
أنا:هلا هلا ياالثقة...هالحين بتفوزين وانتي بروحك؟!
يقظانة(وهي تطق على صدرها وتتكلم مثل المحششين):قدها وقدود لايغرك!!
أنا:أجل عندي شرط!اللي يخسر نقطه في البحر..(قلتها وأنا واثقة إن يقظانة بتخسر فقلت فرصة نقطها في البحر وأفش غلي فيها!!)
يقظانة:تم!!
وقمنا نشد الحبل الفريق الأول يقظانة والثاني أنا ومعي 8من بنات عمي!!ونشد ونشد لين تعبنا وشدة وحدة وطيحتنا يقظانة كلنا بالأرض!!!الله أكبر عليها فيها عافية مُصارع....ولاحت في وجهها بشاير النصر
وقالت:يلا ننفذ الاتفاق يابنات..
وأقبلت شالتني وكان الوقت بعد المغرب ورمتني بعباتي بوسط البحر لابارك الله في ابليسها والبنات يضحكون وأنا أصيح غرقت كلي أنا وعباتي ومامعاي غيار!!
وخرجت من البحر وأنا زعلانة وأدعي عليها!!
صهباء:هههه تستاهلين..من حفر حفرةً لأخيه وقع فيها...
كلمت زياد وقال لي:الرجال عاجبتهم القعدة ترى بنتعشى في البحر!!
أنا:اييييش؟ياويلكم من الله...أنا غرقانة لـ شوشتي وباقي أقعد لين تالي الليل ويذبحني البرد؟!!
زياد:وش أسوي بك؟دبري عمرك!!
وقفل الخط بوجهي وأنا قعدت بحسرتي!!
وريفان تقول:أحسن..وش لعب البزران هذا؟مادام شرطتي هالشرط في اللعبة تحملي النتيجة!
ماحد حن علي إلا الشغالة...
الشغالة(بلهجة اندونيسية مُعرَبَة):شؤيبية؟!(الترجمة شعيبية!!!)
أنا:مِس شعيبيةلو سمحتي!
الشغالة:خود ملابس أنا أشان مافي برد!!
أنا:ماشاء الله وانتي تقعدين عارية؟!
الشغالة:لا أنا فيه إلبس بيجاما تهتو جلابية أنا..انتي بس خود جلابية وأنا لابس بيجاما تهتو الأباية!
أنا:والله فكرة..ولو إني مادريت إن الزمن بيحدني أستلف ملابسك لكن يلا كل شي جايز!!
المهم لبست جلابيتها ونشرت عباتي على السيارة لين ماجفت شوي ولبستها والبنات يضحكون علي أنا وملابسي...ومدري ليه من يوم لبست ملابس الشغالة حسيت إني تقمصت شخصيتها وكل شوي أبرقِط في الكلام مثلها..
أمي تناديني وأقول:نأم!
واتصل بي زياد يقول خذوا العشا من ورا السيارة وقلت له:هادِر مستر!حاضر مستر!
مدري اشفيني شوي وأقول لهم عطوني الراتب!!
المهم أمي وجدتي وزوجات أعمامي(جذوة وحصيفة وهدبة ومزينة وثويبة ورعثاء وشهباء) كانوا قاعدات سوى يسولفون في عالم آخر ويسبون في بنات هذا الزمن!!!وهذي سالفة كل جيل يجي يسب الجيل اللي بعده وبعد الطلعة الخنفشارية هذي ردينا البيت الكل دخل ينام وأنا دخلت لدورة المياه أتحمم لأني أحس ريحتي صايرة سمك وبحر وفيكس أندونيسي!!
----
وماصحيت إلا الظهر..لقيتهم سافروا وماودعوني...وهل دمعي من عيوني!!
وأصبحت كسيفة البال...
ياحليلهم مابغوا يزعجوني فسافروا الفجر من غير مايصحوني أوادعهم وأخذوا معاهم جدتي شعيبية...ولقيت على الكومادينة جنب السرير ورقة كاتبين لي فيها ذكرى وآآه من الورقة آآه تقطع القلب من كثر الأخطاء الإملائية اللي فيها!!!
شعبيا(واويل قلبي ويلاه..حتى اسمي مايعرفون يكتبونه!!!)نوحوبيكي جدن(يعني نُحبُك جداً!! بس لأنها طالعة من القلب زودوا فيها هالحروف!!)
ولان ننسكي أبدن ل أنكي بينت عمنا خلف الحبوبهـ المريحهـ(الترجمة:لن ننساكي أبداً لأنك بنت عمنا الحبوبة المرحة!!)
وطبعاً الأخت يقظانة لأنها الوحيدة بالعيلة اللي كملت تعليمها لين ثاني متوسط لذلك تعتبر أوفرهم حظاً وأقلهم أخطاءً كتبت(لاتنسيني ياشعيبيا من ذيكرياتكي وإلا بأفقع وجهك!!!)!!يمه بسم الله علينا حتى خطها يخرع مثلها!!!!
وقعدت أبكي ونزلت لريفان وزياد وهم يتغدون والحزن شاقني نصين..
قالت ريفان:سبحان مغير الأحوال كل هذا من فرقاهم؟!!
زياد:لا والله إلا من فرقا مشبب!!
وهنا انطلقت على زياد أعضه!!!
---------
مرت الأيام وانتهت العطلة الصيفية وأقبلت الدراسة وأصبحت في الصف الثالث الثانوي شديت حيلي للآخر وجبت نسبة عالية عشان أدخل للجامعة فرحوا فيني أهلي وسووا لي حفلة على مستوى في استراحة تهبل.عزمت فيها كل الحبايب والصديقات وانزفيت أنا وشلتي بالثانوي..والحقيقة كانت هالحفلة فاتحة خير على ريفان لأن وحدة من أمهات زميلاتي خطبتها لأخوها اللي يصير بنفس الوقت خال زميلتي..وخلال شهر تمت الشوفة والخطبة وبعدها الملكة العريس كان طيب أرمل سابق ماعنده أطفال وظيفته طيبة اسمه(عبدالكريم)...
وعلى نهاية الإجازة كان العرس وتجدد اللقاء ببنات عمي اللي ماحضروا كلهم البعض منهم بس...
بعدها بدأت الدراسة وأصبحت طالبة جامعية وكونت علاقات جديدة ودخلت قسم اللغة الانجليزية وصرت أغرِّد في الإنجلش لدرجة إن هواشاتي كلها مع زياد أسبه وأشتمه بالإنجليزي..!!!
أقول له:يو آر دونكي!
يقول لي:يو آر مونكي!
أقول له: يو آر كريزي بوي!
يقول لي:يو آر ستيوبت قيرل!!
أعجبكم أنا أجل ايش؟!!
-------
مرت الأيام ومامن جديدٍ يُذكر كل سنة نروح مرة للديرة لزيارة جدتي وأعمامي ..
وكانت جدتي كل ماشافت أبوي تضحك وتقول:جيت تدور لبنتك عريس ياخلف؟!!
وأرد عليها بإجابتي المعهودة:لا لا عيال المدن بعدهم ماانقرضوا!!
000
الحلو بالأمر إن غيفة طلعت قد كلمتها وكملت دراستها وأخذت الكفاءة!أما الباقيات قعدوا في البيت كل وحدة تنتظر النصيب يجي!!
العجيب في الموضوع إني وأنا بثاني جامعة انعزمت على زواج بالديرة..تهقون زواج مين؟!!!!
زواج يقظانة على مشبب!!ايه نعم..طاح الأعمى على المتكسر!
ورحت أحضر لأن خاطري أضحك..ماضحكت من زمان..لكن فاجئوني أخوات مشبب بسؤال...
قالوا:شعيبية؟احلفي إنك مو زعلانة على زواج مشبب بيقظانة؟؟
أنا:هههههههههههههههه
ههههههههه أي زعل؟إلا هذا يوم سعدي..الله يهنيهم لايقين على بعض!نفس الطول والعرض والحجم والارتفاع والعقلية والصوت بعد!!
وعاد لو تشوفون يقظانة وهي بفستان العرس بتتشقق من الحيا!!كيف ذي؟؟ماتركب!!وكأنها مع المكياج لاح في معالمها شيء من الأنوثة!
-----
المهم مرت السنوات وريفان صار عندها بنتين(جنى+لنا)...وضي توظفت في رياض أطفال وجابت ولد سمته(رائد)...
رند جابت ولد سمته(يزَن)...واشتغلت ادارية في إحدى المدارس الخاصة...
وبآخر سنة لي بالجامعة كانت مدرسة التحفيظ اللي تشتغل أمي فيها ادارية مسويين حفلة تكريم لطالبات التحفيظ وجهت لي أمي دعوة ورحت وحضرت الحفل وشافتني وحدة من المعلمات وخطبتني لولد أختها...
شفته بيوم الشوفة واسمه(باسل) وفرحت وقلت بنفسي أخيراً ابتسم لي الحظ!!
وثاني يوم اتصلت أمه تسأل أمي عن رأيي في العريس قالت لها أمي:الحمدلله البنت مرتاحة...
أم باسل:حتى باسل مرة أعجبته العروس ونبيكم تحددون يوم نتفق فيه على المهر والشبكة وخلافها..
أمي:ابشري بأكلم زوجي ويصير خير
أم باسل:بس الصراحة ولدي باسل عنده شرط!!!!!
أمي(باستغراب):وشهو الشرط؟!
أم باسل:إن بنتكم تغير اسمها!!
حاولت أمي توعدها خير..وأنهت المكالمة ونقلت لي التفاصيل!!
ولأول مرة يابنات حسيت إني معتزة بإسمي ومتمسكة فيه!!
وقلت:يخسى إلا هو..هذا اسمي ومابأغيره طول عمري!
أمي:غريبة!!مو طول عمرك متعقدة من اسمك؟!
أنا:غيرت رأيي... هالحين عاجبني اسمي موووت!!
أمي:ايه بس الناس شرَّايين والعريس لو تطلبينه القمر جابه لك!
أنا:ياشيخة لو يكتب السعودية بإسمي ماقبلت فيه!!أجل إيش؟؟هاللي مارضى بإسمي اليوم..أجل مابيرضى فيني بكرة!!من أولها يبي يتحكم ولد أمه؟!
إلا تفاجئت إن أبوي كان يسمع كلامنا وتوجه لي وعيونه فيها نظرة غريبة ومسكني من كتفي واخترعت! ظنيته بيطقني لكنه قال:
كفو ياشعيبية كفو...اسمك هو اللي مزينك ومعطيك رزة...ويحق لك تفتخرين فيه!
وتفركشت الخطبة!!
وتخرجت من الجامعة وقعدت بالبيت..وزياد تخرج قبلي وتوظف بأرامكو..
خطبت له أخت زميلتي بالجامعة..إحنا يوم كنَّا بآخر سنة هي كانت أولى جامعة..وحددوا زواجهم بعد سنتين وكان اسمها(رُبَى)...بعد زواجهم راحوا لأمريكا لأن زياد بيكمل ماجستير..
مرت الأيام وخطبني ولد خالي أخو أماني تتذكرونها؟!!!
وكان اسمه(ثامر) يشتغل مترجم بالسفارة ووافقت وأنا مغمضة!!!أهل أمي حبوبين جداً...
وأماني طارت من الفرحة يوم درت إني موافقة ومسكتها من إذنها وقلت:شوفي ياأماني وافقت على أخوك محبةً فيك...بس لو بكرة تسوين لي شغل حموات..لاتلومين إلا نفسك!!مغامراتنا وأسرارنا اللي كنَّا نسويها ادفنيها لاتفشلينا عند أخوك!!
أماني:يمه منك!!شكلك نسرة!!الله يعين ثامر!!
ومرت الأيام وتزوجت عقبالكم ياصبايا!!
ورحنا الصين شهر عسل كل الناس هناك يشبهون بعض ياسبحان الله!!!وقعدت أحاول أتعلم آكل رز بالخشبتين لكن امعصي!!هذا المستحيل بعينه!وعقبها ماليزيا..
ويوم رجعت لبيتي ورحت أسلم على أهلي سألتهم عن أخبار جدتي وقالولي:أخبار جدتك ماتسر!!كأنها بدت تخرف!!
وبيني وبينكم هي موب صغيرة على مشارف التسعين..لذلك طقتني النخوة وعرضت على ثامر إننا نسافرللديرة وأزور جدتي وخصوصاً إنها ماحضرت زواجي بسبب مرضها..
ويوم دخلت عليها لقيتها مسيكينة على الكرسي المتحرك وحضنتها وسلمت عليها ويوم جلست قالت لي:مين انتي؟!!
فتحت فمي بدهشة وقلت:أنا شعيبية ياجدة!
جدتي:شعيبية بنت من؟!
أنا:بنت خلف..
جدتي:خلف ولدي؟!!
أنا:ايه خلف ولدك..
جدتي:غريبة!!ماعلمني إنه عنده بنت!
أنا:لاإله إلا الله نسيتيني ياجدة؟!نسيتي شعيبية إلا قفاها ياما ذاق من عصاتك؟إسألي عصاتك وهي تجاوبك!
طالعت فيني عمتي جذوة(أم مشبب) وقالت:جدتك خلاص ياشعيبية ماهي على خُبرك...مرات تعرفنا ومرات تضاربنا وتقول مين انتم؟؟
والحقيقة انكسر خاطري يوم شفتها الله يرحمنا إن صرنا إلى ماصاروا إليه من بعد القوة ضعف ويرجع الواحد كأنه طفل صغير يعتمد على الغير في كل أموره...مين يصدق إن هذي هي جدتي شعيبية؟!!
مين يصدق إن هذي هي جدتي اللي كان ينضرب فيها المثل في القوة والشدة؟
وأما يقظانة دخلت علينا ومعاها 3بزارين ماشاء الله..
أنا:ماشاء الله يايقظانة كلك حركات!ماعندك وقت يابنت كل سنة ياحامل ياوالد!
يقظانة(بصوتها الأجش):الأولاد عزوة عزوة!وش فهمك انتي بس؟!!
إلا فتحت الباب لزوجات أعمامي إنهم يتلقفون ويسألون!!
عمتي حصيفة:هالكرشة بداخلها شي؟!
أنا:تو الناس ماصار لي شهر مِن تزوجت!
حصيفة:وإذا شهر؟ والله يابنت فلان بن فلان حملت من أول ليلة!!
أنا:عاد أنا غير!!وبعدين زوجي ظروف عمله تحتم عليه يسافر كل يوم لدولة..خل نستقر بالأول وعقبها يحلها حلاَّل!!!
عمتي جذوة:لايكون تبلعين شي؟!
أنا:لاما أبلع شي..بس هالحين بأبلع لساني وأسكت وفكونا من ذي السيرة الله يرضى عليكم!
00000
وبالليل يوم جينا ننام قعد ثامر يحكي لي عن انطباعاته عن أعمامي وأولادهم وبنص الحديث قال:تصدقين فيه واحد من عيال عمك ينقال له مشبب..كان يناظرني نظرات غريبة!!
أنا:وشفيها نظراته يعني؟؟
ثامر:مدري حسيت كأنها نظرات شفقة!!وسألني سؤال غريب!
أنا:هاه؟علمني وش قال؟؟
ثامر:قال لي:ماشاء الله عليك ياأخ ثامر والله إنك مزيون...بس هل إنت مبسوط مع زوجتك؟!!!!
فرديت عليه وقلت له:فيه أحد يتزوج وحدة أميرة مثل بنت عمك ومايكون مبسوط يامشبب؟!لكنه طالع فيني بنص عين وقال:سبحان الله...الله يكتب لك الجنة إن شاء الله!!!
طبعاً زوجي كان يتكلم ببراءة وموب فاهم وش الطبخة لكن أنا فهمت قصد مشبب!!مازال مصدق إني أنا اللي في الصورة إياها!!!متذكرين؟؟؟؟؟هههههههههه هه أحسن!!!!!
-----
مرت الأيام والشهور وحملت وكانت الدكتورة مانعتني من الحركة...وتصادف ذلك مع الخبر الصاعقة!!!
ألا وهو....


وهو...


انزلوا بعد

بعد شوي



ايه بس هنا
خلاص!

بس هنا
وفاة جدتي شعيبية!!!
بعد معاناة مع المرض وخاصة إنها أصبحت مُقعدة في أيامها الأخيرة..
ماأخفي عليكم بكيت من قلب وقعدت أتذكر كل كلمة قلتها عنها أو تصرف غير مهذب سويته معاها وأتندم...ألا ليت الزمن يرجع ورا وأحب راسها وأخدمها بعيوني لكن كلمة ياليت ماتعمر بيت!
وحسيت نفسي مثل المربوطة مو قادرة أسافر لأجل أعزي وبنفس الوقت كل تفكيري فيها أدعي لها وأبكي عليها...
وبعد أسبوع تفاجئت بجرس الباب يدق ورحت أفتح لقيتهم أبوي وأمي...
وكان الحزن واضح عليهم...عزيتهم وانخرطنا في بكاء جماعي!!
وقعد أبوي يذكر لي مواقفها الطيبة مع الجماعة وذكريات طفولته بحلوها ومرها...
وقال لي:شعيبية؟جدتك قبل لاتموت بدت تتذكر أحداث قديمة بحياتها ووصتني وصية..تدرين وش هي؟؟
أنا:لا مادري..
أبوي:قالت ياخلف خِذ عصاتي وعطها لبنتك شعيبية!
وعطاني عصاتها..
هنا انفجرت من البكا وقلت بنفسي:سامحيني...سامحيني ياجدة
----
يابنات لازم تعرفون إن الاختلاف بيننا وبين كبار السن وارد..لأنهم عاشوا حياة مختلفة عننا كليةً...ذاقوا طعم الفقر وحياة الشقا وقسوة البيئة والمحيط وكل هذا انعكس في تصرفاتهم...
المفروض إننا نتعلم من صبرهم وقوتهم وتحملهم...
نتعلم من احترامهم لأزواجهم حتى لو الزوج غلطان
نتعلم من شدتهم في تربيتهم لأولادهم تربية صالحة وتعليمهم معنى المسئولية..
لازم نتحملهم مهما أخطوا علينا وكان أسلوبهم جاف
لازم نحترمهم ونحترم سنهم ومانستخف فيهم..
نصيحة مني:كل وحدة جدتها عايشة تروح وتحب راسها وتقول لها:ياجدة انتي بركة ادعي لنا عسى الله يوفقنا...
----------
تمت القصة بحمدالله